وش رايكم ...

[متواضع]

في واحد من الشباب يبي يشتري سيارة

قال وش رايك وش أشتري سيارة

قلت له كم حدودك

قال حدودي 100.000

فقلت له
خذ لك أكورد V6

سعرة 92.000

والموتر كشخة ومافي مثله

تتوقعون وش رد علي

قال
أدفع 92.000 في كومة حديد مافيها ميزة صح

قلت من يقول مافيها ميزة صح

جيت قلت له المواصفات هذي

الأكورد فل كامل V6
ياباني%
3.00 يولد 250 حصان
جنوط 16 كروم
قير اتوماتيك 5 سرعات
6 أكياس هوئية
تحتوي على نظام ABS وVSA
طبلون ليزر
مثبت سرعة
مسجل 6 سيديات
مكيف الكتروني مزدوج
اشارات على المرايات الخارجية
اسطبات خلفية LED
تحكم بالريموت عن بعد وبالنوافذ ايضا
درجة حرارة
مراتب جلد

قال هذي تقول عنهن مواصفات

قلت له أجل وش تبي مواصفات ياطويل العمر

قال لو أبي أدفع 92 ألف زدتها أربعة الاف ودفعت في هذي السيارة

الي مواصفاتها

V6 3.5 يولد 268 حصان
جنوط 17 كروم
قير أتوماتيك 6 سرعات
8 أكياس هوائية
تحتوي على نظام ABS وEBD وVSA
وجود درجة حرارة
طبلون ليزر
مثبت سرعة
مسجل 6 سيديات مع تشغيل MP3 وWMA
مكيف الكتروني مزدوج
اشارات على المرايا
اسطبات خلفية LED
تحكم بالريموت عن بعد والنوافذ وفتحة السقف
درجة حرارة
مراتب جلد
أنوار عدسات و زنون
كشافات بالصدام
جناح خلفي
بلوتوث
فتحات للمكيف بالخلف
حساسات أمامية وخلفية
منظفات للأنوار الأمامية
ستارة خلفية كهربائية تنزل ألكتروني عند الرجوع للخلف

وهذي الميزة الي من جد تسكت
نظام الدخول الذكي للسيارة بدون استخدام المفتاح

تشغيل السيارة باللمس

فقلت له اصبر ل2008 وتشوف

توقعون تبي تنزل نص هذي المواصفات؟؟؟

لأنه من جد كان ماجت بالمواصفات هذي فأقول الي يشتري

أكورد بالسعر هذا

مجنون

[Accordi 2007]

والله شوف انا ما عندي فكرة وش هي السيارة الثانية اللي يتكلم عنها بس ما ادري ليش عندي احساس انها تويوتا اوريون او افالون
على العموم انت شوف السيارة الثانية وين مصنعينها وتعال احكم
لانها لو كانت تصنع في اليابان راح تختفي نص المميزات اللي يقول عليها مع احترامي الشديد

[just 4 u]

قال
أدفع 92.000 في كومة حديد مافيها ميزة صح

معاهـ حق بصراحة أنا أقف بصف خويك هالمرة .. زين يا متواضع

[و ى ل السعوديه 8 5 5]

أدفع 92.000 في كومة حديد مافيها ميزة صح

انامعاه بصراحه لاني كرهت الاكورد ...

[أبو عــزوز ..]

فأقول الي يشتري

أكورد بالسعر هذا

مجنون

وليه مجنون .. فيه الناس أذواقها تختلف .. يعني عندك ناس يهمها التصميم الخارجي والدخلي للسيارة .. وناس يهمها القوة والعزم .. إلخ ..


على ما أعتقد إن خويك يقصد أفلون .. وأنا معاهـ .. بسـ تكون فل أوبشن ..
وإلا ياخذ أكسنت أحسن من أفلون ليمتد .. :p

[The Stig]

انا مع خويك ,,,,
بصراحه كلامه زينة العقل !!!!!

