الموضوع: تنظيف نظام الحق (البخاخات) من الترسبات والمحرك من الكربون

يك الله يالغالي

بالنسبة للدمام مادري والله وين تلقاه، اما في الرياض اكيد اكيد تلقاه عند الوهيبي في شارع العروبه (عندنا في الرياض) وانت على شارع العروبه (بأتجاه الغرب) تقطع شارع التخصصي واليورومارشيه على يمينك تجيك إشاره ديور معاها (ارجع) (يوتيرن) ويجيك عاليمين
وبالنسبه للاستخدام يفضل التانكي يكون فيه اقل من النص او الربع فرغه فيه ومس الموتر (بس انتبه من ساهر) لين تولع عندك اللمبه. هذي الطريقه العلاجيه اما الوقائيه فهي انك تعبيه مره في الشهر او مع كل غيار زيت ومو مهم تمسك خط.

اتمنى اني افدك

تحياتي لك اسعدتني بمرورك واستفساراتك

خلاص اوكي اشتريه واعبيه هل اصبه كله والا كيف ؟؟

انا بخلي البنزين ربع وبعدين اعبيه كله والا نصفه :d

ومس الموتر لين تولع اللمبة وشوو >> حقت البنزين .؟ والا لمبة المكينة :p

المشاركة الأصلية كتبت بواسطة a n m a r

والله بلفعل حماس

المشكلة الي عندنا في جدة انواع كثيره ماشفت مثل المنتج الي حاطه

والي موجوده عندنا في المحطات لونه اسود والبنقالي يترجاني اني احطه ولا حطيته

افتكر مره واحد من الربع كان معاه نيسان ددسن غمارتين عبى بنزين وحط منظف هدا

تصدق جالسين نهجول فيها جدة كلها الشمال الين سوق البلد

والتانكي ثابت على الفل ماتحرك

هلا بك والله يالعميد، غريبه والله وش هذا اللي انتم عبيتوه؟؟ رصاص والا وشو
وبعدين هذا غير اللي في المحطات هذا اجود منها بكثييير اصلا هذا غالي على المحطات عشان يشترونه
عموما نورتني ودائما منورني

المشاركة الأصلية كتبت بواسطة عبدالله الشيخي

طيب البنزين لا زم يكون فل ولا نصف

حياك الله اخوي عبد الله
والله بالنسبه لكمية البنزين على حسب اذا تبيه وقائي حط علبه وفلل التانكي امسك خطك يعني مثلا مسافة 400 - 500 كم
اما اذا البخاخات عندك متسدده اوالسياره مكربنه خل التانكي فيه النص او اقل وفرغ فيه علبه ودوس عالموتر
منورنا يالغالي

المشاركة الأصلية كتبت بواسطة المباشر

الافضل تقرأ العلبة كم لتر بنزين لازم يكون بالتانكي مع العلبة الواحده علشان مايعدم عليك الدنيا

حياك الله يا مشرفنا المباشر، احسنت وكفيت ووفيت لما قلت (تقرأ اللي مكتوب عالعلبه) اما انه يعدم الدنيا فما عليه خوف بإذن الله
والاهم من هذا كله شرفتنا واسعدتنا بمرورك ولا تحرمنا من مرورك انت والشباب الحلوين

المشاركة الأصلية كتبت بواسطة accord f15

بمعنى حط رجلك

نورتنا يا اف 15 واحسنت على التوضيح
ولا تحرمنا من تعليقاتك ومرورك

المشاركة الأصلية كتبت بواسطة حــــســــن

في محطات البنزين تحصلون ثلاث انواع
انا مجرب منظف للبخاخات بالعكس احس لسياره

نورتنا يا اخ حسن واحسنت على التعليق
اما بالنسبه للي عند محطات البنزين مهي سيئه على حد علمي اذا ما نفعت ما راح تضر بإذن الله ولكن النوع هذا جدا ممتاز
ونورتنا يالغالي وكرر مرورك دائما علر مواضيعي

المشاركة الأصلية كتبت بواسطة mr_3bdullah

خلاص اوكي اشتريه واعبيه هل اصبه كله والا كيف ؟؟

انا بخلي البنزين ربع وبعدين اعبيه كله والا نصفه :d

ومس الموتر لين تولع اللمبة وشوو >> حقت البنزين .؟ والا لمبة المكينة :p

هلا فيك يا بطل
ايه تصبه كله اذا السياره فل
واذا السياره مكربنه او فيه سدد في البخاخات خل التانكي فيه اقل من النص وفرغ العلبه كامله
فال الله ولا فال لك وش لمبة المكينه انا اقصد لمبة البنزين

اسعدتوني وربي جميعاً بمرورك ويشهد ربي ويسعدني اكثر اذا مريتو على باقي مواضيعي الموجوده حاليا والجايه مستقبلا
كل الود وصادق الدعوات لكم جميعا وأسأل الله انه يعطيكم خير سياراتكم ويكفيكم شرها وان شاء الله انها اردى ما تركبون عقبال ما تركبون اللي في بالكم
في امان الله