الموضوع: معلومة جدا مهمة والأغلبيه مايعرفها

[quote=THE SILVER ACCORD;401083]

المشاركة الأصلية كتبت بواسطة o-k-r

اسمحلي اخوي مع احترامي لك ( طريقتك × غلط × )

مافيه انسان ما يخطأ ( لكن الانسان الفاهم والذكي يصحح أخطائه ويتعلم منها )

أول شي زيادة الزيت بالكمية الكبيرة هذي ( مضرة ) لا وبعد لمدة 10 دقائق >>> تضر المكينة والصووف وممكن الوجيه (تبدأ ترشح المكينة )

واذا ما تضررت مكينتك ( احمد ربك ) عدت على خير .. ولا تنسى ان مكاين الهوندا وقطع غيارها غالي

ثاني شي انت حسيت بالفرق بسبب ( زيت الغسيل )

ثالث شي الطريقة الصحيحة هي :
1) افراغ الزيت القديم بالكامل .
2) تنظيف الصرة وتركيبها . ( عدم تغيير السيفون اذا ما تبي تزيد التكلفة ) >> اذا بتغير السيفون يكون أفضل
3) تعبئة زيت الغسيل ... ويكون أصلي وممتاز مو أي كلام ( الكمية حسب المعلومات المكتوبة على علبة زيت الغسيل أو السعة المعتادة عند تغيير الزيت)
4) تشغلها وبدون ما تدعس بنزين أبدا ... وتخليها لمدة 10-5 دقائق ( على حسب الزيت والمعلومات المدونة على العلبة )

5) تطفي السيارة وتفك الصرة وتنظفها ... وتفرغ الزيت بالكامل .
6) تغير السيفون بأصلي جديد .
7) تعبئة الزيت الجديد المناسب ( حسب حرارة الجو تحدد اللزوجة المناسبة )


انا حبيت اصحح المعلومات ... واحذر الأعضاء ( لا تعبون < تضيفون > 4 لتر على الزيت القديم )

واحس انه واجب علي اني احذركم ...

وعموما زيت الغسيل ( لا أنصح فيه خصوصا السيارات اللي ماشية كثير < قديمة حتى لو شوي > )

واذا انت خايف من زيت الغسيل تعبيه لوحده
تقدر تعبي 2 لتر زيت غسيل و2 لتر زيت مكينة ( الكمية حسب المكينة )
^^^^^^^^^^^^^^^^^^^^^^^^^^^^^^
أفضل من أنك تعبي كميه كبيره من الزيت لأن المجموع يصير بعد اضافة زيت الغسيل على الزيت القديم = ( 7 أو 8 لتر زيت )

هذي وجهة نظري
وأرجو ما احد يزعل أو يتضايق من كلامي
انا ممكن يكون أسلوبي جاف شوي لكن اعذروني

هههههههههههههههه

بالعكس وانا اخوك وجه نظرك واحترمها

واذا على قولتك تأثر على السيارات اللي ماشيه كثير

جربناها على اكورد 2003 ماشية 300ألف وعليها ولا ضره

وعلى سيارتي ماشية 200ألف وعليها وايضا مافيه اي مضار

بما انك ماقمت بالتجربه من قبل اذا تعرف لك بنشري محترم والشباب يغيرون عنده الزيوت

روح لعنده الله لايهينك وتعرف من الصح ومن الغلط

وانا ما اضفت المعلومة الا لما جربتها على اكثر من 10 سيارات تتراوح من موديلات 98 الى 2009

لأنه ياحبيب قلبي

اذا اضفت زيت الغسيل على قولتك ماراح ينظف شي نهائيا

بسبب ان السيارة الزيت المحترق يكون طلعته وقته قولي وش الفايدة؟

بما انك طلعت زيت القديم وحطيت زيت الغسيل بلاهي كيف بيتم تنظيف المكينة من الداخل:d

يلا ورنا شطارتك

[quote=o-k-r;401241]

