محتار يا أخوان ؟؟

**عزوز الهلال** · 05-04-2007, 03:19 AM

السلام عليكم ورحمة الله وبركاته ..

شخباركم عساكم بخير ؟؟؟

نخش بالموضوع :

ياشباب باركو لي بشتري موتر هذا اولاً ::::

ثانياً : انا محتار مدري وش اشتري عيني على الاكورد 2007 4 سلندر فل كامل ....

لكن مثل ما حنا عارفين ان الاكورد 2008 راح تنزل بس مته ؟؟ وهل شكلها يأهل انك تنتظرها حوالي 6 شهور ؟؟ وهل سعرها معقووووووول ؟؟ والا نار ؟؟

طبعاً ماتسوى اشتري 2007 الا 2008 نازل راح اتعذب صراحه لأن موديلي راح وانا توني شاريها,,

تكفون ياشباب اللي عنده خبر ينصحني ...

وعساكم ع القوهـ

**بندر501** · 05-04-2007, 05:41 AM

انتظر ..

**الهادف** · 05-04-2007, 09:27 AM

بتنزل الاكورد 2008 ن شاء الله في رمضان .. وذلك من مصدر موثوق لدى خالد (( اكورداوي ))

**أكورداوي** · 05-04-2007, 11:43 AM

أنا أقول ان كنت صبور أصبر الى رمضان ان شاء الله تنزل الجديده على حسب كلام موظف في الوكاله على حسب ماوصلهم من ايميلات من الشركه ..

طبعا الكلام على وصل ان الكوبيه بتنزل بالشكل الجديد لكن هل ستغير هوندا رأيها وتنزل السيدان بالشكل القديم ,, هذا في علم الغيب ,,

طبعا لابد من ارتفاع السعر خاصة اذا تغير الشكل وأتوقع هالمره الإرتفاع راح يكون واجد شوي بسبب الشكل الجميل ,,

**أبو سارا** · 05-04-2007, 01:03 PM

اصبر وش انت عجل عليه
حرام تشتري الحين وتدفع مبلغ وقدره وبعدين يتغير شكلها
اصبر يامال الصلاح

**JUVENTUS** · 05-04-2007, 01:50 PM

هي تستاهل صبر بس يبيلها دراهم ياخلفهم . . .
أنصحك صل صلاة الإستخاره وشف وش ترتاحله . . .

الله يوفقك لكل خير

**عزوز الهلال** · 05-04-2007, 03:30 PM

الله يعطيكم العافيه ..

بس انا سألت الوكاله قال موعد نزولها برمضان او نهاية شعبان بس الكلام على السعر هل فيه فرق واجد ؟؟

وهل الصور اللي نزلت للأكورد 2008 صحيحه ؟؟؟؟؟!؟!؟!؟!

**و ى ل السعوديه 8 5 5** · 06-04-2007, 02:53 PM

انا بالنسبه لي اقولك اذا محتاج السياره توكل على الله
واذا مو محتاجها اصبر والله يوفقك للي فيه الخير...

**اتــشـــــ** · 07-04-2007, 02:14 AM

المشاركة الأصلية كتبت بواسطة عزوز الهلال

لكن مثل ما حنا عارفين ان الاكورد 2008 راح تنزل بس مته ؟؟ وهل شكلها يأهل انك تنتظرها حوالي 6 شهور ؟؟ وهل سعرها معقووووووول ؟؟ والا نار ؟؟

ما عاد باقي الا خير
اسمع كلامي وانا خوك وانتظر الـ 2008
واذا على الاسعار .... لاتخاف ماراح تفرق كثير عن الاسعار الحاليه
الا اذا ارتفع سعر البترول فوق الـ 80 دولار .... هنا الكلام بيتغير :d

**اكوردي 2004** · 07-04-2007, 08:17 AM

يارجال اصبر شوي لين تنزل 2008 ان شاء الله واذا نزلت وجازت لك توكل اشرها... واذا ما اعجبك شكلها مانت خسران 2007 تكون لسا

موجوده في السوق لا ويكون سعرها نزل بعد :d

**الزاهي** · 07-04-2007, 11:54 AM

يارجال الشباب ماقصرو واعطوك الكلام الي يجمد على الشارب اذا منت مستعجل

اصبر لين الشكل الجديد وعسى الله يوفقك

**B Unique** · 07-04-2007, 12:01 PM

^
^
^
^

ما عاد فيه مجال نزيد .. الشباب ما قصروا

**r9onaldo9** · 07-04-2007, 12:13 PM

حاول تشتري 2007 مستعمله ونظيفه وبسعر حلو
وقبل لا تنزل الأكورد 2008 بيع سيارتك وانطر لين تنزل

هذا انسب حل

المشاركة الأصلية كتبت بواسطة أكورداوي

السلام عليكم ,,

كيفكم شباب ؟

اليوم كنت بالوكاله أفحص السياره العزيزه ,, ورحت عند واحد من الشباب الي في الوكاله الي أعرفهم وسألته عن الأكورد 2008 متى راح تنزل ..

قالي ان شاء الله راح تنزل في رمضان القادم وبأذن الله راح تكون بالشكل الي نشر في الفترة الأخيره ,,

والمفاجأه انه راح تنزل فئة كوبيه ان شاء الله وراح تكون منافسه لليابانيه انفينتي M35 والألمانيه Bmw الفئة الثالثه ,,

كلنا بانتظارها ان شاء الله ,,

تحياتي