هل ستتغير هوندا اكورد عام 2008 ؟؟

[بدر الكويت]

تنبيه من الإدارة:
الآن ظهرت الصور الحقيقية على الروابط التالية:
http://www.hondaarabia.com/club/showthread.php?t=3986
http://www.hondaarabia.com/club/showthread.php?t=3630
http://www.hondaarabia.com/club/showthread.php?t=3971

السلام عليكم ... يشرفني ان انضم لهذا المنتدى الاكثر من رائع بدافع حبي لسيارة الهنودا وبشكل خاص ( الاكورد ) ...ولدي سؤال يهمني جدا ..هل سيارة الهوندا اكورد 2007 سوف تتغير عام 2008 ؟ للعلم .. انا لا اقصد الكوبيه ...اتمنى ان يفيدني من لديه علم بمعلومه صحيحه مؤكده ..مع الشكر لجميع الاعضاء

[B Unique]

الله يحييك معنا أخوي بدر
وإن شاء الله إنك تفيد وتستفيد

فيه واحد من الشباب الثقات في المنتدى جاب لنا خبر من الوكاله عندنا في السعوديه
وحسب ما قالوا له إنه فعلاً فيه شكل جديد وبيكون موعد نزوله شهر رمضان الجاي إن شاء الله

http://www.hondaarabia.com/club/showthread.php?t=3430

وشركة هوندا من عادتها إنها ما تتعامل مع موديلاتها الجديده بسريه تامه حتى تعلن عنها بشكل رسمي وغير كذا حتى الصحافه ما تقدر تحصل على أي معلومه رسميه صحيحه

وأعتقد خمس سنوات كفايه على الشكل الحالي ولازم هوندا تشوف لنا حل بشكل جديد
ولا ايش رايك ؟

;)

[الاخطبوط]

والله مافيه شيء مؤكد يعني يمكن تطن براسهم وباخر لحظه يخلون الشكل الحالي لسنة زياده

لكن على الأغلب انها بتتغير يعني عطيها نسبة 99% >>> الواحد بالمية الباقي خليه احتياط يمكن نتوهق بعدين ;)

والشكل الجديد شفناه بالمعارض >>> طبعا المعارض العالمية مو معارض النسيم :d

وشكل السيدان بيكون قريب من الكوبيه

والعاده الأكورد مايزيد شكلها عن خمس سنوات وشكلها بتصير نفس حركة الجيل السابق

اكورد 98-99-2000 نفس الشكل وبعدين سووا تغييرات بسيطة بالشبك والجنوط لـ 2001-2002

الزبده اذا ودك تشتري اصبر لك 4 شهور وبتشوف الموديل الجديد

[tamamoma]

السلام عليكم

أنا عضو جديد في المنتدى والسبب أنه كنت اليوم في ورشة هوندا بجدة وقال لي أحد الفنيين بأن هوندا أكورد ستتغير بالكامل في 2008. كما أخبرني الفني بأن المنتديات تعرض صورتين لأكورد 2008. أكورد زرقاء وهي صورة معدلة عن الأكورد الأصلية ، والصورة الثانية لأكورد رصاصية أو اللون الفيراني وهي الصورة الحقيقية لموديل 2008.

[ن ك د السـعــــوديه 3 5 7]

وانا اعرف اكثر من شخص بالوكاله كلهم قالوا انها بتتغير

[The Godfather]

انا اعرف كم شخص بوكالة الكويت و قالو انها راح تتغير بعد

[بدر الكويت]

مشكورين اخواني على المعلومات ... انا بصراحه رحت للوكاله بالكويت ونويت اشتري اكورد 2007 وبأخر لحظه ترددت بينها وبين الكامري 2007 وصج الحين محتار بين اني اخذ كامري 2007 او اني انطر اكورد 2008 .. تبون الصراحه صج حيره لانه الكورد شي عجيب لاني مستخدمها وعارفها خمس سنوات

[S c O r P i O n]

2008 وانت مغمض وماراح تندم ..!