الموضوع: وكالة عبدالله هاشم .. وقعت في مأزق

شلون انوار الضباب تحديدا انتهت
ووشلون اللي يوقف بحلوقهم يركبون له انوار ضباب وهي مخلصة على كلامك
والجناح والمسجل موجودين برضوا على كلامك

في أي مدينه,وبأي فرع...
صديقي طلع أكورد لوحته ي ط ك سبيشل وأعطوهـ الإكسسوارات لأنه مايبي يركبها...في فرع خريص...هذا الكلام قبل كم يوم...

شركه عبد الله هاشم فاشلة بمعنى الكلمه قهر وبي المشكله هي الوكيل الوحيد مافيه غيرها بالسعوديه

مشان كذا شغلهم غالي

احد الزبائن واجه مشكله معاهم عطوه الاكسسورات وقالوا ركبها انت

قال انا شاريها من عندكم قالوا نركب لك الكشافات بس 300 والمسجل ب200
والجناح ماادري بكم قال

انا اللي قاهرني لما جيت بشتري اكسسورات قالوا موقفه عن البيع


ليش طيب قالوا عشان العرض عذر اقبح من ذنب

والله ياجماعة
الحال ما يبشر بخير
وبصراحه جاني خبر قبل يومين يقول انه لسى فيه عندهم
كميه مو بسيطه وانه على نهاية رمضان او بعد العيد راح يكون فيه تنزيلات
في السعر
وكلام الشباب اكد الخبر
لانه اذا خلصت الاكسسوارات

راح يسوي تخفيض في السعر

(كيف انفع محلل اقتصادي):d

الظاهر شكلنا ما بعد شفنا شي

انا الحمدالله كل شي عندي تمام>>>>اشعندة الذكي هع هع هع هع
ومشكور على النقاش

وما خفي كان اعظم.

قبل امس كنت بالوكاله بطريق خريص قالي كل الاكسسوارات خلصت

قهههههههههههر

كل الشكر يا أخوان ..

ودّي أخصص الردود لكن الموضوع لإعـطى معلومة ويـكون الزبون عندهـ خبر باللي صاير
شيء طـبيعي إن الإكسسورات تنتهي لكن لا تـترك مسؤول مبيعات ضايع في السالفة ..
ويبـيع على أساس إن السيارة كاملة ..

يعني حصل موقـف قبل أيـام جاء عـميل ( ... ) مرموق المنصب وطلب Accord v6
وكل شيء تم ولمّا جاء ثاني يوم يتـأكد من وجـود اللون قاله الموظف المحرج إن اللي حصل
كذا وكذا وللأسف إن أنوار الضباب ماهي موجودة ..!! فالرجال طلب إلغاء الطـلب
وقال : إذا أول تعاملكم ..!! وش راح يصير معي بعدين وكـّمل الموظف ثاني يوم وقاله : أنا اشتريت
لولدي لـكزس GS وماتفرق معي القيمة لكن حصلت ناس تتعامل معي صح

عاد هذي وكالة

عادي بكرا يسكرون ولا ندري وينهم

زي شركات التأمين:d

أبو عزوز - قـلب الليل - JUVENTUS - مـلك بلا ممـلكة - accord2002 - Mohd 2007
- أكـوردي ـ 2004 - أكورد 2007 - o k r - يا مـطـنش - م م و 755 - المـسافر - متواضـع

^^^^^^^^^^^^^^^^^^^^^^

والله من جد شكلك جايب العيد

أخوي أكـورداوي ..

أنا اختـلف معك في عـذر الوكـالة .. إن المدة ما انتهت لأنـك قاعد تنزل إعـلان يومي في الصحف
ولا أجـلت المدة ولا وضـحّت للزبون ليش تحرجه وتضغط عليه وبعد ما يدفـع العربون أو يسدد
المبلغ كامل ويجي الإستلام تطلـع له السيارة ناقصه !!! هـذي قلة إحترام ولا مبالاة من الوكيـل

وبالنسبة للخصم يحق لأي واحـد لو يشرط على الموظف إنه يطلب خصم من مدير المبيعات
أو مدير المعرض يدبر له هالشيء ولعلمك كل سيارة فيها حد أقصى للخصم .. عندك مثلاً
الأوديسي يقدر مدير المبيعات يخصم للزبون إلى 3000 ريال .. لكن للأسف ربعك السعوديين
يسألون : فيه خصم ؟ يقولون له : لا .. يسكت ولا يفتح فمه والمدراء خصموا لقرايبهم
ومعارفهم وأنت يالعميل المحترم ادفع ولا تفـتح فمّك بكلمة ونستكثر على أنفسنا خصم او أصلاً
حق من حقـوقـك لأنـك تشتري من الوكيل وتارك المعارض والموزعين .

يا اخوي والله أنك صادق ,
أنا اشتريت سيارة من المعارض أكورد 2007 متحمس مع العرض , يوم طلعتها قالو سيارتك جديدة مالها اكسسوارات , تطاقيت معهم وراحوا اتصلوا على الوكالة , الوكالة قالوا الاكسسوارات خلصت , قالي صاحب المعرض راح نعطيك الفين ريال يا انا يا الوكالة , بس صراحة انا ما ودي بالالفين ودي بالاكسسوارات , بس الله يعين ,
هل تعرفون بديل جيد لاكسسوارات الوكالة , اللي أبغاه المسجل والكشافات , ما أبغى الجناح وكم تكلف ,
أعذرني على الاطلة وهذي أول مشاركة لي هنا ,, :d

والله المسجل والكشفات الاصليه غاليه فيه عروض هنا لي شباب عندهم اكسسوارت جديده يمكن تلاقي غرضك

طيب هل التجاري زين , أو لازم أشتري أصلي ؟

والله ما ادري عنها لن مالي خلفيه في الكسسوارات فيه عندك اقسام مخصصه تقدر تسال ونشالله الي عندهم خبره ما يقصرون معاك;) تقبل تحياتي

انا باعتقادي انهم ما وقعوا بمازق ولا شي ينزل اعلان ان العرض انتهى وخلصنا