اخر الاخبار - مقابله مع مدير التسويق بوكالة هوندا الكويت

**The Godfather** · 21-10-2007, 04:28 PM

اليوم و بمبادره ملكيه مني قررت ازور وكيل هوندا بالكويت - شركة القاضي و المطوع - و اشوف اخر الاخبار اللي عنده و بما اني اعرف واحد هناك قلت ممكن يسرب لي خبر

اول ما دخلت المعرض ما اشوف الا اكوردات 2007 بكل الوانها و اشكالها و عليها عروض حلوه و مغريه

اول بحط لكم اسعار الـ 2007 و بعدين بقولكم عن الباقي :
اكورد اربعه سلندر ليمتد اديشن (اقل حاجه مواصفات ) + جنوط 15 = 4750 دينار = 60325 ريال
اكورد اربعه سلندر فل اوبشن = 5650 دينار = 71755 ريال
اكورد سته سلندر فل اوبشن = 6750دينار = 85725 ريال

(الاكودات متوفرين بجميع الالوان )
كل الاكوردات موديل 2007 عليها ضمان مدى الحياة و يسري هاذا الضمان للمالك الاول للسياره فقط و يلغى عند تغيير ملكية السياره الى شخص اخر
اللحين تعالو للاخبار اللي الكل ينتظرها :
راح تنزل موديل 2008 اكورد بيوم 6 نوفمبر و راح يرافق هذا الشي احتفال تقديمي هائل
الاسعار لم تأتي بعد بس ممكن احصلهم باول يوم من شهر نوفمبر
راح تنزل الاربعه سلندر فقط و السته سلندر راح تنزل بعد شهرين بالتمام من نزول الاربعه سلندر:p
مؤكد راح تنزل سته سلندر بنافيقيشن بالكويت بس بعد شهرين من اليوم و راح يكون النافيقيشن اختياري:d
راح تكون الشاشه موجوده بكل الموديلات;) بس ماراح يكون مثبت فيها نافيقيشن الا السته سلندر اللي طالعه من الوكاله نافيقيشن

راح تنزل الاربعه سلندر كوبيه على شهر مارس (اكيد ):d
راح تنزل السته سلندر كوبيه شهر يونيو (اكيد ):d

الاوديسي 2008 راح تنزل بالكويت باول شهر فبراير القادم ان شاء الله

**الاخطبوط** · 21-10-2007, 04:47 PM

ماشاء الله ماشاء الله

مشكوووووووووووووووووووووور BLACK_ACCORD على الاخبار الطازه

شغل مضبوط

اذا كانت الأكورد بتنزل بنافيقيشن بالكويت فان شاء الله انها بتنزل بالنافيقيشن بالسعوديه والا على وكيلنا السلام :p

بانتظارك يانوفمبر ;)

**تويتي** · 21-10-2007, 04:48 PM

مشكووور أخوي على الخبريه الحلووووووة
نشوف عبووود هاشم بينزل المواصفات اولا
يعطيك العافيه اخوي مرة ثانيه

**B Useful** · 21-10-2007, 04:54 PM

2007 ستة سلندر بــ 85 الف ريال بس !!! ياهووووووووة غير الكلام هذا ...

**The Stig** · 21-10-2007, 04:56 PM

امممممم والله انك رووووعه ,,,

اللي يبي هوندا رخيصه يروح الى عقيلوهـ ههههههههههه

**The Godfather** · 21-10-2007, 05:33 PM

^^^^^^^^^^^^ حياكم الله

**nasser400** · 21-10-2007, 06:30 PM

مشكووووووووووووووووووور

ولكن كيف حسبت سعر الدينار الكويتي لأنه = 13.43

هل الوكالات في السعودية تعترف بالسيارات الخليجية وضمانها وصيانتها

وممكن رقم الوكالة اللي في الكويت

**The Godfather** · 21-10-2007, 06:42 PM

انا حسبت باسعار الريال في الايام العاديه و معروف انه يرتفع بايام الحج و رمضان و الفتره اللي بينهم
انا حسبته بالسعر اللي اعرفه من شهر 1 (يناير ) اللي فات
كان الدينار = 12.7 ريال

