كم صرفت على سيارتك من يوم ما طلعتها ؟؟؟

[ACCORD BENZ]

السلام عليكم و رحمة الله و بركاته
جميع اعضائنا اصحاب الهوندا و الذوق الراقي
موضوعي هو عبارة عن استطلاع - كم صرفت على سيارتك من يوم ما طلعتها ؟؟؟

و بكون اول واحد :
موديل سيارتي 2007 و اربع سلندر
19,200 بترول
2,000 غسيل
12,100 تراخيص و تامين
9,000 اكسسوارات
8,000 صيانة
3,000 الكترونيات
53,300 المجموع العام

هذا الكلام على 3 سنوات أو اقل بشهرين*و بشكل تقريبي
يلا ابا مشاركة من الجميع
و السموحة على الاطالة

[kakashi-san]

وعليكم السلام ورحمةُ الله وبركاته ،،

يا هلا فيك اخوي ..

انا بصراحة ما عمري حسبت كم مرة عبيت بانزين ولا فكرت اصلاً احسب ، :d

بالنسبة للي صرفته على سيارتي تقريباً ..

أكورد 2008

حماية للواجهة الامامية من توب شيلد : حدود 1000 ريال ..

تركيب عازل حراري على كامل السيارة 01 من في كوول : بـ 555
< كان واحد من ربعنا يشتغل هناك ومسوين لنا خصم ، عشان لا احد ينصدم من السعر الرخيص :d

تركيب شاشة تايم لس مع الكاميرا وكل شيء : 2650 ريال ..

تركيب زينون على ايامه 4300 كلفن : حدود 400 ريال ..

بلاستيك على الارضيه + الاسيات : 200 ريال ..

الصيانات في الوكالة : سويت 20 ، 40 ، 60
كلفني حدود : 2500 ريال

،،

بالتوفيق لك يا كويس ..

[AHN]

هع ., كثير ., بس مااودي أحسب .,

[@اكورد وبس@]

حادث الاكسبلورر جاب لي سعر ياريس تقريبا :(

صرفت عليها واجد مع اني ما مشيت عليها الا قليل

[الوهم الاخير]

والله ماادري بس كثير جدا

والله اني ندمان

مو عشان شي لكن الفلوس اللي صرفتها ندمت عليها وجاتني ايام كنت بحاجة الفلوس هذي ولا حصلتها

الله المستعان

[جسوم البحراني]

مضخم صوت+سماعات خلفية+صبلة بيس+شاشة+كاميرة خلفية+أنتل للشاشة+بنزين=======4000 ريال تقريبااااااا

[f a w a z]

والله تقريباً كل شي

من يوم شريتها لها سنه الحين تقريباً

كلفت حول 6500 شامله كل شي اكسسوارات , بنزين , مرور

والصيانات يمكن 3000 تقريباً

[slaitr]

ما ادري صراحتاً بس طوفت 15 الف


البنزين تقريباً 100 او اقل فقط

[jawad-al]

والله صلت فوق انا عندي الين مافكرت ابيعها بس الى الأن مابعته قلبي معورني وبطني مألمني على الفلوس ألاصرفتها عليه.
انا طبعا سيارتي اكورد مديل 1990 فل<<<<دريا كمل سالفتك.
المهم من اخديته من عند الوالد تزبيط فيها الين مانسكت عين وبدت الحوادث وتقريبا صرفت عليها حوالي:-
مكينة وقير.
وغير السمكره ألا كل يوم طاب في الخضريه.
والصداديم وقطع الغيار وقطع الغيار ألا من التشاليح.
والسستم ألاركبته ثم بعته.
والجنوط مع السمكره......وزحمة.
واخيرا البنزين.
يعني كلهم حوالي=25000ألف ريال.
قهر والله كان فادي في سياره جديدة بس ها قدرك يابني ادم
ولابقا بعد الله يعيني على عين الحساد والبلاوي ألا طاحت علي:(
تحياتي لكم.
على الكلام الزايد.

[الشمــــالـــي]

صرفت عليها تقريبا 4آلاف
لأني ماحب الخرابيط الواجد :d

[مجوووودي]

البنزين تقريباً 100 او اقل فقط

وش وش وش

100 ريال بس بنزين من طلعت السيارة

كم ماشية سيارتك شكلها 1000 كيلو

_______

انا بحدود ال15 الاف

من كفرات واكسسورات وبنزين ..
وقطع غيار

[slaitr]

^^^
لأ ماشيه 146 الف

وكلفني البنزين اقل من 100 بعد

لا تسألني كيف هذا سر المهنه;)

[اتحادي]

انا بصراحه ما احسب كم صرفت عليها من بنزين و زيت

بس اكسسوارات فقط 15 الف ريال

[مجوووودي]

^^^
لأ ماشيه 146 الف

وكلفني البنزين اقل من 100 بعد

لا تسألني كيف هذا سر المهنه;)

الله يخلي الكروت :d

شي ببلاش ربحه بين :p

[slaitr]

^^^
اي كروت

اصلا بحياتي ماقد شفت كروت بنزين

[f a w a z]

^

اجل عندك محطه بالبيت :p

والـ 100 ريال صرفتها كنت مطرود ذاك اليوم :d

[مجوووودي]

^^^
اي كروت

اصلا بحياتي ماقد شفت كروت بنزين

أنا قلت كروت بنزين ..؟؟

الله يهديك بس :d

[k.s.b.s]

انا صرفت على سيارتي ماشيه 20000
تقريبا 4000 ريال من عازل حراري للسياره وبنزين واكسسوارات وصيانه
الله يعين بس

[TATTOO]

سيفيك 2009 ماشيه4الآف بنزين وجنوط وعده (سماعتين وامبل واوفر..وقريبا البازوكا)ومقص ايسر خلفي غيرته انكسر عليا:(وتضليل وحمايل للسياره من زيبارت كله تقريبا 6 الآف ونص

[slaitr]

^

اجل عندك محطه بالبيت :p

والـ 100 ريال صرفتها كنت مطرود ذاك اليوم :d

:d

أنا قلت كروت بنزين ..؟؟

الله يهديك بس :d

هاه وش :d

[amer09]

يمكن ناصر يعبيها مويه يسقي الزرع واذا خلص فتح تانكي الاكورد :d

والله اول ما شريت الموتر كنت احسب بكم عبيتها بنزين واحسب اخر شي انحاس مخي قلت وشلي وش عوار الراس :d

[Mo3az]

35.000 ريال

[م ج رد حلم]

4000 او اقل