السلام عليكم و رحمة الله و بركاته
شلونكم .. شخباركم
عادي عاصفه غبار طلعت مني .. بس الوضع طبيعي يعني و احنا مستانسين !
عموما
بمناسبه وصول الوحش الاحمر الوكاله .. و صادف خروجي من السجن الانفرادي
اقصد خلصت امتحانات .. بس طبعا راجع لها بعد 3 ايام ... يعني ماراح استانس كثير
قلت اروح الوكاله و اجكجك الوحش بكم صوره .. و يمكن ناخذ لنا تست درايف اذا الظروف ساعدت و لان راس مدير المعرض
ماراح اطول عليكم نهااائيا .. بدخل بالعميق على طول
السياره في منها كم حبه بس ..
المواصفات
هاتش باك
سعة محرك 2 لتر ( k20 )
198 حصان
غيار يدوي ست سرعات اماميه و السابعه للخلف
الفرامل اقراص
القرص الامامي 16 انش
القرص الخلفي 14 انش
حجم الجنوط ( الرنقات ) 18
التواير 18-225 - 40
بريجستون بوتنزا
خزان الوقود 50 لتر
اسمحو لي هذا اللي اقدر اكتبه و اتوقع مواقع الانترنت مليانه مواصفات
السعر بوكالة الكويت الرسمي 9600 دينار كويتي
مع الخصم تصير 8750 دينار كويتي .. و ياليت احد يحولها ريالات !
طبعا نبتدي بصورة الوحش الاحمر !
لا لا اتغشمر معاكم
اليكم صور الوحش الاحمر اللي التقرير راح يتكلم عنه
تحت
تحت
تحت
تحت
تحت
تحت
تحت
تحت
تحت
لا لا اتغشمر .. بس مصختها ادري .. بس هذا هو الوحش !
شكلها عموما مقبول .. و لو انه لي على الشكل عدة تحفظات
الاسطاب الامامي مشابهه للسيتي و الكشاف مثلث مع زوائد جميله و شبك جميل
اشارات مثلثه على المناظر
خلفيه هاتشباكيه جميله
ملاحظة انه الجناح جزء من البودي و تنتهي عنده الجام الخلفيه و من بعده جان صغيره لحد بودي السياره .. مشابهه لحركه السي ار اكس موديل 88 و صاعد لين 91 .. مع نفس حركه الاصطابات الخلفيه بخط واحد موصول !
ايفتك .. مع الغطا الاحمر اللي ينذر بوجود محرك خطير
نظره احسن
لها هيبه خطيره
من بين الخلفيه الحمراء .. تظهر خطوط حرف الهاااء !!
او ربما مع اللون الاحمر اجمل ؟
قياس 18 .. جميل جدا !
طبعا تايب آر على الكليبرات
قياس جميل
نتجهه للخلف ( طبعا من ايام معرض 2008 للسيارات و ولد خالي لازم يطلع بصور السيارات اللي اصورها .. خخخ )
له هيبته !
قزوزات مثلثه جميله !
على كثر المثلثات .. تذكرت لعبة درايفر على بليستيشن الاولى .. لما كان يدعم يطلع من بين السيارات اللي دعمتها مثلثات .. يعني يكون السياره قاعد تتكسر هههه .. كنت دايم اتسائل ليش مثلثات بالذات
طله للداخل
آي فيتيك ... على الجامه الخلفيه !
السناسر بالخلف
مساحات الزجاج .. عكس عكاس !
قبل ما ندخل السياره . خل نشوف الدبه .. الشنطه .. اللي هي .. المهم المكان اللي ورا !!
بما انه ما عندي شي اقيس فيه و لا انا ادخن .. حطيت تلفوني بلاك بيري .. علشان ابين الحجم فقط .. تراها جدا جدا كبيره الدبه !!
تفتح لك ذراعيها لتضمك بحنان !!
تقرب منها اكثر
تشوف الكرسي وده يحظنك .. طبعا الكراسي سبووووووووورت .. بمقوله اخرى .. سبووورط !! مع نقش جميل تايب آر عليه !
المقصوره !!
نشوف شوي يمين
ندقق
نسكتشف
بنفس اللحظه نشوف يسار علشان نشوف شنو في من ازرار بالجهه المقابله
شوي نزل عينك .. مو وايد .. بس 3 او 4 سانتي
فتحة المكيف و هي مصكره !
نرجع نفتحها
زاويه الباب @@
الباب بكبره !!
ازره الباب !
مسكت السكان .. لاحظت شي @@
نزلت .. ركبت من جهه الراكب .. فتحت الباب ..
هذا مكانه بالباب ؟ الراكب يتحكم بدرجة الحراره بعيييدا عن عيون السائق @@ ههه
نركب بالخلف ؟
واسع !!
هممم ..ست غيارات .. و القلب دااااعي لك !!
السياره رقم 22832 من بين جميع سيارات التايب ار اللي انتجت !! حركه جميله صراحه انك تعرف سيارتك رقم كم بالضبط !!
ملاحظات سريعه
غسيل !!
ايرباقات جانبيه !!
ما عجبني طريقه انه المحرك داخل لداخل .... طبعا مستقبلا يصعب عملية تبديل قطعه ..اضافه قطعه .. اي شي من هالقبيل لانه كل شي تحت !!
و بس سلامتكم ..
و انا طالع لاحظت انه الاكورد الفين و عشره فيها مكيف خلفي ( هع تو الناس ادري .. بس توني اشوفه )
و اعذروني .. ان كان في تقصير
و بالنسبه لالوان الصور .. ما كان بيدي .. اضاءة المعرض كانت مريضه !!
حاولت اني اطلع صور حلوه .. بس كان المستحيل من نصيبي !!
و السلام عليك و رحمة الله و بركاته !!
مواقع النشر (المفضلة)