المشاركة الأصلية كتبت بواسطة THE SILVER ACCORD

هههههههههههههههه

بالعكس وانا اخوك وجه نظرك واحترمها

واذا على قولتك تأثر على السيارات اللي ماشيه كثير

جربناها على اكورد 2003 ماشية 300ألف وعليها ولا ضره

وعلى سيارتي ماشية 200ألف وعليها وايضا مافيه اي مضار

نعم تأثر لأنه فيه طبقة كربون وزيت محترق >> اذا راحت ممكن يصير فيه فضاوة أو تزيد الأصوات

بما انك ماقمت بالتجربه من قبل اذا تعرف لك بنشري محترم والشباب يغيرون عنده الزيوت

انا اعرف بنشري محترم وما نغير زيت سيارتنا "انا وأخواني وقرايبي " الا عنده

روح لعنده الله لايهينك وتعرف من الصح ومن الغلط

يا أخي انا اعرف أكثر من البنشري ( قال بنشري قال )
من اللي يعدم الصرة وصوف المكينة !! >> البناشر
يزيد الزيت أو يشد الصرة بقوة الين تخرب
وقريت كثير عن زيوت غسيل المكينة


وانا ما اضفت المعلومة الا لما جربتها على اكثر من 10 سيارات تتراوح من موديلات 98 الى 2009

لأنه ياحبيب قلبي

اذا اضفت زيت الغسيل على قولتك ماراح ينظف شي نهائيا

بسبب ان السيارة الزيت المحترق يكون طلعته وقته قولي وش الفايدة؟

بما انك طلعت زيت القديم وحطيت زيت الغسيل بلاهي كيف بيتم تنظيف المكينة من الداخل:d

يلا ورنا شطارتك

سبحان الله ما أدري كيف تفكر !!
وتقول ورنا شطارتك :d



ليش ما ينظف اذا كان " زيت الغسيل لوحدة " !!
سبحان الله :d

بالعكس تنظيفه بيكون أقوووى لأنه لوحده

وهو عبارة عن زيت خفيف + كمية من الديزل >> للتنظيف
والزيت الخفيف عشان يتوزع على كل المكينة وينظف المسارات الضيقة وتصير حركة الزيت سلسة
وسعة علبة زيت الغسيل = 4 لتر ( كافية )

# انا هذا رأيي وأسأل الخبراء إن كنت لا تصدقني ( لا تقولي بناشر :d أنا أقولك " خبراء أو ميكانيكيين موثوقين " )

فيه ناس " زاد زيت المكينة نص علبة أو ثلاثة أرباع العلبة "
وتأثرت عنده الصوف
وتقولي أضيف جالون( 4 لتر ) هههههه :d على الزيت القديم
أشك انه بيكون فيه صوف موجودة
--------------------
( سعة زيت المكينة ) للأكورد 2006

سعة التغيير ( بدون سيفون ) = 4 لتر
سعة التغيير ( مع تغيير السيفون ) = 4,2 لتر

السعة الكلية = 5,3 لتر

المواد المضافة للزيت ( من الكتالوج ) :
إن سيارتك هوندا لا تحتاج إلى أي مواد تضاف للزيت .
إن القيام بشراء المواد المضافة لزيت المحرك أو ناقل الحركة لا تزيد من أداء وعمر المحرك .
وكلما تقوم به هو رفع تكلفة تشغيل سيارتك

------------------

على العموم أنا ما أستخدم زيت غسيل المكينة وكثير من الناس مثلي
لأنه يضر ويأثر على المكينة ( جلد البلوف + صوف المكينة + الشنابر ) خصوصا اذا كان بكثرة أو المكينة قديمة شوي

* الوقاية خير من العلاج *
غير زيت المكينة كل 5 الآف وفرغه بالكامل لآخر قطرة .. وما راح تحتاج زيت غسيل ( خصوصا اذا كان الزيت اللي تستخدمه ممتاز ولزوجته مناسبة )


اعذرني على الحماس الزائد :d