والله حمااااااس
بس انا اخاف من المنظفات هدي صراحتا
بسم الله الرحمن الرحيم
اخواني السلام عليكم
تحية طيبة لكم جميعاً
الكل منكم يعرف نظام حقن الوقود او ما يسمى بالبخاخات، راح اشرحه بالختصار
كل سيارها فيها بخاخات عددها بعدد السلندرات وهي اللي تحقن او تبخ الوقود إلى غرفة الاحتراق، مع الوقت تتسدد مجاري نظام الحقن بسبب الترسبات في خزان الوقود، الحل جدا بسيط، بدال ما تروحون للورشه ويقول لكم تنظيف بخاخات وتاخذ وقت وتكلفك مبلغ وقدره، فيه منتجات متعدده خاصه لتنظيف نظام الحقن وهي سوائل توضع في خزان الوقود، بس المنتج اللي بقول لكم عنه اليوم هو منتج جدا رائع وفوق الرائع جربته على سيارة الوالد مرسيدس 8 سلندر كانت متسدده مجاري البخاخات ومكربنه لدرجه اذا دست على البنزين وهي واقفه وربي ما عاد اشوف اللي وراي، اشتريت المنتج هذا وكان فيها بنزين اقل من النص، صبيت فيها العلبه ومشيت فيها خط مسافة تقريبا 50 كيلو رايح و50 جاي في الروحه علبه وفي الرجعه علبه (لانه كانت جدا مكربنه) لكن اللي مثل حالاتكم تكفي علبه وحده للروحه والرجعه. المنتج هذا يتميز عن باقي المنتجات مو بس ينظف مجاري البخاخات وبس، زياده على كذا ينظف المكينه من الكربون وينظف البلوف (الصمامات) والبساتم (الاسطوانات) من الكربون، جداً آمن علي محركات السيارات ومن شركة لها باع طويل في المنتجات هذي.
المنتج ما شفته الا عند محلات الوهيبي في ش/ العروبه
هذي صورة المنتج
[IMG][/IMG]
في الختام اتمنى يعجبكم الموضوع ودعواتكم لي يا اخوان
خالص الود وصادق الدعوات للجميع
والله حمااااااس
بس انا اخاف من المنظفات هدي صراحتا
انا بعد اخاف اغامر اخووي بس على العموم مشكوور يا الغلا
سعدت بمروركم واحترم رايكم ومن حقكم تخافون على سياراتكم
لكن اللي فعلا يخاف على سيارته ويحافظ عليها يمشي على النظام هذا انا وانا خوكم مستخدمها على مرسدسين وعلى باترول وعلى سكودا ولا شفت منها الا كل علم طيب، هذي جدا آمنه على السيارات، في امريكا يستخدمون المنتج هذا باستمرار كل ما غيرو زيت فرغو علبه منه في تانكي البنزين، ميزة المنتجات هذي ما تجي صيني وما صيني تجيك امريكي اصلي وشفت في النت منتجات مثلها ألماني.
بعطيكم مثال روحو لاي محل قطع غيار مرسيدس قل له عطني مظف بخاخات مرسيدس بيعطيك علبه صغيره عليها ستكر مرسيدس اصلي، مرسيدس اللي هي اعرق سياره في العالم وفرت في مبيعات قطع الغيار منتج زي هذا، هل تعتقدون انه شي بيضر؟؟
زي المنتجات هذي شوف عيني عليها سحب مهوب طبيعي من مستهلكين مثلنا ومن ورش.
