السلام عليكم ورحمة الله
يا اخوان انا من المعجبين بهوندا كتير كتير
من فترة اسبوع اشتريت هوندا سي ار في 2004 طبعا مستعملة
بعد ما اشتريتها صار فيها هزة او رجة في السيارة
رحت لميكانيكي قلي بدها بلاكات ( بواجي ) بدلنا البواجي وما راحت الهزة
رجعنا لميكانيكي شاطر قالي بدها تغيير كراسي المحرك وغيرنا كراسي المحرك كمان ما صار شي الهزة بقيت مثل ما هي
رحت لميكانيكي ثالث قلي المحرك عندي خربان مع انو السيارة شبه جديدة ومش ماشية غير 100 الف وغيره قلي المحرك مافيو شي بس يحتاج عيار فارجوكم افيدوني كيف احل هاي المشكلة لاني بصراحة بدي اكره السيارة مع اني شريتها بمبلغ منيح يعني
ثانيا عندي مشكلة في البترول اريد اعرف كم تصرف السيارة بالظبط لاني اليوم عبيت البترول فل بقيمة 100 درهم اماراتي ومشيت مسافة 330 كيلو متر وباقي تقريبا ربع الخزان
هل هذا الصرف طبيعي ام سيارتي تصرف بترول اكثر من اللازم
ارجو من اصحاب الخبرة افادتي بما يجري معي في هذه السيارة لاني بصراحة لي اسبوع نفسيتي تعبانة منها وزوجتي تزن علي فيها وما ادري شو اسوي اريد جواب يريحني الله يخليكم
وما في قصور وسامحونا
اخوكم ابو المجد الفلسطيني