[mohd_2007]

متواضع كيف حالك
انت مسوي لغز وتبغانا نجيب حله ولا كيف؟

لكن خويك اذا يقصد الاوريون فسعرها 106 الف ريال تقريبا

واذا يقصد الافالون فسعرها في حدود 120 الف على ما أظن

ولاكورد ياباني 100% وسعرها 91 او 92 الف

يعني فيه فرق في السعر مايقل عن 14 الف ريال

[يامطنش]

والله انا لو معي 100 الف بروح اشتري سياره الامانيه على طول واول سياره بتجي في بالي فلوكس واجن با سات خياليه والاكورد v6 حلوه واحسها تستاهل سعرها على جودتها وشكله الموصفات مشكلتها الوكيل ينقص في المواصفات لتقليل سعر التكلفه من المصنع
والربح العالي وبرضو اذا جابها بي جميع المواصفات راح تكون غاليه وبكذا محد راح يشتريها
فا اشوف الموصفات الي يوفرها جيده نوعن ماء لكن نقول اشالله يوفرون اكسسوارات افضل

[أبان الطباع]

هنا لنا وقفة ! :
أرى أن الناس تختلف بالمتطلبات، لذلك لا تستطيع أن تقول عن صديقك بمجنون ولا من يشتري الأكورد كذلك ، فلكل منهما طلبه الخاص الذي يراه بالسيارة التي يرغب بشرائها.

أنا بشكل عام متعلق بالهوندا إلى حد كبير لا أعلم مالذي يجذبني لها إلى هذا الحد، لكن بالنهاية لكل ميزانيته الخاصة، فإن وصلت الميزانية لفوق الـ 100 ألف ريال حينها لا مانع من البحث عن سيارة أفخم من الهوندا لتلبي الفخامة المطلوبة بهذا المبلغ.
لكن هل تكفي 100 ألف للحصول على سيارة فخمة فعلاً ومواصفات كالتي كتبتها أنت، لا أعتقد ؟! لأنها ستجمع مواصفات جميلة جداً لكن مستحيل أن تكون واحدة من السيارات المشهورة بالفخامة مثل بي إم ومرسيدس ومثيلاتهما، لأنه بتلك الحالة لن تجتمع قوة المكينة مع المواصفات المذكورة، لذلك باعتقادي أن السيارة التي اختارها صديقك لا تتجاوز هوندا بالفخامة لكن بالمواصفات فقط، كنت نصحت سابقاً بالأفالون أحد الأعضاء بدلاً من الأكورد ودون تردد بوقتها، لكنني وبعد مراجعة نفسي رأيت أن الأكورد أفضل بالنسبة لي، خاصة مع الشعبية التي حصلت عليها مؤخراً، والتي تثير الإعجاب فعلاً وخير دليل قسم البيع والشراء لدينا، شاهد الأسعار التي تباع بها وقارنها بأسعار الشراء، ستجد أنها محافظة على سعرها أكثر من أي وقت مضى بالنسبة لهوندا !.

طبعاً كل ماكتبته مجرد آراء شخصية بحتة

[CR-V]

انتشار السيارة لوحده أمر عظيم، فكلما زاد انتشارها أصبح أسهل وأسهل توفير القطع وصيانة السيارة وبيعها أو حتى شراؤها...

أذكر صديقاً لي مرة كانت لديه سيارة ألمانية طلعت روحه معها! كلما ذهب عند ميكانيكي ينظر إليها برعب ويقول: يا إلهي إلا هذه! معقدة جداً ولا أفهم فيها!
هذا غير صعوبة إيجاد القطع التجارية!

[متواضع]

مشكورين على تفاعلكم بالموضوع

وأقولكم إن هذي السيارة هي أوريون بدون شاشة ملاحة

وأنا ماصدقت ان فيه كل هالمواصفات الا بعد تأكدي من الذهاب الى فرع وكالة تويوتا

وقال الموظف المختص أنه يوجد فيها مواصفات لن تعرفها حتى تستخدمها

فهل 96.000 كثيرة على كل هذه المواصفات

مع الخدمة الممتازة التي تقدمها الشركة

ولا تنسى انه يوجد ضمان على السيارة حتى المئة ألف

ولا تنسى أسعار قطع الغيار

ولا تنسى السعر المرتفع عند البيع

وأتوقع أن كل هذه الأسباب قد تكون في صف تويوتا

كنا من قبل نقول ان الاكورد متفوقه على الكامري وهذا الكلام صحيح

ولكن هل ستتفوق في 2008 على الاوريون

علما أن السعر متقارب

؟؟؟؟

أترك لكم الأجابة

[يامطنش]

ننتظر 2008 ونشوف اليوم الخبر بفلوس اذا نزلت اكورد 2008 بي بلاش

[متواضع]

مشكور على مرورك

ونحن في الإنتظار

[أبان الطباع]

من ناحية المواصفات لا أعتقد ستتفوق !
وبالمناسبة: جواباً على توقيعك لا أعتقد أن الأكورد ستأتي بشاشة ملاحة، وأنا شبه متأكد

[mohd_2007]

هنا لنا وقفة ! :
أرى أن الناس تختلف بالمتطلبات، لذلك لا تستطيع أن تقول عن صديقك بمجنون ولا من يشتري الأكورد كذلك ، فلكل منهما طلبه الخاص الذي يراه بالسيارة التي يرغب بشرائها.

