شريكم بكفرات تويو Toyo ؟؟

**a_ya7ya** · 21-10-2007, 08:36 PM

السلام عليكم

شباب انا ناوي اغير كفرات هاليومين بس الاسعار ضاربة ناااار... سيارتي مقاسها 205/60/R16
انا الان استعمل بريجستون بوتينزا جي3<< الكفر مررررة ممتاز بس سعره ارتفع الحين 100 ريال عن العام انا اشتريته 320 ريال وامس سالت عن بريجستون adrenalin الجديد سعره 460 ريال!!!

الرابط
Bridgestone Adrenalin

فكرت في تويو يمدحونه الشباب يقولون خفيف على السيارة وراسي وارخص من برجستون.
انا حصلت نوع بالنت عن طريق موقع تويو اسمه VERSADO LX الموديل هذا جديد بس مدري بكم او هل هو موجود عندنا.
رابط الموقع
Toyo Tires - Versado LX™

شرايكم شباب؟
اذا ممكن رقم الوكيل بالدمام
905 الله بالخير مايفيدونك بشي

تحياتي
a_ya7ya

**اكوردي 2004** · 21-10-2007, 11:02 PM

وعليكم السلام ورحمة الله وبركاته.......

انا قبل 3 شهور اشتريت كفرات تويو مع اني مااعرف ايش اللي يميز الكفرا ت عن بعضها الا ان هالنوعيه جيده لكن في عيب واحد ممكن يعيبها وممكن لا >> اكثر من مره تزح فيني السياره لان الكفر جايه مويه ؟؟

**اتكيلووو** · 21-10-2007, 11:55 PM

كفرات تويو الأفضل وذلك لأنها ألين في المشي والمطبات

**ACCORD 764** · 22-10-2007, 12:43 AM

ممتازة الكفرات أنا مركبها قبل 3 شهور ولله الحمد مرة ممتازة
أخذت المقاس 16/55/225 أعرض وأقل ارتفاعا من كفر الوكالة ونقشته رياضية و سعره 290 ريال

**ل م س 3 3 4** · 22-10-2007, 12:57 AM

انا سمعت انا حلو ،،،فيه كفر من فتره مركبه وحلو وقيمته معقوله كفر سوموتو ب230

**just 4 u** · 22-10-2007, 06:32 AM

كفرات الـ Toyo جيـدة من تجارب الأعضاء حصلت الـ 205- 60- 16 بحوالي 260 ريال من الوكيل
طبعاً نقشة عادية ماهي رياضية .. وإلى الآن ما فكرت أغير الكفرات لأن عليها نوعية Nitto

وهالنوع ياباني ومن مصنع واحد ( Toyo / Nitto ) ولها معي وقت وماتشكي من شيء
لكن مايجي عليها مقاس 205 يجي 215 وركبته وعاش معي .. والفرق إن الـ Toyo أغلى
بحوالي 30 ريال ماهو أكثر للكفر الواحد

**كافو2** · 22-10-2007, 11:51 AM

الصراحة ياشباب انا الكفرات الكورية ماشية معاية افضل من اليابانية على حسب تجربتي مدري ليش وتصدقوا الصينية بعد ممشي فيها قريب سنة

**just 4 u** · 22-10-2007, 11:59 AM

أخوي كـافو2 ..
لو تذكر لـنا نوع الكفرات اللي جربتها .. لأن فيـه أنواع كثيرة ( كورية - ماليزية - صينية )
وفيها أنواع جـيدة وأفضل من الياباني بـكثير ..

**كافو2** · 22-10-2007, 12:14 PM

والله بالضبط مدري اش اسمة هيا راكبة عندي بالسيارة هاذي الصينية هيا كيسها الخارجي اول ماتجيك جديدة لونه برتقالي دعستها حلوة مررة وماشاء الله قاعدة ماعيه فترة اكثر من الياباني اروح المدينة مكة جدة وماشاء الله عليها في الخط اذا نزلت اشفلك اسمها اش مكتوب كمان

**a_ya7ya** · 22-10-2007, 12:10 PM

السلام عليكم
مشكورين شباب على الرد والمشاركة

اخي العزيز Accord 764
ياخوي مقاسك عريض مرة انا جربت مرة مقاس 215/55 وطلع مش حلو على السيارة الكفر جاي على حد الرفرف الامامي.. يعني الي هاوي ينزل السيارة يمكن يحك بالرفرف اجل كيف 225 والله واجد عريض... اعتقد هذا مقاس اللومينا اذا ماني غلطان
تحياتي

**a_ya7ya** · 22-10-2007, 12:12 PM

طيب شباب ممكن رقم الوكيل بالدمام لاني انا بالجبيل

**just 4 u** · 22-10-2007, 12:20 PM

أخوي كـافو2 ..
أنـتـظرك

**ACCORD 764** · 22-10-2007, 12:53 PM

فيه نوع كفرات إسمة GT radial هو صناعته أندنوسي لكن واحد في الشباب مركبه والصراحة له أكثر من سنه وماشالله لسا النقشة مامسحت وهو معاه لومينا SS وقيمة الكفر 170 ريال .
هنكوك كمان كويسة و مجرب على موستنج 2005 وماشالله جدا ممتاز وصناعته كوري

**فهد الشمري** · 22-10-2007, 05:43 PM

يارجال جربت البرجستون وجربت الكفرات الي تجي مع الهونداء سبيشل بس ما شفت مثل

الميشلان

**ـبطرانـ2005ــ** · 22-10-2007, 06:01 PM

تووووووووووووووووووووووووووويووووووووووووووووووووو وووووو

حلوه وعمليه على قوول بعض الشباااااب

بس انا توني مركب تويو وماشيه

**BLK** · 22-10-2007, 06:04 PM

أنا كنت ناوي على كفرات تويو و شفت لهم أكثر من سعر

يعني أعلى سعر حصلته 330 ريال

و بعضهم ب 290 ريال

بس بعض معارفي نفرني منهم خصوصاً ضربات الرصيف و الحفر !!!

