الموضوع: بوادر تدل على تغير هوندا اكورد 2007م

السلام عليكم ورحمة الله وبركاته شباب نادي محبي هوندا الأكورد خصوصاً كيفكم إن شاء الله مبسوطين هناك علامات كثيرة تقول ان هوندا اكورد راح تتغير عام 2007م وهي كالتالي :

1. ان هناك سيارات كثيرة راح تتغير ما علينا اهم شيء راح تتغير مكسيما 2007 وكامري 2007 وممكن التيما 2007 من حيث المواصفات والشكل كلياً والمحركات جبارة وقوية جداً جداً وهذا فيه ضرر على الشباب الداعمين لسوق الأكورد .
2. تويوتا ونيسان ملوا والأكورد في القمة وساحبة البساط من تحت رجليهم فهالمرة متفقين إنهم يأخذون بثأرهم من الأكورد والدليل مكسيما وكامري 2007 راح تتغير وسواء .
3. على فكرة هناك تعاون بين شركتي تويوتا ونيسان في وضع مواصفات السيارات وهذا الكلام مؤكد 100% والدليل شوفوا صور الكامري 2007 ما في أمل تويوتا يضبطون كامري بهالشكل شوفوا الكامريات الجديدة كلها حجم على الفاضي كأنها كورلا كبير:d مع إحترامي لأصحاب الكامري إلى كان نيسان معاونهم لأن نيسان ماشاء الله عليهم عندهم مواصفات حلوة ومكاينهم قوية جدا ويكفيك أن الرئيس التنفيذي لشركة نيسان في اليابان كارلوس غصن ;) الذي بفضل الله ثم بفضله إنتقلت وكالة نيسان نقلة عظيمة في السنوات الثمانية الأخيرة .
4. ان الهوندا اكورد ماتغيرت تغيير كلي إلا في عام 2003 ولكن في عام 2006 أضيف إليها بعض التعديل ولو ما اضافوا هذا التعديل لكن اتجهت إلى التيما وشريتها لأني كنت قبل لا اشتري الأكورد اقول التيما التيما التيما لكن عندما شفت الأكورد ماشاء الله اعجبني شكلها ما انها ما تغيرت تغير كلي لكن لاحظوا معي ياإخوان ان لوكان التغيير بسيط راح يسحب البساط من سيارة مشهورة في وكالة ثانية مثل قصتي مع الالتيما مع ان الالتيما منقطعة من عام 96 ولو شريتها عادي لكن الوكالات عارفين للشباب تغيير بسيط يخلي اللي الواحد منا يندهش لأنهم عارفين ان كلام الناس مع هذا التغيير راح يكثر هوندا اكورد تغييرات , ماشاء الله ما شفت اكورد الجديدة , اقول بلا التيما بلا هم خذلك اكورد وانت مغمض , وغيره من هذا الكلام شفتوا كيف التغيير البسيط يأثر اجل كيف لو تغيير كلي واوووووووووو .
5. ان الإنسان بطبعه يحب يكون مميز بين الناس ;) بحيث انه يمتلك سيارة جديدة بشكل جديد ومستغرب لدى الناس فلوا ان الاكورد جلست ما تغيرت راح يتجه الناس تلقائياً إلى نيسان مكسيما وتويوتا كامري بدون اي تفكير لان الكلام على هذي السياراتين راح يكثر بين الشباب وراح يضيع حق الأكورد ليه لانها ماتغيرت وباقيه على نفس الموديل (بحيث اي شاب راح يتجهه يشتري هوندا اكورد راح يوقف في وجهه مجموعة من الشباب ينصحونه الإبتعاد عنها كيف تروح تشتري سيارة ما تغيرت وعندك ما شاء الله المكسيما والكامري من احلى ما يكون يااخي تطور وعش عصر التكنولوجيا بلا اكورد بلا هم ثانيا يااخي ماتخف تشتري الاكورد وتتغير عام 2008 لكن ان شريت الكامري او المكسميا ما رح تتغير إلا اقل شيء بعد سنتين):( وهذا ياشباب اللي صاير بيننا .
6. الاكورد لحالها تعتبر مثل الشركة القيادية لوكالة هوندا لعبدالله هاشم ان تغيرت فأبشر بالشباب والفلوس يجونك يشيلون بكريك الي بالتقسيط واللي بالكاش واللي بالتملك المهم الاكورد تغيرت يالله شل من هذي السيارات مع احترامي لبقية سياراتي هوندا الاخرى وايضا الاكورد سبب لإطلاع الشباب على سيارات هوندا الجديدة مثل سيفيك وسيتي والجيوب اللي عندهم يأخذون معلوماتها وينقلونها للي يعز عليهم ومن ثم يبدا الشراء منها مثل الاكورد زي ما قلت لكم الاكورد شركة قيادية كيف ( مثال رحت اشتري اكورد فل كامل واطلع الوالد على سيارة سيفيك راح يقول ما شاء الله وش هذي السيارة راح نأخذها لأخوك فمن راح يكون السبب في شراء السيفيك هو دخولنا للمعرض وحصولنا على الاكورد ) لكن بدون الاكورد مع احترامي للوكالة ليست ناجحة:p .

على العموم ياشباب آسف على الإطالة وهذا اللي عندي وإن شاء الله ما تتغير إلا 2009م لأن تغييرها راح يكون ضرر على مالكي هوندا اكورد 2006 ممكن ينتحرون الله لا يقوله بس ما اقول إلا الله يجيب العواقب سليمة يارب . سلملم . :d