لا اعرف عن وكالات السعوديه و ممكن تتصل عليهم و تسأل اذا كانو يعترفون بالسيارات المشتراة من الكويت

رقم الوكاله بالكويت :
معرض منطقة الري الرئيسي : 833334 -- 473610
اذا كنت راح تتصل من برا الكويت كل اللي عليك انك تحط المفتاح الدولي قبل الرقم
و المفتاح (00965)

**ACCORD 764** · 21-10-2007, 07:45 PM

مشكور على الأخبار الحلوة و أكيد إنشالله حسب كلمك بلاك أكورد إنها بتنزل بنافيقيشن عندكم
أجل إنشالله نازلة عندنا بنافيجيشن لأننا مواصفات خليجية .
و الصراحة الأسعار طايحة حق 2007 .
اليوم أنا نازل المعارض بجدة لقيت الاسبيشل بـ 74000 ريال وفي معارض بـ 71500

**The Stig** · 21-10-2007, 07:57 PM

^^^^^^^^^^^
اشدعوه اخوي ,,, وين اللي نزل !!!

انا اخذت سيارتي 2006 سبشل ب 71 الف !!!

النزول اللي صاير في الكويت جبار

اللي له نيه ياخذ سيارك من الكويت ,, مايواجه مشكله في الصيانه قول ليش @@@

انا رحت دبي مرة ب سي ار في 99
كان فيه عيب مصنعي قريته في جريده في دبي,,, رحت الوكاله وغيروه في دبي مجانا !!!
بالعلم السي ار في سعودي !1

**The Godfather** · 21-10-2007, 08:02 PM

علة فكره ممكن تقل الاسعار اكثر و يصير عليها عروض اكثر لان الوكيل عندنا متوهق بكميه كبيره و كل الالوان متوفره عنده
و الاربعه سلندر قير عادي ارخصهم بس مافي موديل 2007
لان لحد الان ما خلص اللي عنده من موديل 2006
و ممكن اسألكم عن السعر اذا تحبون

**هند** · 21-10-2007, 09:46 PM

السلام عليكم

شدني الموضوع بصراحــة لأني سألت الوكالة الي عندنا بالكويت وقال ان 2008 نفس 2007 ولا راح يتغير فيها شي

لكن انا اشوف الصور بالموقع ان الأكورد مختلفه

ما أدري منو اصدق

**الـمـسـافـر** · 21-10-2007, 10:05 PM

يسلمووووو حبي البي BLACK_ACCORD

اخبار فللللللله

**سعودي نيوز** · 22-10-2007, 04:07 AM

عزيزي Black_accord
اممممم بإنتظار الأسعار ولو أخذت من الكويت هل بيعترف بالسياره من ناحية الضمان في السعوديه ؟

كذلك كم راح تكلفني جمارك
:(

وكم تتوقع أسعار 2008 اربعه سرندل فل كامل

وماتقصر وبإنتظارك

**B Unique** · 22-10-2007, 04:32 AM

والله خوش اخبار وخوش اسعار ياعقيل
مشكور يا مراسلنا

ونتمنى وكيلنا يتلحلح شوي ويعدل من وضعه ويشوف وكلاء هوندا في الدول المجاورة وش يقدمون

**اكوردي 2004** · 22-10-2007, 06:30 AM

مشكووووووور على الاخبار

ان شاء الله تنزل عندنا بشاشه

**The Godfather** · 22-10-2007, 11:33 AM

يا شباب اللي يسألني اذا كان الضمان معترف فيه بالسعوديه انا ماراح اعرف .. انتو لازم تسألون وكيلكم ( عبود هاشم )
و انا سألت مدير التسويق عن وكيلكم ( عبدالله هاشم ) هل راح يتغير او اذا في اخبار عنه .. قال لي طالما انه يبيع بارباح عاليه و نسبه مبيعات عاليه ماراح يغيرونه
و انتو شايفين كيف الطلب على الهوندا عندكم
يعني سالفة تغيير الوكيل انسوها هاليومين

بالنسبه لهند :: 2008 راح تتغير و الخبر اكييييد 100 % و الوكالة بعد حاطين اعلان انهم راح يسوون مهرجان ترحيبي ضخم بمناسبه وصول موديلات 2008

