الموضوع: كيف اشيل فصلة 220 بدون أضرار .

واللهي واللهي موضوع بيوديك ورا الشمس اليوم :d

لانه من ضمن المواضيع الممنوعه بالمنتدى

بس مو مشكلة بقولك نصيحة تبيها ولا قطها وراك

يا طويل العمر

اذا فكيت الفصله

1 - بتخبط عليك المكينة ويقصر عمرها
2 - ودع القير لانه بيروح في خرايطها

واتمنى انك ماتفكر هالتفكير لانك بتخسر واجد وبص لاتزعل مني بس مجرررد نصيحه يا تاخذها يا تقطها بالبحر

سي يوووو

الله يسلمك

تراك راكب 4 سلندر موب 6 او 8 :d

يقولك المثل

خلك على مجنونك لايجيك اجن منه

أصلآ قبل ما نفصلهـ ... لازم تفصل عقلكـ عن الأشياء ذي
سم بالله واحمد الله على السيارهـ ... وين تبي تروح بتقلع ؟؟!!...
حياتكـ رخيهـ لها الدرجهـ ,,,

أبشر ولا يهمك اخر سوأل . طيب وش فايدة 240 و 260 اكيد لها فايده . المشكله انقهر اذا طافتني كامري اطلع عليه بالبدايه بس اذا وصلت 220 تقول بس كافي . ياليت القى رد :o.

حاطينها يغبنونك فيها خخخخخ

هذي الله يسلمك الفصله من هيئة المواصفات والمقاييس يعني اي سيارة تدخل لسعودية لازم تكون ع مواصفاتنا

ماتسمع بالمواصفات الخليجية و المواصفات السعودية ايواااا بس هنا عليك نوووور اهم شئ وصلنا لمربط الفرس

اخوي ابغى اعرف لييييه السرعه الزايده
220 كافيييه وزيادة

تخيل على سرعة 250 الله لا يقوله صار لك حادث وش تتوقع يصير
تبغى اوريك صور سيارتي اللي قبل وش صار فيها من السرعة؟؟

المشاركة الأصلية كتبت بواسطة شمالي عاشق هنادي

أبشر ولا يهمك اخر سوأل . طيب وش فايدة 240 و 260 اكيد لها فايده . المشكله انقهر اذا طافتني كامري اطلع عليه بالبدايه بس اذا وصلت 220 تقول بس كافي . ياليت القى رد :o.

يالحبيب وش لك بالسرعة الزايدة

انا سيارتي الكل يدري عن مستواها

معدلها من الى ومبرمج وعليها كمبيوتر

ولا يوم فكرت اني افك الفصلة

وش تقول عني انا اساسا مانب مهتم اذا طافني اي موتر بالخط

والسرعة ماهب زينه وانا اخوك ماوراها الا الحوادث والأعاقه:(

لاتفكر بالسرعة ولا بالسباقات

اذا انت هاوي سرعة خذ لك موتر سبورت عداده 320 وروح دوس على كيف كيفك

بس لاصار فيك شي لاتقول فلان هو اللي ورطني:d


لاتسرع فالموت اسرع

أبشر طال عمرك .
بس تعرف سوال محيرني يمكن القى له جواب .
تحياتي للجميع :o
تقبلو مروري
شكلي بجيب العيد من اول يوم هههه :d .

هههههههههه اذا سارلي شي انت السبب ههههه .
أمزح وياك بس مجرد سوأل تعرف كوامري فيهم ملاقيف واجد .
خلاص من الحين حدي 120 ما أتعداها .

تدرون عااد وربي ما ادري من ارد عليه
اشوف كلامي فوق بعض شكلي ارد على نفسي هههههه .
شكلي

لا حبيبي ... والله ننصحكـ من محبهـ ...
والله تعرف مانعرفك ... ولا ندري من أنت ..
لكن بمجرد مادخلت معنا ...فأنت من عائلة هوندا ...
والله يحييكـ أولا وأخيرآ ,,,

مــشـكـور يـا أغـار .
عـلـى الـكـلام الـزيـن .:o
ترا الدعوه كلها ضحك ومزوح هههه
فديت
الجميع .
وبالخصوص أغار يا هوندا :o

الله يهديك السرعه مافيها خير
اذا انت ماتهتم لنفسك تكفى لاتتبلى الناس
بالتوفيق
تحياتي

.و الله شي غريب...انا فوق ال ١٤٠-١٥٠ ما اقدر...و اذا بتهور اوصل ١٧٠ (سويتها مرتين) بس امسك ٥ ثواني و ارجع انزل سرعتي...

٢٢٠، حجرة صغيرة بالأرض و راحت عليك،،

^^^^^^^^^^
في ناس تصير معاها حوادث وتموت على سرعة 80 كم

ردود جميع الاعضاء اللي ردوا فوق مالها اي علاقة بسؤال صاحب الموضوع
وكأنوا سرعة 220 مافيها خطورة بس سرعة 240 او 260 خطرة يعني ؟؟!!!!

