شركة تويوتا شركه ركيكه واول مره في حياتي اسمع بها
فوبيا توويوتا :d
المشاركة الأصلية كتبت بواسطة Accord_2005
حياكم جميعاً و الله لا يجعلنا نشتري من تويوتا
<< اللهم آمين
هههههههههههههههههههه احلى رد شفته ردك صراحه ما ادري وش تحس فيه بهالتبريرات يعني هل انت شغال بشركة تويوتا ومثلاً على كل رد تدافع فيه عن تويوتا لك جزء من ارباح الشركة :d
طيب من ناحيةراعي الكامري ودواسة البنزين حقته انت تقول انه نصاب طيب يعني تقريباً مطلع الكامري حدود 80 الف (على حسب ما شفته في القطع كأنها فل اذا ما خاب ظني )
طيب هل بيسوي هالحركة ويعدم مكينته عشان يلفق على الشركة :d طيب مثلاً كان يبي يلفق وش مستفيد من هالكذب ؟ هل بيجيه فلوس من ورا هالحركة
وثاني شيء معظم راعين الكوامري يقولون المشكلة من الفرشة انها تعلق في الدواسة وجابوا مقطع اجنبي ومدري وشو
المقطع الاجنبي جابوا فرشة الكامري الرياضية يلي تجي سميكة مهب السياحي يلي تجيك مثل الكيس من نحفها يعني المشكلة عيب مصنعي بالموتر
وعلى فكرة يوم تقول انه الوحيد يلي صارت له هالمشكلة وش دراك ممكن فيه ناس صارت لهم
ومن ناحية الكامري الثانية انا ممكن اتفق معك انه تلفيق لانه فعلا الموديلات القديمة مافيها هالعيب المصنعي
ومن ناحية ابوجميل ترا ما فكر في الخلق يلي يشترون من عنده لو تحترق مواترهم لان الرجال ضامن ان حماية المستهلك و وزارة التجارة محد منهم بيسوي له شيء
وبخصوص وارد البريمي ولا علي عبدالله صالح انا وش دخلني الشركة يلي اللعب منها مهبمن الوكيل وممكن تجي على الوكيل في المسجلات و الجنوط و الفلشرات ..... يلي يركبها ابوجميل
وعموما ترا كل الشركات فيها عيب مصني يعني عادي لا تتدمر اذا مثلاً كان عند تويوتا عيب مصنعي هوندا مثل ما انت عارف شركة قوية وحالياً بدأت تتقدم على تويوتا بمراحل ولكن فيها عيوب مصنعيه وحنا الان بالتعاون مع العضو دنيا الغرور الله يعطيه العافية بنرفع خطاب لوزارة التجارب بسبب هالعيب عشان يحلون لنا المشكلة بالتواصل مع الشركة الام مثل ما هو صاير بالدول المتقدمة و المصحصحة لحماية الزبون او المواطن
بس تبي الصراحة عيب مصنعي عن عيب مصنعي يفرق :d << يبي يشبها :d
و الله يحمينا من شر موترنا ومن الحوادث
الحين كل ما جا واحد و تكلم بالموضوع قلتم عليه شغال بالوكاله !!!!؟
والله عجيب امرك صراحه
ياخي بالعقل وحنا مجربين و عارفين لمشكلة الدواسة و ايش سببها
و اكيد راعي الكامري صارت له نفس السالفة بسبب الفرشة و لكن اول ما درا عن اللي صار بأمريكا اشتغل تلفيق بالمقطع ..
اجل تقدر تقول لي وينه من قبل و ايش معنى طلع بهاللحظة بالذات ؟
تقدر تقولي وينه الان هل اشتكى احد او جريدة او منتديات او حتى ارجع الوكاله ؟؟
اللهم اللي سواه مقطع و من بعدها ما تدري وين راح
ياخي مثال بسيط عن الاكورد و هي طرمبة الدركسون اجي الفق مقطع و انا اسوق اقول شوفو الدركسون يلف لحاله فجأة و لا خربنان ولا اي شي .. هل هو معقول خصوصا اني الوحيد اللي صارت معاه ؟ نفس الشي مع راعي الكامري ;)
عموما انا قيد صارت لي نفس الشي و طلع من الفرشة ( طبعا اول مرة ما كنت ادري بس بعدين عرفت السبب )
و اللي ما يثبت الفرشة بالكلبسات اللي تجي معها .. ذنبه على جنبه خصوصا ان اللي يشتري سيارة و يفك الفرشة من قراطيسها يحصل تنبيه بضرورة تثبيت الفرشة بمكانها و بالعربي بعد ;)
اوووما قاتلة
يا عمي طير ما اعرفك انا ماشاء الله اكبر حاقد على تويوتا و يدور الزلة دوما و ابدا ;)
تقدر تجيب لي حالة ثانية لنفس المشكلة و لنفس السيارة ؟؟ اعتبرها تحدي مني ;)
و بعدين لازم تحترم قوانين المنتدى و تضع الموضوع بقسمه المناسب
و لو بفكر بنفس تفكيرك اجل المفروض موضوع الكامري 2012 احطه هنا لأن كثير من الشعب يمتلك كامري
المشاركة الأصلية كتبت بواسطة القايله
ان سالفة التعليق بالدعسه ليست جديده من تويوتا سواء دواست البنزين او المثبت
كثير سمعنا عنها لاكن انا اول مره اسمع عن الاندكروزر
الدواسة و قلنا السبب من ايش و الحمدلله وكالة NSCAP الامريكية ( اعتقد كذا اسمها ولا اتذكر بالضبط )
اثبتت براءة التويوتا من وجود عيب مصنعي بالدواسة بعد التحقيقات اللي صارت ;)
اما المثبت صراحة لو تجيب لي نفس المشكلة بأي سيارة لتويوتا بتكون قدع ;)
مواقع النشر (المفضلة)