عرض للطباعة
عن أذنك يامحمد أبرفع الموضوع عشان يستفيد أعضاء أكثر لأني أنا أمس ركبته والله فرق عن المشلان الي على البلد من ناحيه الصوت والرساوه والمنعطفات وشكله مره حلوووو وأنا أنصح الي يبي يركب وجنوطه مقاس 16 أنصحه بـــ 16/55/215 شكله مره أفضل من شكل البلد والله الموفق...:cool:
يسلمو وووووووووووووووووووووووووووووووووووووووووووووووووو وووووووووووووووووووو
تقرير رائع اخوي الغالي
الله يعطيك خيرها و يكفيك شرها
مجهود تشكر عليه اخوي فريد
انا جنوطي مقاس 15 هل لو ركبت اي مقاس اخر يضر بالسياره او يقلل من رساوتها وثباتها ام العكس؟
وايش تنصحني فيه للعلم معاي هوندا كورد موديل 2004
والله يعطيك العافيه ..
واللي يبي يركبها على جنوط 17 وش احسن مقاس؟؟؟
هههههههههههههههههههههههاقتباس:
رجاءاً .. اللي ما جرب لا يتفلسف !!
والشعب السعودي فيه ميزة : دايماً يمشي على مبدأ (مع الخيل يا شقرا) وهذي اللي يخلي 70% منهم معهم سيارات تويوتا وجوالات نوكيا .
كفرات باين عليها انها ممتازه وانا اهم شئ عندي الرساوه
بس بغيت اسالك كم سؤال
1: وش الاقسى في المطبات هي ولا شد البلد الميشلان ..؟
2: وبالنسبه لصوت السكه هي ولا شد البلد الميشلان ..؟
3: واذا دعست تفحط واجد ولا وش وضعها ..؟
4: وكم تتحمل سرعه ..؟
وشكرا لك اخوي :d
على فكرة ترا اسمي محمد مو فريد بس الله يجازي اللي كان السبب ونشب الاسم فيني !!
:rolleyes:
المهم .. كل ما زاد مقاس الجنط والكفر كل ما زاد الثبات والرساوة
بس لازم تحسبها صح عشان ما يكون فيه ضرر على السيارة او بالاصح عشان ما يقل اداء السيارة
يعني لو ركبت جنوط وكفرات مقاساتها اكبر من اللي تتحمله السيارة بتلاحظ ان العزم بيقل بشكل ملحوظ
وعشان يحلون المشكلة هذي في السيارات الرياضية صاروا يصنعون جنوطها من معادن صلبة وفي نفس الوقت خفيفة الوزن
بالنسبة لسيارتك ممكن تركب مقاس 15/55/205 بس المشكلة شكله بيطلع صغير وغبي ولا فيه مقاس افضل لان هذا اكبر مقاس متوفر للجنوط الـ 15 . فنصيحتي لك انك تصبر حتى تغير الجنوط بمقاس اكبر او تشوف لك نوع ثاني من الكفرات ..
مقاس الوكالة للاكورد 2008 وطالع ممتاز ومناسب جداً 17/50/225
واذا شايل هم المطبات والحفر ممكن تزيد الارتفاع شوي وتركب 17/55/225
ولمعلوماتك .. كل ما قل الارتفاع كل ما زاد سعر الكفر يعني الـ 50 اغلى من الـ 55
اقولها لك وبكل اختصار .. تبي رساوة بسعر معقول مالك الا الادرينالين
اما اذا كنت كاش فلا تشتري الا بريللي !!
;)
اجوبة اسألتك :
1: سمعت بالمثل اللي يقول ما اخس من قديد الا عسفان ؟! :d
كلهم زي بعض بس يكون في علمك ان السبب الرئيسي لقساوة الاكورد على المطبات هو نظام التعليق (المساعدات + اليايات)
2: في الهدوء الادرينالين افضل بكثير من الميشلان
3: كل الدعاية والحفلة اللي فوق وبعد تسأل هي تفحط واجد ولا ولا ؟!