أنا الآن الحمدلله مركب كفرات فاير ستون 16/55/215 توي ما مشيت عليها إلا 200 كيلو

سعرها 350 ريال للواحد ...

**just 4 u** · 22-10-2007, 08:48 PM

أخوي BLK
أنا جيت للوكيل التميمي اللي في نهاية طريق النهضة مع طريق خريص
ومالقيت إلا فلبيني بس يضحك مدري ليش أسأله عن مقاس ؟ يقول مخلّص :d
ماطلعت معه بنتيجة لكن من تجربة أخوي توهـ مركبها على ( كراون فكتوريا )
يمدحها ويقول زينة ..

**a_ya7ya** · 23-10-2007, 04:55 PM

السلام عليكم
انا سالت بنشري اعرفه زين بالدمام ( سلمان الخالدي )... قالي ان تويو مخلص من السوق وخاصة الوكيل ( العمودي ).
كلمت الوكيل وقالي بتجي كفرات الاسبوع الجاي...بس قالي البنشري ( سلمان الخالدي ) في دنلوب 270 ريال ضمان سنة وصناعة 2007 شهر 6... بس الغريبه ان دنلوب اسعاره اغلى من كذا؟!
والا انا غلطان؟
تحياتي

**ولد جده** · 25-10-2007, 04:36 PM

أخوي التويو طيب بس عيبه إرتفاع الصوت في الدعسات الواطيه لكن ما أدري عن الدعسات العاديه

و بالنسبه لكفرات جي تي راديل ممتازه

و أنا مركب بوتنزا 215\40\17 و هوا أفضل شي جربته و بعده الجي تي و بعده بريلي (بس مرررره غالي) و بعده التويو (زهقني بصوته العالي)

**kandeno** · 26-10-2007, 06:25 AM

:d
ركبت كفرات فالكون
وصار في السرعات العاليه
اشعر برجه في السياره و الدركسون ...

رحت لشركة ابو هاشم وقالوا

لازم تركب نفس كفرات بلدها

ما نقدر نحكم عليها الابعد ما ترجع كفرات بلدها وبعدين نحدد

منها او من غيرها ...

وطبعا ما حصل نصيب وارجع لهم لاني صرفت السياره

وريحت ابوهاشم مني

:d

تحياتي

**عضو** · 26-10-2007, 01:37 PM

ركبها أخوي على سيارته وما مدحها أبد أبد ..
وتطلع صوت مزعج ..
وركبت مع واحد معه صني مركب كفرات تويو تقول راكب حراثة ..

ميشلان وبريجستون أفضل

دمتم في حفظ الله

**a_ya7ya** · 26-10-2007, 04:59 PM

السلام عليكم
حياكم الله شباب ومشكورين على النصايح.
وانا شكلي بأجل تغير الكفرات..كون البراد جاي علينا
تحياتي

**هوندامي** · 26-10-2007, 05:00 PM

السلام عليكم ..... وش لونك ياشباب

اما موتري سبشل ايش افضل نوعيه للكفرات تكون متناسقه مع الجنط يعني يطلع
شكلها مثل الفل كامل و أي مقاس تنصوحوني به 205 او 215

**fisal2006** · 26-10-2007, 05:05 PM

ابي اعرف الهوندا السبشل يمديه يركب مثبة سرعه وصوت ؟؟؟

وابي اعرف الله لا يهينكم ...

أخوكم fisal2006:o

**mohammad.55** · 27-10-2007, 11:38 AM

اخوي a_ya7ya ،،،

انت تقصد سعر البرجيستون البتوينزا سعره غلى 100 ريال ولا تقصد على النوعيه الثانيه adrenalin ،، لاني انا اليوم سألت على البرجيستون البتوينزا سعره 310 ريال بس انا متردد منها صراحه اتوقع ان البرجيستون يطلع صوت ولا لأ ......

وعندي سؤال بسيط انا ابغى اعرف الفالكين كويس ولا لا وسعر الكفر الواحد 250 ريال تنصحوني فيها ولا كيف ،،، وبلنسبه للمقاس الي على سيارتي الحين 215/60 16 ابغى اعرف لها تأثير على السياره ولا لا من ناحية المقاس لأنكم تعرفون مقاس الطبيعي للسياره وهو 205/60 16 ولما اغير كفرات السياره اي مقاس اركب ارجو الافاده ونعتذر على الاطاله وشكرا ،،،

ملحوظه... صراحه الموضوع يخلي الواحد يوسوس ...