الموضوع: خمس اسئلة محتاجة خمس اجوبة Please

1- طبيعي لان تعليق الاكورد قاسي .... و هذا معطي الاكورد رساوه حلوه .

2- ما عندي علم للاسف .

3- المنعطفات و القومه بس .

4- المميز في الغرابي .... و الابداع في الصناعيه القديمه ... و انا افضل الابداع.

5- التنسيم على اي سرعة ؟

أخوي Blk ماقصرت على توضيحك وشكرا , بالنسبة للتنسيمع تحسبه من سرعة 120 تقريبا اخوي Neo Fox وماقصرت وشكرا . انتظر ردود اخرى من الاعضاء

عن اذنك اخوي دحوووووووم

انا عندي سؤال سادس

ما تحسون ان مراتب الاكورد تكسر الظهر شوي اذا طولت وانت جالس عليها ؟؟

وش الحل طيب ........

ومشكووووورين ...

......

س1/ ماتلاحظون شباب اثناء مشي الأكورد على عيون القطط يصدر صوت قوي وش الحل برأيكم ? ...

احتمال كبييييييييير يكون من ضغط الهواء في الكفرات

ج 1: انا شاري عداد اللكتروني من عند العليان يوم قيجة الكفرات فيه لقيت فرق بينه وبين الامبير اللي يجي فيه ابره فأنصحك باللكتروني افضل لك وخل الكفرات على 32 وراح تدعيلي

ج 2: اذا كان تقصد اللي تجي في علبة بخاخ واذا رشيتها لمعتها تطلع ناشفه يعني مافيها لمعه انا مجربها من قبل تعدم لك البويه وخاصه الابيض ونصيحه يابلاك لاتحطه على الجنوط اذا كان هو اللي في بالي

ج3: النظام بتاع كلو نظام متكامل ماشالله عليه هو والABS صار لي موقفين معاه النظام مره كنت امشي 180 ومره كنت امشي 160 مره حجروني ثلاث تريلات كانو ورا بعض طلع اخر واحد بيتجاوز يوم وصل عند اللي قدامه قام حده وطلع على الخط الايسر وصار الخط كله تريلات وانا جاي امشي 160 وانحجر ذيك الحجره على الكتف ويدخل كفره بالكتف وانزل الاكورد بالرمل يوم عديت التريلات جيت برجعها وتزحف بس النظام ساعندي في تهجيدها والموقف الثاني كنت امشي 180 على المسار الايسر كبست للي قدامي ابيه يوخر قام دخل على الكتف ولفيت يمين ولف معي باص كان ماشي بالوسط وانجر ذيت الحجره جميع الطرق مقفله قدامي وامسك بريك بوز وولحظ ان السياره يسار والطاره سيده يعني الموتر ناطل يوم سمع راعي الباص صوت البريك وقف ما كمل خشته وانطل ذيك النطله لني كنت محجور عند الكتف الايمن وكنت اقول في نفسي الله يعينني على التهجيد الحين بس والله ماتوقعت انه بذي السهوله مع النظام يعني سريع سريع هجدت

ج4: والله مدري بس الغرابي مليان محلات تخشيب حتى انك تحتار ماتدري وش تركب ووش تخلي

ج5:اتوقع انه استهبال من شركة هوندا يبغون يعلمون الناس ان الزين مايكمل حلاه

تحياتي اكورد 2006

ياشباب مشكورين على الردود وانا معك يا lord المراتب قاسية على الظهر حتى اللي في الخلف احسن شوي ومثلك محتار ماادري وش الحل .

اكورد 2006 بصراحة اقنعتني اكثر بالنظام وشكلي خلاص راح اضغط عليه كل ما ركبت السيارة سار بالنسبة لي مهم بعد المواقف اللي واجهتك ومشكور على مرورك .

اخوي دحوم النظام اذا كان شغال ماتطلع لمبته وهو مع دقت السلف يكون شغال اجباري عشان سلامتك يعني اذا شفت اللمبه والعه معناته النظام مهو شغال واذا كانت طافيه معناته شغال فهمت علي

والله اكورد 2006 انا كنت اعمل العكس الله يعطيك العافية على هذي المعلومة ولا كان رحنا في خبر كان واخواتها .

هلابك اخوي

اخوي لورد

ما تحسون ان مراتب الاكورد تكسر الظهر شوي اذا طولت وانت جالس عليها ؟؟

بالعكس ياعمي مراتب الاكورد ما فيه احلى منها في كل الموديلات

يعني لما تجلس تحس المرتبه ضامتك وماسكتك مو مثل الكامري شوي والمرتبه تقول ((انزل يرحم امك)) تحس لو تمسك فرامل بتضرب بالطبلون

لانها مقعره للخارج مو للداخل

على العموم هي مسئلة ارتياح فيه ناس تحب السبورت مثل مراتب الهوندا واللومينا والكابرس وفيه ناس تحب المراتب الكلاسيكيه مثل الفكتوريا والماركيز

واسف على التعليق

تقبل تحياتي وفائق احترامي

اخوك
عزوز ورشه

وانا معك اخوي باتريوت هوندا كلامك صحيح بخصوص المراتب .