اقتباس المشاركة الأصلية كتبت بواسطة lonly style مشاهدة المشاركة
صيانه عبد الله هاشم تركب اقمشه اماميه ويبدلو لك زيت بكم ب ب 700 ريال وبعد فتره تكتشف ان الاقمشه تجاريه مع انك مبدل بالوكاله ..
صيانة عبد الله هاشم سيارتك تسوقها تسمع اصوات تروح الوكاله يقول لك طبيعي تدق المكينه تروح الوكاله يقول لك طبيعي كل شي طبيعي عندهم ماشاء الله هوندا هي السياره الوحيده الي كل اصواتها طبيعيه والله كيف ؟؟

صيانة هوندا فيها تنسيم كلهم صمخان الي يطلعو وياك من الوكاله ما يسمعوه ما تسمعه الا انت واصحابك الي يركبو معاك السياره اما المهندسين ما يسمعوه

صيانه هوندا حاطين لك اقمشه حق بيجو 206 على اكورد وهوبات مادري من وين جايبينها اشك انها من اليابان ويقول لك طبيعي ..

صيانة هوندا قيمة القطعه مثل قيمة المزيون ورش الرفرف ب 500 ريال ويقول لك عادي

صيانة هوندا يقول لك السياره عليها ضمان ولما يخترب شي مستحيل يقول لك ان الشي داخل الضمان يعني الضمان مادري وش يشمل ادا كان ما يشمل كل شي يمكن يشمل بس البلوط ؟؟

صيانة هوندا تتصل تاخد موعد للسياره تقول بتدخل على وزير ما بتروح تسوي صيانه ويوقفو لك السياره وياويلك لو خليت فيها شي حتى لو فيها كبكات مال ثوب انصحك تشيلهم وياك لانك ما راح تلاقي شي ..

صيانة هوندا مافي غير فرع واحد بس مع ان سياراته منتشره ؟؟

انت يكفيك لما اروح مع واحد من الشباب معاه ازيرا تروح الوكاله ما يحتاج موعد ولا شي وياخدو السياره ويخلصوها لك في نفس اليوم او بالكثير تاخد يوم كامل وتدخل في استراحه شاي قهوه تمر مويه ومتوفر اجهزه وفيها انترنت للتصفح وفيه جميع المزايا واستقبال ولا اروع واخلاق وكمان يغسلو لك السياره وارخص من هوندا الصيانه
كلامك سليم بس في شغلات عادية

مثل تاخذ مواعيد اي اخذ مواعيد وشوف التنظيم وشلون وبعدين في اليابان والدول الاوروبية عامه كلهم ياخذون مواعيد واذا تأخر عن موعده خمس دقايق او ثلاث دقايق راح عليه موعده اما عبدالله هاشم لو تتأخر ساعه او اكثر من ساعه يقولك عادي حياك الله

وبالنسبه لفرع واحد مااشوف انه مضايقنا ابد دام ان السياره ماتطول عندهم وشغلهم يخلصونه ومرتب

وبالنسبه للأستقبال عبدالله هاشم اذا رحت عندهم احلى استقبال يستقبلونك يتكلمون معاك بروح عاليه في بعض الناس يعني العملاء اذا راح للموظف تلقاه يتكلم من طرف خشمه اكيد ان الموظف بيتكلم من طرف خشمه وفيه شاي وقهوه وكوفي وكل شيء عندهم حتى النت وحتى عندهم غسيل السياره صح ان الغسيل الله بالخير بعض الأحيان انهم يغسلونه ماتستلم السياره الى وهي نظيفه

هذي الشغلات اللي علقت عليها والباقي كلامك سليم