بالعكس حتى سرعة 160 تعتبر عالية وفيها مخاطرة

والاخ اللي يسأل ما سألكم عن فتوى بخصوص السرعة ولا عن رايكم بالسرعة

سألكم كيف يقدر يفك الفصلة

اللي عنده جواب يفيده والله ماعنده ماله داعي يتكلم كلام برا الموضوع

اخوي صاحب الموضوع فك الفصلة يصير عن طريق برمجة كمبيوتر السيارة
والغاءها من خلاله

تقبل مروري وتعليقي

^^^^^^^

اقرا اول رد

وتعرف فصلة وش راح تسوي بسيارة يالحبيب واحنا لما تكلمنا على الفصله او ع السرعه الزايده

تكلمنا خوف ع الرجال لو السرعه فيها خير هيئة المواصفات والمقاييس ماحطتها لك

اذا بتتكلم يشئ رجاء اعرف وش سلبياته وش ايجابياته

اذا فكيت الفصله

1 - بتخبط عليك المكينة ويقصر عمرها
2 - ودع القير لانه بيروح في خرايطها

مين قالك ان المكينة تخبط ويقصر عمرها اذا فك الفصلة
وان الجيربكس يروح في خرايطها ؟؟؟!!!

ليه صاحب الموضوع رح يمشي كل يوم 260 كم ؟؟؟
ممكن اذا رح يمشي كل يوم 260 ساعات متواصلة يصير اللي تقول عليه

هذي الله يسلمك الفصله من هيئة المواصفات والمقاييس يعني اي سيارة تدخل لسعودية لازم تكون ع مواصفاتنا

ماتسمع بالمواصفات الخليجية و المواصفات السعودية ايواااا بس هنا عليك نوووور اهم شئ وصلنا لمربط الفرس

هيئة المواصفات مالها دخل بالموضوع
لو كانت هي السبب كانوا وحدوا الفصلة على 120 كم

او ما كان لقيت سيارات تفصل على 220 وسيارات من انواع ثانية تفصل على 235
وسيارات تفصل على 180

بالعكس موضوع الفصلة من المصنع كل مصنع يحططها لسياراته حتى تعمر محركاتها
اطول مدة ممكنة بدون مشاكل


تحياتي لك

هذا كلام مهندس بشركة هوندا مو كلام من راسي !!

شئ ثاني هيئة المواصفات والمقاييس لها دخل

اجل كيف فيه سيارات مواصفات سعودية ومواصفات خليجية والفصله من ضمن الشروط اذا تعرف احد يشتغل بالهيئة المواصفات راح يعطيك الشروط وتقراها يا حبيبي
لا تقول شئ انت ماتعرفه ولا عندك خلفيه عليه دام غيرك يعرف وعنده خبره اسمعه ولا تتكلم بهالشئ الا اذا تاكد منه

المشاركة الأصلية كتبت بواسطة ღღ 3eo0oney...ღღ

هذا كلام مهندس بشركة هوندا مو كلام من راسي !!

شئ ثاني هيئة المواصفات والمقاييس لها دخل

اجل كيف فيه سيارات مواصفات سعودية ومواصفات خليجية والفصله من ضمن الشروط اذا تعرف احد يشتغل بالهيئة المواصفات راح يعطيك الشروط وتقراها يا حبيبي
لا تقول شئ انت ماتعرفه ولا عندك خلفيه عليه دام غيرك يعرف وعنده خبره اسمعه ولا تتكلم بهالشئ الا اذا تاكد منه

طيب انا ما اكذبك ولا اكذب مهندس الوكالة ..

بس جاوب على سؤال الاخ اللي فوق ..
ليش كل سيارة فصلتها غير ؟
الاكورد 4 سلندر 220 وال6 سلندر اغلبها 210 << اتكلم عن 2008 وفوق
الالتيما غير مفصولة
السوبارو غير مفصولة
الاوريون 235
المكسيما 250
المازدا 210
اللومينا والكابريس الجدد غير مفصوله اصلا وتوصل فوق 270
والامثلة كثيرة

القصد ان كلام مهندس الوكالة واضح انه مو صحيح لأن هيئة المواصفات والمقاييس بتطبق شروطها على الكل مو على الاكوردالـ4 سلندر بس



بالنسبة للموضوع
بصراحة ما اعرف طريقة تفصل الفصلة هنا في السعودية
بس اكيد السرعة بشكل عام لها اضرار كبيرة على المحركات في السيارة
وخطورة كبيرة عليك انت كـ شخص

^^^

كلامك سليم اخوي

لو لها فائدة والسيارة راح تتحمل كان فصلوها الوكالة ..

وجبلي اي شئ يثبت انها ماراح تضر السيارة انا اول واحد من يفصلها

أكيد فيه أضرار

أولآ القير مايتحمل

والكفرات ماتتحمل لأن نوعها h

يعني أقصى سرعه يقدر يتحملها الإطار 210كم

وبعدين ياخي 210 ماتكفيك أنا إذا أسرعت أسرعت 180 وأتشهد على روحي

والله انتم شكلكم كارهين أعماركم ودكم تنشلون أو تموتون ياخي تذكر انك لحم ودم قبل ماتسرع