اكورد فل اوبشن 2007 من الوكاله ب 83الف ريال

[znzn12]

مساء الخير جميعا وكل عام وانتم بخير

انا عضو جديد وابي مشورتكم اذا تكرمتم امس رحت لوكالة المدعو عبدالله هاشم
وسالت عن الاكورد لقيت الفل اوبشن ب 83الف ريال بعد الخصم يقاله خصم شيء الحين
والاسبشل ب 71الف ريال وال 4 اسلندر 79الف ريال انا بيني وبينكم مابي الا الفل اوبشن
ابي رايكم ومشورتكم لاخوكم وسالتهم عن موديل 2008قالوا بتكون في الوكاله بعدثلاثة اسابيع وسالتهم عن المواصفات ال 2008 اللي شفناها في الصور عبر الانترنت من شاشه
وكاميرا خلفيه قالوا لي في الوكاله انسى تشوفها بالسعوديه وحجتهم انهم اذا نزلوا هذه المواصفات بيزيد السعر عذر اقبح من ذنب

لقيت مجموعة من البنوك عندهم في الوكاله للتاجير منتهي بالتمليك موظفي بنك الاهلي والراحجي مالقيتهم متعودين ع التاخير في فروعهه لقيت موظف البنك العربي وسالته عن التاجير المنتهي بالتمليك سالته عن الفل اوبشن الي هي ب 83 الف ريال قال تطلع عليك ب 113 الف ريال حسب الراتب طبعا والاقساط خمس سنوات وبقسط شهري 1000ريال و دفعه مقدمه 48الف ريال (نص مبلغ السياره كاش)ايششششششش رايكم؟؟؟؟؟

[ل م س 3 3 4]

اخوي انتظر 2008 وماراح تتحسف ان شاء الله

[speed4ever]

مثل ما قالك اخوي ل م س 3 3 4 انتظر ما راح يظرك شئ

باقي اسبوع وتنزل

[رع ـبوب]

أنا مع الجماعه أنتظر الموديل الجديد
وما راح تندم,,,,,
((وعليك بالاستخاره))...
وبالتوفيـــــــــــق إن شاء الله,,,

[هوندااوي]

حراااااااااااااام عليك يا الشيخ 113 الف والله حرام
يعني لو تشووف بنك ثااني يمكن تلاقي فيه نسبة الاربااح اقل

بعدين اذا هذه 2007 وطلعت عليك شي بالاقسااط كيف 2008 ؟؟؟
يعني ممكن توصل 126 الف بكل رااحه

المهم لا تنسى استخاارة ربك اهم من كل شي

وتقبل كلامي

سلام

[تويتي]

اول شي اخوي استخر

ومن وجهة نظري انتظر 2008

[أبو سليمان]

من رأيي أنك تصبر حتى تنزل 2008

فـ راح يطيح سعر 2007


لكن يا أخوي

نصيحه لوجه الله احس انها صعبه الواحد يعيش 5 سنوات وهو يقعد يقسط :(

بما انك راح تدفع 48 ألف كاش

أنا اقول زد عليها شوي واشتر لك سوناتا مثلا

[فاهي هوندا]

انتظر افضلك عشان ما تلحس مخك
وكاني اشوف الوكاله منزله هذه الموصفات في210وكالاتنا وحركاتهم البايخه
ماادري يحسبون العالم الى الحين مايدري ولا يشوف وش صار برا بس وش تقول ///سجل واحد سرا وكمل اللعب