الموضوع: اكورد .... أو ... لومينا ...

انا اشووف الاكورد لأنها تعيش معاك ولما تبغى تبيعها كاش في يدك وعموماً اللومينا سياره بصراحه في السنوات الاخيره اثبتت جدارتها ويصعب منافستها بس الاكورد منافس ممتاز
انتي استخير ربنا وشوف اللي يريحك

موضوع المقارنة بين الأكورد واللومينا الصراحة موضوع يحتاج إلى الوقوف عنده من ناحية المواصفات .
و أنا أعطيك شهادتي في هذا الموضوع
كان عندنا لومينا Ss موديل 2002 وكانت السيارة خاصة بالوالد والحق ينقال . السيارة تحملت الوالد و ماشالله عليها قوية و أنا شخصيا أستعملتها لأن الوالد تقاعد وماصار يستخدم السيارة فأنا الصراحة أستلمتها و لما كنت ثالث ثانوي صرت أداوم بالسيارة أروح وأرجع من المدرسة وطبعا عارف شباب وهذي لومينا ومو أي لومينا هذي Ss دعس ومقاومات ما خليت أحد في حال سبيله لازم من الحرش .
لكن كان يعيب اللومينا إننا دفعنا فيها حول 95000 ريال وكانت فل كامل ومكيفها مو لمس
لكن كتحمل واستخدام أشوف إن اللومينا كفت و وفت معنا إلين عام 2006 وبعدين بعناها لأن الوالد اشترى بعدها البي إم .
واستأجرت لومينا سياحي موديل 2006 أقول وش ها المواصفات إللي فيها مثبت و تحكم بالصوت من الدريكسون و الباور شفت .
و جيت أقارنها داخليا بسيارتي الأكورد لقيت إن اللومينا زبالة من ناحية المواصفات الداخلية
البلاستيك إللي على الطبلون نوعه جدا سيء , رجة عند استخدام الفرامل , ماهي راسية أبدا , ضعيفة جدا لدرجة إني أقدر أقول إنها أضعف سيارة 6 سلندر , نظام الـabs فيه غير أساسي تفتقر لأقل عوامل السلامة وهي الوسادة الهوائية للراكب .
أنا أشوف إن اللومينا لا تقارن بالأكورد لأن الأكورد أجود من اللومينا و أفضل عند إعادة البيع
وتعيش معاك الأكورد وتعمر لكن اللومينات إللي بعد 2002 أعطيها سنة وحدة وتشوف فيها أنواع الخرابات .
اللومينا غير مصرح لها الدخول إلى الأراضي الأمريكية لافتقار السيارة لعوامل السلامة وللمواصفات والمقاييس الأمريكية . لأن اللومينا صنعت فقط لمنطقة الخليج . اعتمادا للمواصفات الخليجية المخيسة .

الموضوع بدون مقارنة مايحتاج الأكورد أحسن اللومينا بكثير حتى في خدمات مابعد البيع .

تحياتي لك أخوي

BLK
والله انك دكتور

بصراحة الاكورد سيارة ميزتها سمعتها وصناعتها وسعرها عند البيع
لكن
اذا قارنت مواصفات اللومينا الحالية مع مواصفات الاكورد اشوف انه حرام ادفع 80000 واخذ نصف المواصفات مع انه يمكن ادفع 78000 واخذ مواصفات افضل واكثر هذا غير الشكل فشكل اللومينا الجديد بصراحة حلو
والله انك رجحت الميزان يادكتور BLK

انا صراحه ما اعتبر السيارات الامريكيه سيارات
تحوص بسرعه مكينه قويه بس ماتعيش عمر السياره قليل جدا السياره بعد سنه تسمع منها طقطقة في كل مكان وتتكسر في ابسط حادث
انا من راي مافي مقارنة غير على الورق بس في الواقع لا
لان الاكورد اعتماديه اقتصاديه في البنزين متاسكه في الهيكل تعيش عمر طويل امانها اكتر من السيارات الامريكيه

هادا رأي ولا احد يزعل واليبغى تفاصيل اكتر يقلي انا اعطيه كل التفاصيل على التيليفون
وسلامتكم

اخوي ACOORD 764 انت قلتها جربت اجار ولا تحكم على الاجار

الحين السياره انت تطلعها جديده يستعملها اكثر من واحد في فتره معينه تبدا الخرابات تطلع

وانا اقول رح أجر اكورد وقارن بينها وبين سيارتك ..........وننتظر مقارنتك والمتعارف عليه اي واحد يأجر سياره ما راح يعاملها تعامل ان السياره له ملك صح ولا لا وخصوصا حنا يا أهل الرياض

وجرب لومينا جديده وكاله ........... وقارنها مع اللومينا اللي اجرتها وعطني رايك



وهذي مواصفات اللومينا LS وقارنوا مع الاكورد سياحي ....

محرك 3.6 V6 حصان240
نضام تعليق Linear control suspension
فرامل ABS
توزيع الكتروني للفرامل EBD
الدعم الاكتروني للفرمله EBA
جنوط 16 انش
مثبت سرعه
تحكم بالصوت
كمبيوتر معلومات يعطيك معدل السرعه عداد مسافات معدل استهلاك الوقود الوقود المستهلك عداد رقمي للسرعه تذكير بموعد الصيانه او الخدمه يظهر عند الـ1000 كلم
والايرباقات للسائق والراكب


هذا غير اللي ما ذكرته ....................وقرانها مع الاكورد سياحي

واذا تبي تقارن مع الفل كامل للأكورد راح اقارن لك مع الـLTZ

واذا هي على دخول السياره امريكا غلطان من قال انها ما تدخل

وتدخل اللومينا امريكا بأسم بونتياك


ودمتم ......,

انا في صف اخوي اكورد 674 بصراحة كل الكلام اللي قاله صح واشكره على كلامه والمقارنه من وجهة نظري غير موجودة بين الاكورد واللومينا وش جاب الثرا للثريا ،،،،،،

والله ماقصرتوا
يعطيكم العافية ومعها يرزق كل واحد منكم اكورد 2008

انا جربت اكورد 2005 ثلاثة اشهر
وجربت 2006 ستة اشهر
وجربت كامري 2007 سبعة اشهر

واللي خلاني اتردد بين اللومينا والاكورد الجديدة

اني استاجرت لومينا 2007 ولقيت انها ماهي صاحية مجنونة مقارنة بسعرها ..
لكن قالوا ان الاكورد الجديدة ستكون مختلفة تماما ..

ولا احد يفيدني اكثر من اهلها وانتم اهل الاكورد
وسلامتكم . .
;)

نا انصح انك تروح الوكالة قول لهم ابغي اجرب اللومينا ونفس الشي روح حق وكالة الهوندا خذ اكورد وجربة وانت احكم بنفسك

شوووف حبيبي اذا انت راعي مقام وهيااااااااااط


اللومينا



واذا انت راعي محافظ اكورد



8
8888
888888
888888888
8888888888888
888888888888888888
88
88
88
88
88
88
الاكورد تقوول دلعني وادلعك