الموضوع: عبارة قوية جدا في موقع Ford !!!!

انا باينة عندي الصورة خخ بس مدري ليش ما تبان عندكم
يللا هذا رابط ثاني

على كلامك هذا ؛ حتّى الأكورد اللي يسمونها ملكة ممكن هي بالأصل في مستوى قاري

والهوندا ماهي قاري ..

ولا الفورد قاري ..

ومستوى الألماني معروف ..

مع إنّنا نتكلم عن سيارات وما أدري إيش حشر القواري بالموضوع ...

اي يمكن الاكورد بمستوى قاري ما تدري كل شي يجوز .. عاد شوف حزتها سياراتـ(ن) أخرى بمستوى وشو

يا غالي قصدي واضح .. فلانٌ .. وللا جماعةٌ من الناس اطلقوا اسم على شي معين .. ما يعني ولا يفرض صحته ولا يعتبر دليل بأي نسبة
وللا على كذا ما بنخلص لأن الكامري معروف بـ ملك الخط :d والاوريون يسموها الاميرة خخخخ و الخ الخ ..
وأنا من الناس اللي ما العب على روحي واسمي (أكورد) بـاسم (ملكة) لأن أدري انها تبطي .. والملك كان ولا يزال وفي المستقبل ايضا .. الالماني

عندك علم إن وزن الفورد 2500 ؟ ;)

ولا تنسى .. قير الأكورد 5 تعشيقات .. والفورد 4 بس ..!!

والكابريس اللي مكينته 5.7 .. مايمديه يجيب الـ ممشاه ع الضغط 3 - 170 - ...

وحجم مكينة الفورد 4.6 ؛ والأكورد 2.4 ؛ يعني مابعد وصلت الضعف ..

والفرود أنواع ؛ فيه المايع و فيه القاسي .. ؛ وأشوف كل واحد و ذوقه ..

إركب الفورد السبورت و إحكم ..

غلطان يا مستر .. وزن الفورد في حدود 1870 كيلو فقط .. تخيل 2500 كيلو عاد :d
مكينته هالـ4.6 المنتهية قوتها 224 حصان فقط لا غير يعني لو وزنها 2500 خلاص اغسل يدك منها :d
اما عاد 2500 كيلو قوية خخ .. البي ام الفئة السابعة 760i موديل 2010 وهو وزنه 2250 كيلو فقط لا غير من موقع وكالة البي الام الرسمي ;)

أما الكابرس الـ5.7 لو سمحت لا تغلط على الخروف الاسترالي تراك ما تعرفه زين :d
كان عندنا 2001 ال تي زد واذكر ع الـ200 الضغط حول الـ3 :o
لومينا صاحبي 6 سلندر ما اذكر كم الضغط فيها بالضبط بس اللي متأكد منه مليون في المية انه كان اقل من ضغط الاكورد على الخط

دورت في النت وما حصلت صورة لكن شفت هالموضوع عن عداد لومينا 6 سلندر كان فيه صورة بس الظاهر انمسحت .. لاحظ الرد رقم 4 والرد16

http://www.assayyarat.com/forums/showthread.php?t=40208

فـكيييف يعني بيصير الـ5.7 ضغطه 3 ع 170 ويييييييييييييين

بالنسبة لحجم المكاين طيب ما وصلت للنصف بس وش بقى يحسرة :p 0.2 يعني اقل من علبة سن توب ابو نص:d

بالنسبة للفورد السبورت والله يمكن كلامك صحيح بس لسة ما جربت

إنت تعبّر عن رأيك هنا ...

ويكفيك إن السيت الأمامي للراكب في الفورد يشيل 2 بالراحه ..


نفس السابق .. إنت تعبّر عن رأيك ..

الأكورد تعيش 500.000 كيلو بدون ماتضرب المكينة أو القير .. ونحوه ؟

فعلا رأيي انت مو ملزم به ..

بالنسبة للممشى ..
مو كل فورد تعيشها .. تماما زي ان مو كل اكورد تعيشها ;)
وترى اعرف واحد عنده كيا اوبتيما 2002 ممشاها فوق الـ400,000
واعرف واحد ثاني للآن موضب مرتين والسيارة ماشية 103,000 !!
يعني القصد مو على السيارة بس على العناية والسواقة

والله لو تعطيني فورد واستخدمها مثل اكوردتي (لأني ادري ان كلامك ضربة لي) كان اوعدك ان محركاتها بتدق قبل ما تكمل عندي سنة ;) <<< تراك ما تدري كيف كان استخدامي اليومي :o
في هوندات طقت 600,000 ميل في امريكا واحتفلوا بهم <<< يعني مليون كيلو تقريبًا :o

اللي أتكلم عنها ؛ هي الفورد السبورت ( الفئه الأولى من الفورد كراون فكتوريا ) ؛

اللي تجي بمواصفاتها الكامله + التعليق فيها قاسي جداً + قيرها أرضي

هذي اللي وزنها 2500 كلجم ..<< ولو تبي صورة الإستمارة .. تجيك على ملفّك الخاص .. آمر بس ..

