ارجو الرد باسرع وقت

**الاكوردي** · 17-09-2007, 09:37 PM

السلام عليكم ورحمه الله وبركاته

كيف حالكم شباب .,,

انا محتااار متحااار وكل يعطيني راي الي يقول لي خذ كامري والي يقول اوريون والي يقول غراند ما ركيز والي يقول اكودر والي يقول التيما وانا ضاااايع وما دخل عقلي الا الاكورد والاوريون والباقي ما عجبني ولا عندي خبره في السيارات فقلت اسال اهل الخبره ...

لاني سمعت ان الاكورد ياباني بس عيبه انه مو هادي وخشن في المطبات والاوريون استرالي وانعم واهدى من الاكورد وهذا الي محيرني؟؟

و احبيت اسال في الثبات والهدؤ في الطرق السريعه ومن هي الي تتحمل الاكورد 4 سلندر ولا الاريون ....,,

وانا ابغا اخذ سياره للزمن ما افكر في البيع ؟؟

مع العلم ان البيت يبعد عن منطقه عملي حوالي 40 كيلو.. وابغا سياره لا تتعدى 85 الف ريال.

ولكم اجمل تحيه ..,,

**S T ! N G** · 17-09-2007, 09:43 PM

طيب وش رايك في الشارجر ؟؟؟

**الاكوردي** · 17-09-2007, 09:48 PM

الشارجر كبير كبير

**الاخطبوط** · 17-09-2007, 10:07 PM

85 ألف تجيبلك اكورد 4 سلندر فل كامل جلد لكن على فكرة الشكل بيتغير كليا لموديل 2008

واشوف ان الاكورد افضل اختيار لك وللزمن مع ان الأوريون حلوه وماكينتها قوية وفيها نظام ملاحه لكن سعرها فوق الميزانية اللي انت حاطها

الألتيما سيارة مافيها الا قوة ماكينه وبس ولا من ناحية ديكور داخلي وطول عمر فإنسى الموضوع

**The Stig** · 17-09-2007, 10:11 PM

بصراحه لو المبلغ عندي كامل راح اختار :

1- ادبر فوقها شوي واخذ افالوووون بالدرجه الاولى ,,, لانها خياليه ,,,
2 - اوريون مو داخل عقلي من بره بس يمشي الحال من المواصفات
3- او الله يعيني واروح الشيفرولية واخذ كابرس او لومينا لانه في رمضان الاسعار طايحه ,,,

بالنهاية ابعد عن الهوندا :::
1- الاكورد راح تتغير
2- الس ار في فل بس ناقص شاشه او V6
3- الليجيند غالييييه جدا

هذا والله ولي التوفيييق

**الاكوردي** · 17-09-2007, 11:14 PM

انا امس رحت المعارض الي عندنا وشفت الاوريون بسعر85500ريال درجه ثانيه

والاكورد فل ابشن 4 سلندر مخمل بـ81000ريال

يعني الاوريون باستطاعتي اشتريها بس خايف من المستقبل كونها استراليه يعني ما اتوقع تطول فوتها ؟؟؟؟

.

وشكرا على المرور.,,

**B Unique** · 17-09-2007, 11:24 PM

المشاركة الأصلية كتبت بواسطة الاكوردي

يعني الاوريون باستطاعتي اشتريها بس خايف من المستقبل كونها استراليه يعني ما اتوقع تطول فوتها ؟؟؟؟

عزيزي الاكوردي

ابي انبهك بس ان السيارات عامة ما عادت 100% صناعة بلدها . يعني اللي يقول لك الاكورد ياباني والاوريون استرالي هذا ما عنده سالفة (وما اقصد احد بالكلام هذا)

على سبيل المثال الاكورد اللي يقولون انها يابانيه 100% ترى فيها قطع مخلطة من كل بلد
فيها قطع تايوانية ويابانية وامريكية ووووو ..... والله اعلم وش فيها بعد من صناعات !!

