السلام عليكم ورحمة الله وبركاته

بدخل بالموضوع على طوول

انا قبل فتره بسيطه انتقلت الى مدينة الرياض الحبيبه
لاكن تفاجأت من التعامل من قبل رجال الأمن او الدوريات يعني مافي عنده تفاهم على طوول مخالفه
والله ظلم شوفو لو انا غلطان انا استاهل لاكن ظلم عيني عينك تقول بس يبي يعبي الدفتر شوفو انا مع الي يعطون مخالفات لأني ما احب الواسطات لأن الواسطات هي الي تثير الغيره والظلم وتدمر النظام لاكن المشكله ان النظام غلط انا احب ان يطبق النظام بس لييييييييييييييييييييييييش المخالفة تتدبل اذا ما سددت والله ياناس حرااام هذا فوق ان الرخصه الي مافي اي دوله بالعالم حاطه هالسعر الخيالي 400 ريال لييييييييييش
وهذا احنا بلد البترول يعني تخيلو طالع من شقتي ورايح للبقاله تبعد تقريبا 10 امتار يعني خمس ثواني الا انت واصل وكنت بشتري اغراض فلازم اخذ السيارة طلعت وشغلت السياره ما امداني اعشق القير الا دورية وراي تقولي الرخصه والأستماره واقوله ليش يقولي عدم اضاءة المصابيح شنوووووو اقوله يارجل توني طالع ما عنده تفاهم ومره في طريق الدمام امشي 130 كم وصادني الرادار وعطاني مخالفه ولا عندهم تفاهم على طوول ومكتوب على الورقه اذا ما سددت سوف يطبق الحد الأعلى يمه تقول ذابح واحد
المهم كنت رايح اجدد الرخصه ولا اكتشف ان مخالفاتي وصلت 2000 ريال +400 ريال تجديد = 2400 ريال على بطاقه رخصه والله وقلت معصي
والله حرااام الي احنا عايشين فيه هذي ربا وهذا بلد يطبق فيه شرع الله سبحانه وتعالى

لاكن يا شباب في حل اني اجدد الرخصه بدون هالمبلغ الخيالي والله مو داعيني قلبي ادفع على شي انظلمت فيه 2000 ريال

تتوقعون في حل
عذرا على الاطاله لاكن فرغت الي في قلبي حق اعز منتدى عندي
الي عنده حل لا يبخل علينا
وشكرا لكم