**كافو2** · 22-10-2007, 11:39 AM

الله يستر علينا

**nasser400** · 22-10-2007, 02:16 PM

كلمت اليوم وكالة هوندا بالكويت ورد علي واحد من قسم المبيعات

سألته عن الاكورد الفل اللؤلؤي قال خالص من زمان وفيه الالوان الثانية ( انا ما سألته عنها لأني زعلت بعد ما قال لي ان الؤلؤي خلص )

وسألته عن الضمان قال ثلاث سنوات أو 80000 كم

اما بالنسبة لمدى الحياة قال عرض وخلص من زمان

ارجو من اللي يخبر لي فل لؤلؤي 2007 يراسلني ولكم كل التقدير

**و ص و 330** · 22-10-2007, 02:47 PM

السلاااام علييكم ....

الله علييييك يابلاك اكووورد والله اخبااار فرحتنا والله ..

الله يبشرك بالجنه زي مابشرتنا بالموعد تبع النزوووول ...

والله كريييم إذا نزلت لدينا بنفقيييشين ...

لأن على كلام واحد من الردوود يقووول الموااصفاات الخلييجيه زي بعض ...

اقوووله شف اكووورد الإمارات نازله عندهم بحساسات(على كلام واحد شايفها بأم عينه) ...

والكلام ليييس تكذيييب لصاحب الرد لكن فقط للتذكييير ان عبوود هاشم مزاااجي<<<متكي معه ...

الزوووبد ثاانكيووو على الموووضوع وكثر الله لايهيييينك ...

وسلااام

**ل م س 3 3 4** · 22-10-2007, 02:56 PM

يعطيك الف عافيه يابطل على الاخبار الطازجه

**The Godfather** · 22-10-2007, 04:23 PM

افا ... متى خلص الؤلؤي
انا امس عندهم و قالي موجوده كل الالوان ...... يمكن فئه الفل بس خالص لؤلؤي و ما ذكرها لي

بالنسبه للضمان مدى الحياة صح كلامك خالص الضمان و انا ما كنت متأكد اذا خالص او لأ

عموما 80 الف احسن 60 الف اللي عطوني اياها حق موديل 2006

اخوي و ص و 330 ... انا اكوردي طالع من الوكاله بحساسات و نفس الكلام ولد خالي بعد
و فس الكلام مره ثالثه لي لسيارتي الحاليه ( الاولى الله يرحمها )

**mohd_2007** · 22-10-2007, 09:54 PM

الله يسامحك ياعقيل
لسى ما فرحت بسيارتي وتحط الخبر هذا
اكورد اربعه سلندر فل اوبشن = 5650 دينار = 71755 ريال

انا دافع 82500 ريال يعني فرق 10745 ريال

وبكره موعد تسلم السياره

مشكور يا عقيل ويعطيك العافيه

**The Godfather** · 22-10-2007, 11:49 PM

^^^^^^^^^^^^^^^^^^^^^^^^

ما عليه و خيرها و بغيرها

و عسى انت تكرهو شيئا و هو خير لكم

**م م و السعوديه 5 5 7** · 23-10-2007, 12:11 AM

ماشاء الله اللهم زد وبارك :d
اسعار حلوة مررررررة ما تتفوت
وعقبال ما نشوف هالاسعار عند عبدالله هاشم <<

ردد

.

الموضوع: اخر الاخبار - مقابله مع مدير التسويق بوكالة هوندا الكويت

أدوات الموضوع

عرض

اخر الاخبار - مقابله مع مدير التسويق بوكالة هوندا الكويت

المواضيع المتشابهه

تقرير عن التايب آر بوكالة الكويت مدعم بـ 49 صوره !

عرض جديد من هوندا الكويت بمناسبة مرور 50 عام على استقلال الكويت

أتصالي بوكالة هوندا بالدمام واليكم السعر

منقول: حصريا مقابله مع مدير مبيعات هوندا في المنطقه الشرقيه

هوندا تطور فريق التسويق وخدمة العملاء

مواقع النشر (المفضلة)

مواقع النشر (المفضلة)

ضوابط المشاركة