باختصار اقول، الوقاية خير من العلاج منتجات مثل هذي (وخصوصا اذا جت من شركات مختصه) انا اعتبرها وقائيه، علبة قيمتها 15-25 ريال ولا انك تدفع عند الميكانيكي 200 ريال وفيها غير ضياع الوقت عشان تنظف البخاخات غير الاضرار اللي تلحق المكنه والبخاخات
تحياتي للجميع وسعدت وتشرفت وربي بمرورك وتعليقاتكم
والله المنتج ممتاز مرة
وانا احتاجه ضروووري اخوي
وسعره مرة ممتاز مقارنة بمفعوله
بس بسألك وين ارشة او وين اصبه بأي مكان .؟
<< منتظر الرد بحماس
ابي انظف بخاخات لازم :o
ماعليش توي انتبهت للكلمة لأني ماقريت الموضوع كامل :dوهي سوائل توضع في خزان الوقود
يعني مع البنزين
بس اعبي عادي علطوول والا احاول يكون البنزين فاضي .؟
هل ممكن احصله بالدمام .؟؟ >> بمشي بكرة :(
وين شارع العروبة فيه .؟
يارب يشوفون الموضوع ويقولون لي :(
حيك الله يالغالي
بالنسبة للدمام مادري والله وين تلقاه، اما في الرياض اكيد اكيد تلقاه عند الوهيبي في شارع العروبه (عندنا في الرياض) وانت على شارع العروبه (بأتجاه الغرب) تقطع شارع التخصصي واليورومارشيه على يمينك تجيك إشاره ديور معاها (ارجع) (يوتيرن) ويجيك عاليمين
وبالنسبه للاستخدام يفضل التانكي يكون فيه اقل من النص او الربع فرغه فيه ومس الموتر (بس انتبه من ساهر) لين تولع عندك اللمبه. هذي الطريقه العلاجيه اما الوقائيه فهي انك تعبيه مره في الشهر او مع كل غيار زيت ومو مهم تمسك خط.
اتمنى اني افدك
تحياتي لك اسعدتني بمرورك واستفساراتك
والله بلفعل حماس
المشكلة الي عندنا في جدة انواع كثيره ماشفت مثل المنتج الي حاطه
والي موجوده عندنا في المحطات لونه اسود والبنقالي يترجاني اني احطه ولا حطيته
افتكر مره واحد من الربع كان معاه نيسان ددسن غمارتين عبى بنزين وحط منظف هدا
تصدق جالسين نهجول فيها جدة كلها الشمال الين سوق البلد
والتانكي ثابت على الفل ماتحرك
طيب البنزين لا زم يكون فل ولا نصف
الافضل تقرأ العلبة كم لتر بنزين لازم يكون بالتانكي مع العلبة الواحده علشان مايعدم عليك الدنيا
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
في محطات البنزين تحصلون ثلاث انواع
انا مجرب منظف للبخاخات بالعكس احس لسياره
يك الله يالغالي
بالنسبة للدمام مادري والله وين تلقاه، اما في الرياض اكيد اكيد تلقاه عند الوهيبي في شارع العروبه (عندنا في الرياض) وانت على شارع العروبه (بأتجاه الغرب) تقطع شارع التخصصي واليورومارشيه على يمينك تجيك إشاره ديور معاها (ارجع) (يوتيرن) ويجيك عاليمين
وبالنسبه للاستخدام يفضل التانكي يكون فيه اقل من النص او الربع فرغه فيه ومس الموتر (بس انتبه من ساهر) لين تولع عندك اللمبه. هذي الطريقه العلاجيه اما الوقائيه فهي انك تعبيه مره في الشهر او مع كل غيار زيت ومو مهم تمسك خط.
