أحسن الله عزاكم جميعاً
الله يغفر له ويرحمه ويسكنه فسيح جناته
:(
تصدقون شباب إني قد قابلت الأمير عبدالمجيد وصافحته
الكلام هذا قديم وانا في الصف الخامس الابتدائي
القصه طويله شوي .. اللي بيرقد يروح للرد اللي بعدي لا يتعب نفسه بالقراءه
أيام الابتدائي كنت أحب أرسم ودايماً أبدع في حصة الفنيه
المهم مدرس الفنيه أنبسط مني وجاب ثلاثه ألواح خشب (بلاكاش) ورصها جنب بعض وقالي أطلق العنان لمخيلتك وارسم
أنا أرسم على الالواح هذي كلاها
وش أرسم ؟!
قال اللي يعجبك !!!
فيه معرض بتسويه الهيئه الملكيه في ينبع للأعمال الفنيه وكل المدارس بتشارك فيه
وجلست أفكر وأفكر وقلت يا ولد وش رايك في تاريخ المملكة ؟!
ممكن أوزعه على الألواح الكبار هذي بالراحه
علمت المدرس بالعنوان وانبسط وقال شد حيلك معاك اسبوع واذا تحتاج مساعده نق اللي يعجبك من الطلاب وانا اجيبه لك
المهم جمعت أخوياي
وطول الأسبوع وحنا في صاله خصصتها لنا المدرسه عشان نسوي مشروع البلاكاش من أول ما ندخل المدرسه لين نطلع منها الظهر
طبعاً بما اني كنت رئيس المشروع أمرت أخوياي يصبغون الالواح بالأبيض كأساس وبعدها بديت أرسم بالقلم الرصاص وكانت البدايه بمناظر من الباديه وبعدها العمران (طبعاً ذاك الوقت ماكان فيه لا فيصيله ولا برج المملكه) فرسمت برج التلفزيون اللي في الرياض ومعه شوي مباني وفي الأخير ختمت اللوحه بخزانات وأنابيب نفط ومصانع
وبعد الرسم الأولي بالرصاص بديت بالألوان والإبداع حتى أنهينا المشروع أنا وأخوياي ولو تسألوني اللحين كيف سويتها والله العظيم ما أدري لكنها كانت تجربه حلوه أكتشفت فيها مواهبي
يوم المعرض حضرت أنا وأبوي ووقفت قدام المشروع حقي وجلست أشرح للرايح والجاي عنه وكيف سويته وشوي الا في زحمه عند الباب حق المعرض ويدخل الأمير عبدالمجيد (الله يرحمه)
وجلس على كرسي في مقدمة مسرح صغير في المعرض وبدا الحفل والترحيب وشوي الا يقولون : وأما الآن مع آيات من الذكر الحكيم يتلوها على مسامعكم الطالب .....................
طلعت أنا الطالب هذا
والله العظيم قمت أنتفض لأن محد عطاني خبر
جاني مدير مدرستنا وخذاني بيدي عند المايكروفون وقال لي إقرا أي سورة تحفظها
طيب ليش ؟ والله ماهوب أنا ؟!
قال أي سورة صغيره
أنا ذاك الوقت والحمدلله كنت حافظ 5 أجزاء وكان صوتي حلو في قراءة القرآن
لكن والله إنها تبخرت وما عاد أذكر منها إلا سورة التين
قريت السورة ونزلت
وفي نهاية الحفل بدا توزيع الجوائز وبدو ينادون وطلع إسمي أول واحد
<< إش عننننننننننننننننننده
رحت أستلم جائزتي من الأمير عبدالمجيد (الله يغفر له)
سلمت عليه وضاعت يدي في يده (صف خامس وش تتوقعون) وقالي ما شاء الله انت اللي سويت هذا كله قلت لا انا رسمتها وأخوياي ساعدوني في الباقي وسألني أنا في صف كم وأعطاني جائزتي اللي كانت ألبوم صور من الجلد الفاخر أول ما تفتحه تسمع صوت موسيقى لين تقفله وحتى اليوم وهو عندي ومليان ذكريات
والابتسامه وقتها الله لا يوريكم من الإذن إلى الإذن
إنا لله وإنا إليه راجعون
الله يغفر لك يا أمير الإنسانيه ويوسع عليك قبرك ويثبتك عند السؤال
:(
اللهم اّاّمــــــــــــين
ضوابط المشاركة
رد مع اقتباس
مواقع النشر (المفضلة)