الكفرات ما شاء الله من الثبات اللي فيها بتتعبك حتى تخليها تفحط
4: تتحمل حتى سرعة 270 كم/ساعة
أشكرك أخوي محمد على جهدك .. وتعاونك
سؤالين لك وللي ركبوها :
س1: من وكيلها في الرياض ؟ وكم رقم هاتفه ؟
س2: أفضل مقاس لجنط الوكالة(أكورد2006) مقاس 16؟ واذا أنت مركبه ماهو انطباعك عنه؟
وتحياتي لك و للجميع :) ..
اسمحلي اخوي،،
بس ممكن جنوط ١٥ تكون اثبت للسيارة من جنوط ١٨، تقلي ليش؟!
لانه يعتمد على عرض و اوفسيت الجنط، ممكن عرض ابو ١٥ يكون اكبر من عرض ال١٧....و بالعكس الجنط الصغير اخف و اسهل التحكم به بالنسبة للسيارة، و لهالسبب سيارات التراك تختار الجنط الصغير ابو عرض كبير و تركبه بتير عريض،،
حبيت اوضح بس، و يعطيكم العافية،، ;)
طيب شكل الدعسة حقت الكفر زينة ولا بايخة؟؟
ومشكور يا اخ فريد :d:d:d
ج1 : وكيل بريجستون في السعودية كلها مؤسسة الطلائع
الرياض فيها فرعين وهذي ارقام تلفوناتهم :
الملز (بالقرب من بنده ومصنع البيبسي)
014763691
طريق خريص (جنب محطة الدريس ، مخرج 30 ، مقابل بغلف للمقاولات)
012094477
012329425
ج2 : افضل مقاس للاكورد 03 - 07 بجنوط الوكالة هو 16/55/215
جنوط سيارتي مقاسها 17 لكن بإسم كل الشباب اللي ركبوا المقاس اللي اعطيتك احب اقول لك توكل على الله ركب ولا تشاور
وان شاء الله يقرون كلامي ويفيدونك بكل اللي تبيه
كلامك صحيح يا بعدي واشكرك جزيل الشكر على الافادة
بس من ناحية عملية ما اعتقد انك بتركب على سيارتك جنوط 15 وكفرات عريضة عشان تتمشى بها في الشوارع
:rolleyes:
هذي صورة النقشة يا اخ دريشة مفتوحة << :p
شوفها واحكم بنفسك .. وتراها على الطبيعة غير !!
;)
http://www.hondaarabia.com/club/imag...1d0967b50f.jpg
بعد مرور أكثر من سنة تقريبا على إستخدامك للكفر لانه الموضوع قديييم
هل لاحظت تغير او عيوب في كفرات البوتنزا
^^^
وتجربهـ أكثر من ثلاثة أطقم .. وأكثر من مقاسات ..
يعني الرجال جرب أم أمها .. وصارت بينهم عيش وملح :d
بنتظر كاتب الموضوع للتعليق
مع إنه كتب رأيهـ بعد التجربهـ على فترات .. يعني خلال السنة كتب رأيهـ كم مرررة :)
مشكور يا غالي على المجهود
ابصراحة شباب انا جننوني الكفرات كفرات الوكالة كانت دونلوب المهم بعد فترة استخدام قامو يطلعو صوت بدلت الى دونلوب
ونفس القضية والي مدهشني انه يبوز بعد فترة يعني يطلع فيه نفخ في الخلف انا ابصراحة احلل ابوه يعني يوميا مرتين الخبر رايح جاي من القطيف واقل سرعة 160 وبدلت جربت سامتومو وبوز اربع الكفرات ههههههههههه ورجعت دونلوب ونفس القصة وقلت ببدل الى بيرجستون والحين اتشجعت وراح ابدل ابي احد مجرب ما ابي كلام وبس وصراحة شرح كافي ووافي
وعلى فكرة وياي شخصين ورا يمكن يكون الحمل اله دور بس شخصين بلخلف مو ضغط عشان اتبوز الكفرات وهاذا الشي معجبني
الهوندا مفصل ورا واذا مشيت سرعة عاليت تفوشح الكفرات وفي وياك اشخاص ورا انا اتوقع يمكن هذا سبب بس في المرة الجاية براعي مسئلة الحمولة وبشوف ونصيحة يا شباب ترا عبدالله هاشم نصاااااااااااااااااااااااااااب ولا أأمن في اختياره
وانا في رايي اسئل مجرب وفقط كاني مصختها بلفلسفة المهم سلام يا حلوين
السيارة اللي كتبت عنها في بداية الموضوع راحت تشليح قبل ما ينتهي عمر الكفرات اللي عليها
وفي سيارتي الحالية توني مركب الطقم الثاني من اسبوعين تقريباً
خلاصة الكلام .. ولله الحمد ما واجهت اي مشاكل من الادرينالين وماني مركب غيرها حتى يصنعون افضل منها او يجي اليوم اللي تسمح لي فيه الميزانية على اني اركب كفرات بريللي !!
