السلام عليكم ورحمة الله وبركاته،،،

اعذروني على الإنقطاع بس كنت في الإمارات رايح معرض جايتكس وفي اليوم الثاني قلت خلني اروح الشارقة....شوي الا اشوف وكالة هوندا قلت يالله خلنا نسأل عن النافيقيشن حق السيفيك للأسف قالو لي روح مركز الصيانة رحت الا هو مسكر

ولكن.........

تفاجأت بسيارة حلووووووووووووووووة >>> اكيد مو أحلى من السيفيك هههههههههههه

شفت لكم الليجند 2008

نبتدي بالمواصفات:

مكينة 6 سلندر بنظام VTEC
القوة 295 حصان >>> صاروووووووخ

بقية المواصفات في الصورة التالية


هذي مجموعة صور للشكل الخارجي




الأنوار شي خيااااااااااااااااااااااالي


الخلفية صراحة مو ذاك الزود تشبه التيدا :(


هذي مجموعة صور الداخلية

احلى شي نظام الملاحة وأسوأ شي ان العصا اللي تستخدمها للتحكم


موجودة بوسط الطبلون يعني لازم تمد يدك لها مو زي البي ام في مسندة اليد >>>طماع يبغى كل شي جاهز

الطارة فيها تحكم بالصوت وايضا تثبيت السرعة >> تحته ازرار بس ما أنتبهت حق أيش؟


شي ثاني حلو...القير سكونشل زي السوبارو H6 تقدر تعشقه من ورا الطارة زي الفورملا 1


وأيضا تقدر تعشقه بالقير العادية + و -

>>طبعا الفتحة اللي يم القير جهة اليمين هذا تضغط عليها
وتطلع لك اللي تولع الزقاير >>> بيستانسون المدخنين مدلعين على الآخر

ولاحظو التدفئة للمقاعد


ستارة قابلة للسحب في الباب الخلفي زي اللكزس


المحرك الجبار.....>>> مغطى بالكامل علشان لا أحد يلغم


في الأخير بقي أن نذكر أن سعر السيارة

170,000 ألف درهم إماراتي

عيوب السيارة:

حجمها زي الأكورد + فرق السعر مرتفع جدا بينها وبين الأكورد
وهذا بيخلي الناس تبتعد عن السيارة

في الأخير أرجو أني أكون وفقت في هذا الطرح وأتمنى من الجميع اللي بيردون أنهم يكتبون

يارب تسهل أمور مرتضى وأهله >>> هذا اسمي للي مايعرفون