دحوم بسم الله عليك الظاهر عندك بداية حالة فوبيا (خوف) من المذكور 2007الاكورد كانت زمان كل اربع سنوات تغير تصميم سياراتها وبضبط الين الجيل الخامس من عام 94 الى عام97 من الاكورد ..
ومع نزول الجيل السادس من الاكورد تم تغيير الوضع من اربع سنوات الى خمس سنوات من عام 98 الى 2002 .
والان الجيل السابع سيستمر بأذن الله خمس سنوات قادمة من العام 2003 الى العام 2007 وبعد كذا دحوم بيجيك الجيل الثامن وبيستمر بأذن الله من عام 2008 الى عام 2012 .
شوف دحوم ميزت الهوندا انك تعرف متى ينزل الموديل الجديد ومتى ينتهي لايهمونك هالموزينات (الكامريات) وهالتنكات (المكسيما والالتيما) خلهم يغيرون انشاء الله كل سنتين ماعليك منهم انت وش حارق رزك . قل الحمد لله دحوم انك ماتوهقت في تويوتا أو نيسان وبعدين لية خايف على موترك اذا نزل الشكل الجديد من الاكورد ؟ ياخي انزل المعارض واستفسر عن الاكورد الـ2002 والله انها ماسكة اسعارها الى يومك هذا الهوندا ماعليها خوف متى مابغيت تبيع تاكد زباينها تدورها بس اهم شي يأثر في قيمة البيعة انها ماتكون مصدومة صدمة قوية أو يكون قد طلع الايرباق فيها .
رد مع اقتباس
مواقع النشر (المفضلة)