السلام عليكم ورحمة الله وبركاتة

اخواني انا صارت لدي مشكلة كبيره وكان السبب فيها بعد تركيب فلتر المكيف
القصة من البداية
بعد ماسمعت فى المنتدي عن قصة فلتر المكيف فى سيارتي حتي اتخلص من رائحة الغبار ركبت نوع من الشاش الخفيف حيث يحل محل الفلتر ولايمنع مرور الهواء من ساعة تركيب الفلتر طلعت المشاكل
عند تشغيل المكيف اكثر من 10 دقائق والسيارة واقفة ينقطع فيوز المكيف وحدث لى اول مرة بعد تركيب الفلتر ب اقل من ساعتين مع ملاحظة ان تركيب الفلتر كان دقيق فى نفس الاطار الى جاي بالمكيف ولايمنع مرور الهواء او يتسبب فى اى مشكلة سوي انة يمسك الغبار .
استمرت المشكلة اكثر من مرة والفيوز يقطع :( ونا جاهز للتغيير وتوقعت ان الامر عادي جداً
سافرت بالسيارة الى الامارات وما ان وصلت دبي طلع عندي صوت جامد مثل صوت الدباب :o
المهم السالفة طويلة :d صار مصدر الصوت فى الكمبروسر ووديتها لآكثر من ورشة قالو الكمبرسور انفجر ولازم تبديل ؟
بحثت كثير عن كمبروسر مستعمل ماحصلت وسعرة عند الوكالة 3200 وبعد الخصم 2500 درهم :o وكنت اسأل موظف الوكالة عن فلتر المكيف قال انة غير متوفر للسيارات الخليجية يعني السيارات الخليجية تجي بدون فلتر وسعر الفلتر الواحد 300 درهم يعني 2 ب 600 درهم
المهم سالفة الكمبروسر حصلت واحد جديد عن محل نفس كمبروسر الوكالة ب 1450 وشريته وركبه المهندس ولكن مافى تبريد مع العلم انة قام يتنضيف المواسير والرديتر وكل شي ولكن مافى فايدة المكيف يشتقل 5 دقايق ويطلع حار وخسرت اكثر من 800 درهم للتركيب والفك اكثر من مرة واخر مشكلة طلعت انه غير فلتر الهواء الى بداخل الرديتر ولانفع
ولمن كشف عليها مختص بالتكييف غير المهندس الى ركبة الكمبروسر قال لازم لازم تغير رديتر المكيف :o وتم تغييرة لأن رايش الكمبروسر بعد ماتكسر دخل وسط الرديتر وعطبه وبعده صلح المكيف وصار تمام التمام



عارف اكيد طولت عليكم ولكن رجع الفيوز ينقطع مثل بداية المشكله
وبديت استرجع انا وش سويت فى سيارتي علشان اتعذب هذا العذاب وتصير لى المشاكل
قل انا ماسويت شي غير الفلتر الى ركبته ؟؟؟؟؟ يمكن يكون هو السبب



وبعد ماشلت الفلتر الى انا ركبته ولله الحمد والمنه رجع مكيفي مثل ماكان


شوفو سبحان الله كيف شي تافة شسوالى وكم خسرني ولعوزني وعطلني



الحمد لله على كل حال
سيارتي crv 2003