اهم شي تسأل عنه اللحين هو الاستخدام والجودة والتحمل وافضل من يفيدك الشخص اللي جرب السيارتين

بس حبيت اوضح لك سالفة الصناعات
وهذا رأيي الشخصي وسلامتك

**The Stig** · 17-09-2007, 11:24 PM

اخوي ,,, الاوريون مو استراليه ,,,

وخل عنك كلام العذال ههههههه

التويوتا يابانية مصانعها في استراليا ,,,, ومثل ماللهوندا سيارات تصنع في كندا او امريكا ,,و ماعتقد راح نقول انه السيارة مو يابانية ’’’ ولا وش رايك

ممكن تقول لي وش معنى درجة الاوريون...,,, يعني وش مواصفاتها

**shabab4ever** · 18-09-2007, 12:11 AM

هــلأأإأ أخويىى

الشبــأإأب كلهم ماقصرو ويالغالي الموتر

ومن نــأإأحيتي أصبر كم أسبوع وينزل هـ الموتر الجديد الاكورد

وأشتريه وأضمن أنه ثلاث سنوات مراح يتغير الا أشياء بسيطه

وأكون أستمتعت بطعم الموتر

هـذا أقتراحي ولا أزيد عن الباقي

وأبعد عن المواتر الجديدهـ الي تقول مأدري وش أسمها الاوريون وهـ الطقه

تراهـ جديدهـ وماتدري وش فيها

ياتشتري موتر عليه الكلام ولا تخمبق في المواتر يعني موتر يعرفه كل الناس

هـذي نصيحتي ـا

**الوااافي** · 18-09-2007, 12:18 AM

هلا بيك يا أكوردي

وبصراحه اعجبني اختيارك للأكورد والأوريون

بالنسبة للأكورد بتكون أرخص بمواصفات أفضل من الأوريون كلامي ما يشمل المكينه لأن الأوريون 6 سلندر والأكورد 4 لأن الميزانيه محدوده بــ85 ألف عشان كذا الأكورد 6 سلندر بتعدى حدود الميزانيه وحاول قدر الأمكان تجرب الثنتين واللي ترتاح لها أكثر توكل على الله واشترها

(( والحل الأفضل استخير الله وتوكل عليه ))

**الاكوردي** · 18-09-2007, 12:23 AM

عاشق الهوندا اكورد وش سالفتك مع الهوندا احس انكـ ما تنصح في الاكورد<<يمكن مسوي مشاكل معها؟؟؟

الدرجه الثانيه مواصفاتها:

Aurion - GLX
فتحة سقف ، بدون تخشيبة ، بدون جناح

والفل مواصفاتها :
Aurion - GRANDE

فتحة سقف ، تخشيبة ، جناح ، شاشة

ويعطيكم ربي العافيه..,,

**يامطنش** · 18-09-2007, 02:45 AM

المشاركة الأصلية كتبت بواسطة الاخطبوط

85 ألف تجيبلك اكورد 4 سلندر فل كامل جلد لكن على فكرة الشكل بيتغير كليا لموديل 2008

واشوف ان الاكورد افضل اختيار لك وللزمن مع ان الأوريون حلوه وماكينتها قوية وفيها نظام ملاحه لكن سعرها فوق الميزانية اللي انت حاطها

الألتيما سيارة مافيها الا قوة ماكينه وبس ولا من ناحية ديكور داخلي وطول عمر فإنسى الموضوع

حسام اختصرها لك

**The Stig** · 18-09-2007, 01:24 PM

المشاركة الأصلية كتبت بواسطة الاكوردي

عاشق الهوندا اكورد وش سالفتك مع الهوندا احس انكـ ما تنصح في الاكورد<<يمكن مسوي مشاكل معها؟؟؟

الدرجه الثانيه مواصفاتها:

Aurion - GLX
فتحة سقف ، بدون تخشيبة ، بدون جناح

والفل مواصفاتها :
Aurion - GRANDE

فتحة سقف ، تخشيبة ، جناح ، شاشة

ويعطيكم ربي العافيه..,,

اخوي انا موضد الهوندا ولا شي
,,,
اصلا كان عندي اكورد 2006 سبشل ,,,,

انا ضد الاكورد لانه انتهى سوقه وانتهى زمنه ولازم يتغير الان ,,,, هذي وجهة نظري ,,

اما الاريون موديل جديد وحلوة ,,,, ومكينة 6 سلندر يالغالي

يا انك تنتظر لل 2008 ,,, او انك تحب السته سلندر ,,,,

ماودي اشتتك بس هذا رأيي ,,, يعني لو كان عندي 85 الف ,,, والله ماخذ اكورد في هذا الوقت ,,,,

تحياتي