عرض نيسان الجديد

**X.MAN** · 08-06-2010, 05:12 PM

السلام عليكم ورحمة الله وبركاته
بعد فشل نيسان في مبيعات عام 2010 وحصولها على ترتيب متأخر عالميا" توجهت نيسان بحيله جديدة نفس طريقة التأجير المنتهي بالتمليك وهو الحصول على السيارة بنصف القيمة لمدة 3 سنوات والسيارة تكون باسم الشركة واذا لم تعجبك السيارة ترجعها للوكالة بعد المدة المحددة واذا نالت إعجابك تدفع القسم الآخر من المبلغ بعد 3 سنوات
وذلك لانه توجد سيارات منافسة للشركة نيسان
فمن اراد الماكس الامريكي فعليه التوجه الى وكالة والحصول عليها بمبلغ 50-60 الف ريال بس المهم يسأل عن الحكم الشرعي لها
وختاما" هذه وجهة نظر والله من وراء القصد

**عبودي 2009** · 08-06-2010, 05:33 PM

اخوي x.max هذا العرض لجيب نيسان باترول فقط

**محمد الحربي.** · 08-06-2010, 05:36 PM

هل هذا مطبق لدينا بالسعودية

يعني الحمراني مسوي هالعرض

بعدين

مثلا كديت السيارة 3 سنوات واعجبتني اكيد بكمل اقساط 3 سنين اخرى ( يعني هي هي )

واذا ما اعجبتني كاني لم اسدد الاقساط فسحبوها مني

اختلف المسمى واللعبة هي هي

**تركي القاضي** · 08-06-2010, 05:39 PM

^

حبايبي ..

انا مريت نيسان اسال عالعرض ..
تدفع نصف القيمه والسياره تبقى معك الـ 3 سنين .. وبعدها تكمل 50 % من القيمه وتنقل بـ اسمك ..
بس السياره باسم الشركه عند الشراء .. واذا كملت بعد 3 سنين الفلوس تنقل بـ اسمك ..

مع العلم انه ماكسيما غير موجوده حاليا " مخلصه "
وراح تيجي بعد فتره قريبه حسب كلام الموظف خلال الاسبوع هذا او القادم ..

دمتـ بود

**kakashi-san** · 08-06-2010, 05:47 PM

وعليكم السلام ورحمةُ الله وبركاته

قبل أمس كنت رايح مع صديقي شركة الحمراني ، الوكيل لسيارات نيسان

سألنا عن الماكسيما السعر الفل كامل ، بـ 126 ألف

وسألناه عن العرض ..

وقال تدفع أتوقع 63 ألف وبعد ثلاث سنوات أما ترجعها على الشركة ..
< يعني كأنك دافع 63 ألف عشان تأجرها 3 سنوات ..

وبعد 3 سنوات تدفع لهم باقي المبلغ ، لكن غير 63 ألف

راح تدفع 78 ألف عشان تتملك السيارة < يعني أكثر من النصف ..

أو أنك تقول لهم أبغى أكملها أقساط وراح يحسبون عليك فوائد من جديد يوصل التقسيط فوق الـ 100 ألف < هذا غير الـ 63 ألف اللي دفعتها ..

وفيه عرض أخر منهم ، على الألتيما ، تدفع نصف المبلغ ، وباقي المبلغ تبدأ تقسطه لمدة 3 سنوات من شراء السيارة ..

**اكورد مودي** · 08-06-2010, 06:20 PM

ولا كانك يا ابو زيد ما غزيت
يعني تعددت الاسماء والموت واحد مافرقت عن الاقساط بس طريقه ذكية وبصراحه نيسان بدات تشتغل صراحه وخصوصا الصني ماشيه تقول كانها بلاش
تحياتي.

**القايله** · 08-06-2010, 07:34 PM

عروض تحس انها جيده ومع ذالك هيا هيا نفس الموضوع بس مقلوب ومزبرق وهاتك نصب راح يجبرك بعد 3 سنوات يا انك ترجع السياره ياإنك تكمل اقساط بس بفائده <<ههههه غباء نصابين واكيد ومليون بالميه راح يطلع الفائده دبل منك... لاكن اكيد ومليون بالميه يعطونك تأمين عادى ضد الغير عشان ماتخسرهم