بس فيه ملاحظة مهمة جداً احب اذكر الجميع بها وهي تدوير الكفرات كل 10 او 15 الف كيلو
التدوير يخلي المسح متساوي على كل الكفرات ويساعد في اطالة عمرها
معلومات قيمه جدا والنصيحه من مجرب خير من الف طيب على قولة المثل
تم تركيب الطقم الثالث ولله الحمد والمنة ،،، قبل 4 ايام ،،،
الطقم الاول للأكورد 2006 اذكر كان بحدود 1780 ريال
الطقم الثاني للفورد بحدود 1800 وعليها
الطقم الثالث للأكورد 2100 ريال ،،
سؤال بريئ ،، تظنون اني قاعد واستمر في دفع هالمبلغ اللي قاعد يزيد في شي ما يستاهل ؟؟
والله لو صار الكفر الواحد بـ 1000 راح استمر في شراءة لين مايكتب اخوي B Unique عن تجربة جديدة مع كفر جديد وعندها اعلن اعتذاري عنك يا بوتنزا !!! لكن ،، عندي احساس ان القادم بعد بوتنزا سيكون ايضاً من بريدجستون ...
:d
<~ الولد ما يدري وش يقول كل يوم ويتحمس عشان يركبها ،،
المشكلة لما توفرت الميزانية ورحت لهم قالوا ان الموجود عندهم مخزّن اتوقع من 2007
مما ادري هل اركبها ولا اركب اذا نزلوا دفعه جديدة ، ؟!
مادم قالو مخزن افضل اتركه وانتظر
او شف غيرهم
الله يعطيك العافيه كان ودي اغير كفراتي ذا المخيسه
فالكون والله واقتنعت بالكفرات الي انت عارضها لاني كنت محتار
تسلم ياقلبي وماقصرت
تقبل مروووووووووووووووووري
أول شيء أشكر أخوي محمد على موضوعه هذا إلي فيه فايدة لشباب المنتدى وإلي من خلاله نتعرف على نوعية ممتازة وهادية إلى هي أحسن من الميشلان حق الوكالة إلي كله صوت وإزعاج ومن هذا المنطلق سوف أخوض تجربة مع هذه الكفرات وسوف أطرح رائيي بعد تركيبها إنشاء الله عما قريب .....وعلى هذا المنطلق زرت اليوم فرع مؤسسة الطلائع إلى هي وكيل برجستون في بريدة وسعرت الكفرات عندهم وكان فيه خصم بداية من هذا الشهر ولا أعلم مدة نهاية هذا العرض والعرض يشمل جميع كفرات برجستون وسألت عن التورنزا والبوتنزا مقاس 16/55/215
وسعر التورنزا مع الترصيص والتركيب / 1986 ريال
وسعر البوتنزا مع الترصيص والتركيب / 1966 ريال
وهذه الأسعار لان عليها عرض فا إلي نوي يلحق على هذا العرض وإنا سوف أخوض التجربة مع التورنزا لانه نصحني فيها لانها هادية ومريحة وهذا هو المطلوب .........
أحد يفيدنا كم سعر الأدرينالين للأكورد 2008 جنط 17؟ ووين نحصله بالدمام أو الخبر أو الأحساء؟ وبالنسبه للمقاس هل مقاس الوكاله متوفر .. (225/50/17)؟
وبس .. وشوووكرن
والله شكلها كفرات ممتازة