اغلب الحاجات اللي ذكرتها راح تستبدل بالقطع العادية وليست تضاف عليها وما تزيد على الوزن الا الشي القليل
كلام الاستمارة ما يهمني لأن اللي كاتبها ما يدري وش سالفة الحياة .. مثلاً الاكورد ال4 سلندر في الاستمارة وزنها 2000 كيلو! (وزنها الحقيقي 1500 وشوي) والشباب يقدروا يصوروا لك استماراتهم
جب لي رابط موقع موثوق / صورة من كاتالوج رسمي / اي دليل مشهود له ;)

مصادري :
http://www.motortrend.com/cars/2007/...ons/index.html
http://www.fireblades.org/motors/200...prices-review/

الفئه الأولى منها ؛ اللي بالقير الأرضي ؛ عدد الأحصنه فيها أعلى

ولكن ماعندي الأرقام الأكيده .. ؛ وأنا معك إن مستواها مايمثّل الـ 8 سلندر المعروف من الأمريكي ..

امممممم .. بحثت زيادة ولقيت مكينة قوتها حول الـ240 حصان <<< لسى ضعيفة :o << نفس الاكورد الـ3.0 2003 :d

المهم .. حتى هذي وزنها 1873 كيلو ;) وهذا الرابط
http://www.carfolio.com/specificatio...ar/?car=172062

[QUOTE]

للأسف يا محجوب .. ؛ كلامك مستحيل ..

وكانت لي تجربة ماهي بسيطه للكابريس ..

وأنا جبت لك صورة .. :

[/QUOTE]

والله شوف .. صراحة كابرسنا الـ2001 انباعت من ثلاث سنوات وانا اخر مرة سقتها من 4 سنوات .. فـ بصراحة ممكن انت تكون صح في هالنقطة مع اني شاك ان هالصورة الكابرس معشق ثالث :d او انه 6 سلندر
لأني متأكد من كلامي بالنسبة لل6 سلندر << لأن اذا كلامك صحيح كذا ال6 نفس ال8 بالضغط << امريكي ما ينشره عليهم :d
وسوري ع المعلومة الغلط خخ

بس هذي صورة لكابرس 2006 ع الـ180 وشوف الوزنة انت عاد .. علمًا انه 4 نمر كمان

كلام سليم واكبر مثال شوف وفف فى اى شارع وش نوع السياراة الى تمر

تحصل فورد موديل 90 او 88 وانت طالع لكن

شوف كامري او كوريلا او هوندا هل تحصل سيارة من هذة تمشي فى الشوارع وبكثرة


بعدين شوف شاص الفكتوريا او الجراندي ما ركيز حديد فى حديد عكس السيارات الدفع الامامي


بعد كم شهر من الكرف تحصله مشتوله فى الخط كانها صاير عليها حادث انقلاب


عندك سيارتين الاولى فورد 2005 والثانية كامري

ايهما تمشيها وما تخاف عليها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟







ملاحظة


س | جاوبوني على هذا السؤال

وش الفحخامة الي في الفرد من مديل 200 الى موديل 2010
ماتغيرة وين التميز

هههههههههههههههههههههههههههههه

حركات بزران

كان معاي ماركيز2007

والله سياره مريحه بس إنها فاشله مدري ليش

ياخي تنقهر توقف عند الاشاره يجي جنبك فورد 98 نفس كل شي مافي إختلاف أبداا إلابالسطبات والشبك وأشياء خفيفه

بالإضافه إلى تعطل علي الديمنو وكان قيمته 900 أصلي وغيرته ثلاث مرات

وأخر شي غيرته تجاري بـ300ريال وبعت السياره

واللحين الحمد لله مطلع لي كامري 2010 وأحلى روقان

وين الجوده الي بفورد الا الهربده والاصوات والقلق وجودتها لانها مريحه بس غير كذا ماعندهم سالفه وبعدين هم حاطين هذا الشعار لأن الفورد خسرانه عندهم بأمريكا بس احنا يالسعوديين الله يخلف عينا كل شي يطيحون فيه الناس ناخذه