@ طالب فزعتكم عندي بعض الاسألة @

**musa3d** · 04-05-2007, 06:36 PM

الســــــــــلام عليكم

اليوم رحت المعارض ونويت النيه على الاكورد 2007

باخذها سياحي 4 سلندر اوتو فتحه بـ 71,000 صافي مع اللوح والتأمين علي ( معرض السهيمي )

المهم عندي سؤالين ,,,

- السياره لوحاتها على طبلونها (تم استخراج اللوح ) وعدادها 5 كيلو ..

فهل هناك مشكلة بالنسبة لضمان الوكالة (عبدالله هاشم ) عندما يتغير اسم المالك في الاستمارة ؟؟

لانه الموزع المعتمد (شلالات تربة) قالي احنا نعطيك بطاقة جمركيه يعني ماتسجلت باسم احد اما المعارض الثانيه تكون مطلعه بسم صاحب المعرض ,, وراح اخسر بعض الخدمات من الضمان في حال اني شريتها ونقلت الملكية

فانا حبيت اتأكد من كلامه !!

- بالنسبه للون انا ناوي اللؤلؤي والرجال بمعرض (شلالات تربة) يقولي انتبه من اللون !!

مو كل ابيض لؤلؤي :(

هل هناك ابيض وابيض لؤلؤي على الاكورد

**الهادف** · 04-05-2007, 07:01 PM

بالنسبة للضمان
عبدالله هاشم يضمن اي سيارة دخلت المملكة عن طريقه حتى لو بيعت على عشر مستخدمين
اهم ما في الموضوع ان الوكيل هو الذي ادخلها السعودية

بالنسبة للون .. انا ما شفت ابيض لؤلؤي على اكوردات 2005 فما تحت
الابيض اللؤلؤي يجي في 2006 و 2007 ..

**musa3d** · 04-05-2007, 07:14 PM

تسلم لي اخوي الهادف

بالنسبة للون ,, يعني فيه لون على اكورد 2007 ابيض غير اللؤلؤي ؟؟

فيه ابيض عادي ؟؟

ولا كلهم لؤلؤي ؟؟

**أكورداوي** · 04-05-2007, 07:23 PM

هلا بيك أخوي مساعد ..

بالنسبه للضمان فمثل ماقال أخوي الهادف الضمان يشمل المالك الثاني والثالث والرابع ... الخ

صحيح فيه بعض الوكالات ماتضمن الا للمالك الأول لكن الحمد لله هوندا مو منهم ..

أما بالنسبه للون فالأبيض آخر مره نزل على الأكورد في الدفعتين الأولى من عام 2005 فقط يعني باقي الدفعات والموديلات مافيه الا أبيض لؤلؤي وخل كلام الجهال لأهله ..

ان شاء الله اني أفدتك ,,

**أبو عــزوز ..** · 04-05-2007, 07:25 PM

كلام الهادف صحيح 100%
سيارتي مشتريها من معرض باسم شخص اخر وتم نقل الملكية وعداد الكيلوات 5 شفها على الصورة الشخصية بس ممكن مو واضحة
وماش مع الصيانة

اللون الأبيض انقطع الى 2004
2005 بدء اللولؤي

نصية خذ لؤلؤي أوتوماتيك فتحة .. مثلي واقلبها فل كامل