أنا بشكل عام متعلق بالهوندا إلى حد كبير لا أعلم مالذي يجذبني لها إلى هذا الحد، لكن بالنهاية لكل ميزانيته الخاصة، فإن وصلت الميزانية لفوق الـ 100 ألف ريال حينها لا مانع من البحث عن سيارة أفخم من الهوندا لتلبي الفخامة المطلوبة بهذا المبلغ.
لكن هل تكفي 100 ألف للحصول على سيارة فخمة فعلاً ومواصفات كالتي كتبتها أنت، لا أعتقد ؟! لأنها ستجمع مواصفات جميلة جداً لكن مستحيل أن تكون واحدة من السيارات المشهورة بالفخامة مثل بي إم ومرسيدس ومثيلاتهما، لأنه بتلك الحالة لن تجتمع قوة المكينة مع المواصفات المذكورة، لذلك باعتقادي أن السيارة التي اختارها صديقك لا تتجاوز هوندا بالفخامة لكن بالمواصفات فقط، كنت نصحت سابقاً بالأفالون أحد الأعضاء بدلاً من الأكورد ودون تردد بوقتها، لكنني وبعد مراجعة نفسي رأيت أن الأكورد أفضل بالنسبة لي، خاصة مع الشعبية التي حصلت عليها مؤخراً، والتي تثير الإعجاب فعلاً وخير دليل قسم البيع والشراء لدينا، شاهد الأسعار التي تباع بها وقارنها بأسعار الشراء، ستجد أنها محافظة على سعرها أكثر من أي وقت مضى بالنسبة لهوندا !.

طبعاً كل ماكتبته مجرد آراء شخصية بحتة

تسلم يمينك
اما بالنسبه لسؤال الاخ متواضع
فلن يكون هناك شاشة ملاحه لانه سيكون السعر مرتفع
بحسبه بسيطه لن يكون سعر السياره 6V اقل من 110000

[BLK]

الأكيد إنها أوريون

و كلامه عين العقل

شوفوا لومينا LTZ 2008 فل كامل

جلد فتحة مكينة ستة سلندر مثبت سرعة تحكم بالصوت من الدركسون هذي الي تشترك مع الأكورد ...

بالإضافة إلى :

جنوط 17 ، شاشة معلومات ، كمبيوتر رحلات كامل يظهر إستهلاك الوقود و معدل الإستهلاك و عداد سرعة إلكتروني ، dvd في الخلف :( ، نظام ملاحة ، كشافات شد بلد !! ، أنوار مكحلة ، حجم أكبر و أضخم ، تشكيلة ألوان أوسع و درجات أحلى ، مسجل 6 سيديات مع mp3 :( ، حساسات ، هذا غير أنظمة الأمان و السلامة الجديدة !!!!

فوق هذا كله في 4 وكلاء للسيارة و سهلة الصيانة و دفع خلفي !!!!!!!!!!!!!!!

بنفس سعر الأكورد !!!


و بعدكم تقولون أكورد :(

[ـبطرانـ2005ــ]

الناس اذوااااق



وعلى فكره


29.000 احطها في افلون2005 ولا اكورد 6v

[الاخطبوط]

باذن الله الاكورد 2008 بتكون قد المنافسه ولاتنسون ان الشكل الحالي هو بنفس المواصفات من 2003

المواصفات اللي عليها الكلام كلها متوفره بالاكورد بالخارج لكن هل وكيلنا الموقر بيطلبها ويوفرها للعملاء بسعر معقول للمنافسه مع السيارات الاخرى من نفس الفئه

صبركم شوي وان غدا لناظره لقريب

ولاتنسون ان لكل واحد هدف من استخدامه للسيارة ولا وش يخلي الواحد يدفع حول 100 الف عشان يشتري شاص (اللاندكروزر الحوض لغير الناطقفين بالعربيه :d) وهو ماله الا فائده وحده واستخدام لغرض واحد

[متواضع]

مشكورين على مروركم جميعا ونحن في انتظارها على أحر من الجمر