موضوع خطير يخصني يا اخوان !!

**ن س ر 9** · 06-06-2010, 08:16 PM

السلام عليكم ورحمة الله وبركاته

اخواني حبيت احكيلكم عن سالفة صارت لي امس

كنت ماشي بحالي وفجاة وطيت على شي غريب

وقفت على جنب الطريق ولقيت الزيت اللي بالمكينه

كله بالارض كله طفيت السياره وفتحت الكبوت

وطلع دخان ابيض بسيط

الموهيم القطعه اللي وطيتها انا وكم سياره بعدي

طلعت دينمو سياره منطول وسط الطريق والله العظيم يا اخوان

كلمت المرور عشان استفسر قالوا دام معك تامين كلم نجم يجونك

وكلمنا نجم وجو صوروا ورفعوا التقرير وقالوا راجعنا بعد كم يوم وخذ اوراقك

وراجع التعاونية لان تاميني سند بلس

وماادري يااخوان هل التامين يشمل الامور هذي لان نجم كتب بالتقرير

اضرار داخلية بالسياره وخوفي انا على المكينة مع ان الناس يقولون

انه الكارتير والله ماادري يا شباب تكفون اذا عندكم علم بهالامور افتوني

**accordyon** · 06-06-2010, 08:34 PM

اكيد الكارتير انكسر ونزل الزيت كله لآن على كلامك ضربت بدينمو وهو حديد قوي
ان شاءالله يعوضونك التأمين
الله يكون بعونك

**King** · 06-06-2010, 08:37 PM

الحمد لله على السلامة , شوف يالغالي عشان تطمن شوف التأمين إلي معك فيه الشروط وكيفية التعويض في حالات معينه .!

بالنسبة للدخان اتوقع حرارة الزيت جت على المحرك وحصل تبخر بيسط

انا متأكد انه مافيه شيء انكسر ممكن الصره تحركت وطلع الزيت , لكن شيك عليها عند الورش

الأن اهم شيء ماتشغل السيارة بهذه الحاله , جيب لك (سطحه) وودها اقرب صناعية لك او ورشة تثق فيهم .

**meshoo** · 06-06-2010, 09:54 PM

اخبر قد صارت لولد عمي نفس الطريقه وطلع دخان من الكفر لان الزيت طشر على الهوبات ومع حرارة الزيت والهوب طلع دخان كثيف

وطلعت المشكله من الكارتير

طبعا مثل ماقالك لك king لاتحرك السياره والله يعينك

هذي شروط ومزايا تأمين التعاونيه سند بلس

اضغط هنا

**ن س ر 9** · 07-06-2010, 01:34 PM

الله يعطيكم العافيه

وماقصرتوا

انا رحت التامين اليوم وقالوا

رح قيم القطع من الوكاله وارسلوني

على ورشة في الصناعيه القديمه متعاملين معاها التعاونيه

اسمها الماسة الزرقاء

ماادري عن شغلهم تكفون اذا تعرفون احد تعامل معاهم كيف شغلهم

**مجوووودي** · 07-06-2010, 01:54 PM

الحمدالله ع السلامة نواف ..

بسيطة ان شاءالله المشكلة فقط في الكارتير ..

قيمته بالوكاله 1200 مع التركيب 200 ..

بالتوفيق ياعزيزي

**ن س ر 9** · 07-06-2010, 02:47 PM

الله يسلمك مجودي

بس متاكد من هالشي

وانا حبيت استفسر عن هالورشه اللي متعاونين معها

التعاونيه كيف شغلهم بس عشان لايرخصون شغل اليد

**مجوووودي** · 07-06-2010, 02:52 PM

بالسنبة للسعر متأكد منها .. وكنت بغيرها بالوكالة ..قبل فترهـ

الا اذا نقص ماادري ..

بالنسبة للورشة والتامين ماعندي خلفيه عنها ..

**Ëńġ․ℱάίśάℒ** · 07-06-2010, 02:58 PM

ياحبيبي دام التامين يشملك فا لاترضى تصلحها غير بالوكاله

**فتى زهران** · 07-06-2010, 06:16 PM

أخوي ايطاليان بوي

المشكله ان سند بلس إصلاح ورش وليس وكاله هذي مشكلته

أخوي ن س ر 9

الله يعوضك خير يا الغالي

أولا اللي أنعدم عندك هو وجه الكارتير الخارجي

شوف أنا صار معاي نفس اللي صار معاك بالتمام لكن انا مو دينمو انا حجر في وادي عندنا بالجنوب

المهم روحت عند الوكاله اللي في الباحه ماحصلت وجه كارتير سألت في الطايف ماحصلت

ما حصلت الا في جده والحمد لله جابه لي واحد من جده الله يعطيه العافيه

بس أهم شي تشتري معاه سيلكون خاص بوجه الكارتير يجي لونه الخارجي أبيض ومن الداخل رصاصي

ماعليه أي خلاف إن شاء الله حتى لو صلحته عند أطرف هندي

عشان هو بيفك القديم ويحط وجه من السيلكون على الجديد وخله يكثر وبعد شوي يركبه

ولا تشغل السياره حتى لو عبيت زيت خله شوي أبو نص ساعه عشان تتأكد إنه نشف السيلكون

وبعدها حط الزيت وشغل السياره وخله يتأكد منه إذا كان فيه تهريب شي وقول له إذا هرب لو بعد سنه برجع لك

وزي ماقلت لك لا تشيل هم الحمد لله السياره حقتي من رمضان العام الماضي صارت لها المشكله

وإلى الآن الحمد لله مافيه شيء

يعني تقريبا بتكلفك قطع الغيار مع شغل اليد تقريبا بين ( 600 ريال ) إلى ( 900 ريال ) تقريبا

نسيت أقول لك تراه ضروري يفك صاجة الجربوكس عشان يفك وجه الكارتير ويغيره

يعني الشغله تاخذ لها قرابة الساعه إلى الساعتين شغل يد بس

والله يعوض عليك بخير يارب

والحمد لله على سلامتك

**ن س ر 9** · 08-06-2010, 02:44 PM

الله يسلمكم جميع

وماقصرتوا

ابشركم اخذيت السياره امس العصر على سطحه

ورحت الصناعيه القديمه عند ورشة زرقاء اليمامه

ورفعوها طلع الكارتير مكسور يا اخوان كسر مو بسيط

الموهيم عطوني سعر شغل اليد حلو مره 1000 ريال

والقطع كارتير وصاجه مكينه وكلبسات وصرت زيت وزيت مكينه

طبعا كل هالقطع من الوكاله ومع سيفون كلفت كلها تقريبا 1635 ريال

وحق السطحة 350 ريال

يعني التوتل كله 2985 ريال

والسياره حاليا بالوكاله

وديته الصباح اليوم وبيشتغلونها اليوم

او بكره وطلبتهم يسوون لي فحص عشان نتاكد اكثر

لاني بسافر عليها بعد كم اسبوع

واللي ريحني اكثر ان السياره المهندس اللي ماسكها الحين

هو المهندس محمد شهباز وهذا اللي مريحني اكثر

ومشكور على مشاركاتكم الرائعه