السلام عليكم
انا مستجد هنا وبي اتعلم كيف اضيف صوره
ممكن من احد الموجودين يدش بسرعه
السلام عليكم
انا مستجد هنا وبي اتعلم كيف اضيف صوره
حياك الله اخي الكريم معنا :d الطريقه كما شرحها اخونا كن فريدا في الاسفل
التعديل الأخير تم بواسطة اكوردي 2004 ; 23-04-2007 الساعة 01:21 AM
وعليكم السلام ورحمة الله وبركاته
ولا يهمك أخوي اللورد
بس ما قلت لنا وين تبي تضيف الصورة ؟
على العموم قبل ما تضيف أي صورة في المنتدى لازم تكون الصورة موجوده على الانترنت يعني يا تاخذها من موقع ثاني أو ترفعها من جهازك إلى موقع رفع للصور
أول شي نشرح طريقة إستخدام صورة من موقع آخر :
تروح للصورة اللي تبي تستخدمها وتضغط فوقها بزر الفارة اليمين وتختار Properties
بتطلع لك نافذة تنسخ منها الرابط حق الصورة اللي بتستخدمه في المنتدى وبأشرح طريقة إستخدامه تحت
نجي لطريقة رفع الصور :
تروح لموقع لرفع الصور زي (مركز حمل) مثلاً
وتضغط على Upload في أعلى الصفحة الرئيسية
بتطلع لك نافذة تطلب منك تختار ملف
إختار الصورة اللي تبي ترفعها وإضغط على Open
بعدها تضغط على Upload وتنتظر حتى ترفع الصورة للموقع
بعد كذا بتطلع لك صفحة تنسخ منها الرابط الثاني اللي بتستخدمه في المنتدى وبأشرح طريقة إستخدامه تحت إن شاء الله
التعديل الأخير تم بواسطة B Unique ; 22-04-2007 الساعة 10:10 PM
.
.
.
إذا حبيت تضيف صورة جنب إسمك فوق إتبع الطريقة هذي :
تروح على لوحة التحكم
بعدين تختار تعديل الصورة الشخصية من قائمة الإعدادات والخيارات
بعدين تختار إستخدام صورة رمزية مخصصة
بعدين عندك واحد من إثنين
يا إنك تحط رابط لصوره موجوده على الانترنت
الرابط اللي تحطه هنا هو واحد من الروابط اللي نسخناها في الرد الأول
أو إنك تضغط على Browse وتختار صورة من جهازك
والصورة اللي بتختارها هنا لازم تكون صغيرة الحجم
طبعاً زي ما قلنا في الرد الأول بتطلع لك نافذة تطلب منك تختار ملف
إختار الصورة اللي تبي ترفعها وإضغط على Open
بعدين تضغط على إعتماد التغييرات
وبكذا إنتهينا
.
.
.
إذا حبيت تضيف صورة في التوقيع تحت إتبع الطريقة هذي :
تروح على لوحة التحكم
بعدين تختار تعديل التوقيع من قائمة الإعدادات والخيارات
تطبق الخيارين اللي فوق في إضافة الصورة الشخصية
أو تروح على مربع تعديل التوقيع وتضغط على أيقونة الصورة
بتطلع لك نافذة صغيرة تحط فيها رابط لصورة موجودة على الإنترنت وتضغط OK
والرابط اللي تحطه هنا هو واحد من الروابط اللي نسخناها في الرد الأول
بعدين تضغط على مشاهدة التوقيع عشان تتأكد إن الصورة نزلت صح
إذا طلعت معك الصورة في العرض تضغط على حفظ التوقيع
وبكذا انتهينا من إضافة صورة لتوقيعك
.
.
.
وأخيراً إذا حبيت تضيف صورة لموضوعك إتبع الطريقة هذي :
تضغط على أيقونة الصورة
بتطلع لك نافذة صغيرة زي اللي في إضافة صورة للتوقيع بالضبط
تحط فيها واحد من روابط الصور اللي نسخناها في الرد الأول وتضغط OK
وتوته توته خلصت الحدوته
إن شاء الله أكون أفدتك وشرحي كان واضح
التعديل الأخير تم بواسطة B Unique ; 22-04-2007 الساعة 10:14 PM
.