اتمنى اني افدك
تحياتي لك اسعدتني بمرورك واستفساراتك
خلاص اوكي اشتريه واعبيه هل اصبه كله والا كيف ؟؟
انا بخلي البنزين ربع وبعدين اعبيه كله والا نصفه :d
ومس الموتر لين تولع اللمبة وشوو >> حقت البنزين .؟ والا لمبة المكينة :p
هلا بك والله يالعميد، غريبه والله وش هذا اللي انتم عبيتوه؟؟ رصاص والا وشو
وبعدين هذا غير اللي في المحطات هذا اجود منها بكثييير اصلا هذا غالي على المحطات عشان يشترونه
عموما نورتني ودائما منورني
حياك الله اخوي عبد الله
والله بالنسبه لكمية البنزين على حسب اذا تبيه وقائي حط علبه وفلل التانكي امسك خطك يعني مثلا مسافة 400 - 500 كم
اما اذا البخاخات عندك متسدده اوالسياره مكربنه خل التانكي فيه النص او اقل وفرغ فيه علبه ودوس عالموتر
منورنا يالغالي
حياك الله يا مشرفنا المباشر، احسنت وكفيت ووفيت لما قلت (تقرأ اللي مكتوب عالعلبه) اما انه يعدم الدنيا فما عليه خوف بإذن الله
والاهم من هذا كله شرفتنا واسعدتنا بمرورك ولا تحرمنا من مرورك انت والشباب الحلوين
نورتنا يا اف 15 واحسنت على التوضيح
ولا تحرمنا من تعليقاتك ومرورك
نورتنا يا اخ حسن واحسنت على التعليق
اما بالنسبه للي عند محطات البنزين مهي سيئه على حد علمي اذا ما نفعت ما راح تضر بإذن الله ولكن النوع هذا جدا ممتاز
ونورتنا يالغالي وكرر مرورك دائما علر مواضيعي
هلا فيك يا بطل
ايه تصبه كله اذا السياره فل
واذا السياره مكربنه او فيه سدد في البخاخات خل التانكي فيه اقل من النص وفرغ العلبه كامله
فال الله ولا فال لك وش لمبة المكينه انا اقصد لمبة البنزين
اسعدتوني وربي جميعاً بمرورك ويشهد ربي ويسعدني اكثر اذا مريتو على باقي مواضيعي الموجوده حاليا والجايه مستقبلا
كل الود وصادق الدعوات لكم جميعا وأسأل الله انه يعطيكم خير سياراتكم ويكفيكم شرها وان شاء الله انها اردى ما تركبون عقبال ما تركبون اللي في بالكم
في امان الله
لا فيك يا بطل
ايه تصبه كله اذا السياره فل
واذا السياره مكربنه او فيه سدد في البخاخات خل التانكي فيه اقل من النص وفرغ العلبه كامله
فال الله ولا فال لك وش لمبة المكينه انا اقصد لمبة البنزين
مشكووور يالغالي عا الوضيح
<< بروح اشيك عليها بالدمام لازم احصله
اذا مسيتها هل بس اسرع والا لازم مسافة طويله .؟
عاتي اقطع المسافاة على فترات ( يعني كل يوم شوي ) >> لاني ماقدر امسك بها 50 كيلو بيوم >> مب فاضي :d
هلا والله وغلا
عزيزي انت وش المشكلة عندك بالضبط؟؟
السياره وسخانه بخاخاتها والا مكربنه والا وشو بالضبط
عالعموم افضل شي انك تمسها مسه وحده
تبي اريحك
خل في التانكي كمية بنزين تكفي لمسافة 100كم وفرغ العلبه كامله في التانكي ومس الموتر حط رجلك 50 كم بعدين ديور (يعني ارجع) و 50 كيلو ثانيه بس انتبه من ساهر
وانت تمشي اوقات ثبت رجلك واوقات اكتم للدعسه وارجع ثبت على الـ 160-140 وارجع اكتم وعلى هالحال هذي الطريقه اللي انا جربتها
وخل عنك العجز ترا كلها رايح جاي 100 كيلو تخلصها بإذن الله في اقل من ساعه
وموفق ان شاء الله
شيك عند ساكو يمكن تحصله هناك
تحياتي
^^
يوم قلت وش تبي بالضبط حسيتك حقدت علي :d
خلاص انا بشيك بساكو واشوف
سيارتي احسها وصخانه بس وابي انظفها
مشكوور وماتقصر يالغلا وان شاء الله ارجع لكم بالنتايج
<< برب بحث عن المنتج وترجبته :d
مواقع النشر (المفضلة)