الموضوع: قوانين قيادتي فالرياض الله يخليه لاهله

السلام عليكم ورحمة الله وبركاته

مبروك عليكم الاختبارات <- موظف جحلوطي :d

لا تذاكرون كويس تراك بالاخير بتصور معهآ <- ابوك يالتحطيم :p

لي سنتين ساكن بالرياض :( <- الاخ قصمنجي على شمالي كوكتيل مناطق;)

نرجع لمحور حديثنا وهي القياده

من ناحيتي جاني القولون العصبي وكله من السواقه (...............) XXXX

المهم انا انسان اذا لف علي ماتشوفني طووط طوووط طووط طوووط اللي عطاك السياره

حلــوو

المهم يوم من الايام وكنت مضغوط من العمل كرف ليل ونهار

طلعت الصبح مروق ومصلحلي كوب شاي ركبت السياره

وحطيت الرادو على الاف ام

وكنت واقف باشارة الخدمه بمخرج 15 تقاطع هارون الرشيد

فتحت الاشاره وكان بجنبي على اليمين كامري وكان عسكري

مشينا بدون مقاوم مشي طبيعي لين ثبتنا انا وياه على سرعة 70

جانا ملف اسمه شارع عنيزهـ

وطلعت ذيك السياره النترا موديلها 2003 او 4

وخرة عنها ضربة الررصيف كوب الشاي انكب علي وعلى مكان ( محظور)

الكامري ضرب بريك بس ممداهـ (وطــع) قبـع الرجال

الحين بقولكم ردة فعلي!!!

وقفة نص دقيقه قلت الحمد لله وبنفس الوقت لعنته وبنفس الوقت عكسة ام الخدمه

ووقفت عند الحادث لاني تعديته بكم متر

طبعا السكبه والتشخيصه بح من ضربة الرصيف

وقفت نزلت شماغي

نزلت بالعقال

وجلدته

من وين يحس

وجلدته لين اذن الفجر عندهـ طبعا هو بالسياره مانزل قلتله

عطني المفتح مع كفين مو باادب

عطاني المفتاح ابو مصير

وقطيته بالعام مو بالخدمه عاد صبح الساعه 9 ونص

قلت فيك خير رح خذه

رحت لصاحب الكامري قلتله سلامات قال الله يسلمك رحت جبتله مويه من السياره

قالي زين انك ضربته

قلت عادي يارجال ردة فعل طبيعيه

قلتله هذا رقمي اذا بغيت شي عطني الو

قالي ابغاك تشهد انه هو الغلطان قلتله عيوني لك

شهادة حق

جاء اخو المصري قالي ان اهنت كرامته ولازم تتاسف

قلتله مع نفسك يالغلا

انا اتاسف لواحد بغى يودينى بستين نيله؟؟

قالي انت وانت وانت كان ردي له ( قززتها) قفلت الدريشه حقتي

جاء المرور وين صاحب السياره ذي وصاحب السياره ذي

خذا اوراقهم

قال المصري الشخص دهـ ضربني بالائلم

انا على بالي يقول ضربني بالقلم

واتحماله بكوع قلت لا تكذب

اثاريه يقول ضربني بالوجع

وانا قبلها يوم قال هيك كان معي قلم وقطيته قلت لا يكون بيلعب لعبته قاله العسكري مالنا دخل بالمشاجرات حنا تخطيط حوادث

اتصل على الشرطه وقلهم

المهم قلت للرجال تامر شي قال سلامتك وجزاك الله خير

يوم جيت امشي قالي العسكري لا تروح اذا رحت تصيرعليك ميه بالميه

وننتظر الشرطه تجي وبعد ساعه جت

خذونا للقسم ويالله يالله تنازل

بحب الروس

بالواسطات كانو العساكر متعاونين

جا كفيل المصري قال سامحه ولك الاجر ويالله يالله اقنعوه

وقع تنازل وانا بعد

قبل لا اطلع قالي الضابط اجلس

جلست

قالي انتبه من يدك

انتبه من يدك انتبه من يدك

ثلاث مرات قالها

قال قبل اسبوع في اثنين تهاوشو عشان البوري

نزل واحد منهم وضرب الثاني وطاح ومات

معاه قلب واجهزه بقلبه

وشف اللي ضربه للحين بالسجن ينتظر حكمه

عقبها تبت

الحين صرة وش اسوي ؟؟

اذا احد زهقني بااي مكان مثلا معيي لا يفتح الخط

يمشي صفر

مسكت عناد معه

اقوم اطوفه

واسحب بريك بدون لا تطلع سحبت البريك

يعني بدون لا تطلع اثار الكفرات

عشان لو صدمني الخطا عليه

مثلا لموزين بالدائري ماقدامه احد وتكبسله مافتح خلك هادي ياقلبي وطفه من اليمين ولا صرة قدامه

عطه بريك اللي يخوفه ويخرب عليه يومه

وخله يصدمك يالغلا الخطا عليه

الشي الثاني اذا احد يستهبل وراك حاط النور العالي خلك هادي ياقلبي وارفع رجلك عن البنزين لين يلزق فيك بدون بريك

عادي وقف الخط واذا طافك احرقه

الشي الثالث

مثلا بجنبك سياره قديمه وعادي عنده لو يحك فيك

لا تخاف واجزم سوي ان السياره ماهمتك

وعادي لو تصعدهـ

انا مااقولك اصدمه والا رح حك فيه بس هو بيطوفك والطريق لك اصلا بس عشان سيارته قديمه بايعها ولا همه احد

الرياض متعب جدا

يبغالك تصير هادي والا والله ان لا يجيك ضغط وسكر والامراض العصريه

اسسسسسف على الاطاله

قاعد اقولكم اللي تبوح نفسي فيه

بالاذن