.
.
الله ينور عليك اخوي فريد
وجزاك الله اللللف خير .... كفيت ووفيت حبيب قلبي .
الله يسلمك أخوي اتشالمشاركة الأصلية كتبت بواسطة اتــشـــــ
الله ينور عليك اخوي فريد
وجزاك الله اللللف خير .... كفيت ووفيت حبيب قلبي .
ما سوينا إلا الواجب
.
.
.
بنطبعه ونسويه كتيب كيف تضع صورة
الاخطبوط كان هنا
كن فريدا ..جزاك الله اللف خيراا ...متعوب عليه بقوه
أخطبوط
دكتور هوندا
مشكورين على الإطراء
:o
.
.
.
الله يجزاك خير بصراحه مررررررره كنت محتاج لهالموضوع ..
بس فيه مشكله أخوي (( كن فريد )) _ وأنت كذلك:d
المشكله في إن وضعت صورتين في التوقيع .. وطلعت وحده العميان يشوفه من كبره ..
كيف أغير حجمه ؟
ومشكوووووووووووووووووووووووووور ..
.كذب ياعنيزهـ منتي باريس نجد .. باريس أصلاً هي عنيزهـ فرنسا..
سبقتني بها يا أخطبوط
يعطيك العافيه
لكن إسمح لي أفصل في الموضوع شوي
طيب يابو عزوز
بأشرح لك طريقة سهله لتغيير أحجام الصور عن طريق برنامج سهل وموجود في كل جهاز
واللي هو برنامج الرسام أو Microsoft Paint
تفتح البرنامج وتروح على قائمة File وتختار منها Open
بيطلع لك نافذة إختيار ملف
تختار الصورة اللي تبي تعدلها وتضغط Open
تروح على قائمة Image وتختار منها Stretch and Skew
في قسم الـ Stretch تقدر تعدل نسبة الطول والعرض وتغير في حجم الصورة حسب مزاجك
يعني ممكن تكبر الصورة 200% وممكن تصغرها إلى 50%
بس لازم تكون نسبة الطول اللي بتحطها نفس نسبة العرض عشان ما يتغير شكل الصورة عليك !!
يعني إذا حطيت الطول 50% لازم يكون العرض 50%
واضح ؟
أنا هنا بأصغر الصورة إلى 30% من حجمها الأصلي
إذا شفت حجم الصورة غير مناسب لك ممكن تتراجع وترجع الصورة لحجمها الأصلي
تروح على قائمة Edit وتختار Undo
بعد كذا تقدر ترجع وتعدل في الحجم بالطريقة اللي شرحتها فوق
وبعد ما تنتهي تروح على قائمة File وتختار Save عشان تحفظ الصورة بحجمها النهائي
وبكذا إنتهينا
إن شاء الله يكون شرحي واضح
.
.
.
الاخطبوط كان هنا
والله العظيم يوم اني اكتب الرد السابق كنت بأقول الحين يجي فريد ويحطلك شرح بالصور :d
والله ماخيبت الظن فيك
تقدر تصغرها ببرنامج ACD النسخه الثامنه حليوه
انا غيرت حجم الصورة ببرنامج paint shop اخو الفوتوشوب بالرضاعه ;) ومباشرة تحط طول وعرض الصورة بالبكسل
التعديل الأخير تم بواسطة الاخطبوط ; 26-04-2007 الساعة 12:16 AM
الاخطبوط كان هنا
يطول لي عمرك يا أخطبوط
أنا اخترت الرسام لإني متأكد انه موجود في كل جهاز
ولا العادة أستخدم الفوتوشوب
.
.
.
مشكووووووووووووووووووور أخوي " كن فريد" ماقصرت وفيت وكفيت
.كذب ياعنيزهـ منتي باريس نجد .. باريس أصلاً هي عنيزهـ فرنسا..
الله يعطيك العافية اخطبوط افدتونا وعلمتونا
.كذب ياعنيزهـ منتي باريس نجد .. باريس أصلاً هي عنيزهـ فرنسا..
ضوابط المشاركة
رد مع اقتباس
مواقع النشر (المفضلة)