اخر مواضيع المنتدى

حراج سيارات هوندا اكورد للبيع | حراج هوندا | حمل تطبيق حراج سيارة
النتائج 1 إلى 11 من 11

الموضوع: موسوعة محلات الكويت المتخصصه بالهوندا - الجزء الاول !

  1. #1
    عضو فخري الصورة الرمزية The Godfather
    تاريخ التسجيل
    09-2006
    الدولة
    STATE OF KUWAIT
    المشاركات
    2,393
    Post Thanks / Like

    افتراضي موسوعة محلات الكويت المتخصصه بالهوندا - الجزء الاول !

    السلام عليكم !
    اليوم قررت اني ابدأ التغطيه السنويه لاحداث الموسوعه الكويتيه لمحلات السيارات الهوندا

    قررت ابدأ بمحل معروف وسط اصحاب السيارات الهوندا رغم انه مو من المحلات القديمه او المشهوره و لا حتى مكانه يساعده و رغم هذا الشي اذا حصلت لك موقف عنده تعتبر محقق شي صعب

    طبعا البعض يتسائل ... احنا ما ندل اماكن المحلات بالكويت .. طبعا الكلام عن غير الكويتيين

    بسيطه جدا .. الكويت صغيره ... مافيها الا ثلاث مناطق صناعيه للسيارات

    الاولى منطقة الشرق : منطقه تقع في قلب العاصمه و فيها الكراجات المشهوره و اغلب اللي يشتغلون بهاذي الكراجات من الارمن --- و المنطقه مافيها الا كراجات تصليح

    الثانيه منطقة الفحيحيل الصناعيه : منطقه بعيده نسبيا عن العاصمه - لم ازرها قط و لكن اعرف انها تحتوي على كراجات كثيره للسيارات

    الثالثه شويخ الصناعيه : ( تنطق" شو .. ويخ " ) شويخ و ما ادراك ما شويخ
    اي شي تبيه تحصله بشويخ .... كراجات - وكالات - محلات -- كل شي بمعنى الكلمه
    المنطقه تحوي على شوارع متوازيه .. يعني مقسمه بانتظام
    كل شارع يسمى على ما يحتويه
    شارع الصحافه .. يحتوي على مباني الجرايد و المجلات و مطابعهم
    شارع كندادراي ( على اسم المشروب ) و هذا هو الشارع الرئيسي بشويخ اللي يدخلك على كل الشوارع الثانيه و سموه كذا علشان كان زمان يطل على مصنع كندادراي (ايام الستينات و السبعينات ) .. يحتوي الشارع على مغاسل السيارت باوله و بعدين يحول على محلات زجاج السيارات و بعدين محلات الميزان للسيارات و ينتهي بشويه كراجات
    شارع البيبسي : موازي لكندادراي .. كبير .. يحتوي على وكالات اشهر السيارات " مرسيدس " و " فورد " و غيره و يحتوي على مغاسل للسيارات حاله حال كندادراي

    شارع الزينه : خليته اخر واحد لاني بنفرد فيه بروحه :d
    المهم ان شارع الزينه يعتبر ملجأ الشباب الضايع بمتاهات السيارات
    يحتوي الشارع على محلات الزينه - شاشات - صوتيات - جنوط - فيبر - ضوئيات -ستيكرا - بوليش - تلميع - تنجيد - و كل ما يركب على السياره و يعد زينه بشكل او بآخر
    طبعا لما تقول محل زينه بس مو بشارع الزينه كأنك تقول اكورد بس مو هوندا
    المحل اللي سويت علشان المقدمه الطويييييييييييييييييييله هاذي ... محل بدون اسم
    يعني ماله لوحه .. السبب ان المبنى جديد و محد حط لوحه بعد
    و الرجال مو محتاج لوحه اصلا
    الناس مكسرين الدنيا عليه
    و الكل بس يسأل و ما يشتري
    لان صاحب المحل ما يبيع سوالف اي كلام
    يعني اذا تبي شي زين تعال اخذ بس ادفع المبلغ اول
    احسن الاغراض عنده بس عيبه انه انه كل شي اصلي عنده
    يعني الجنوط عنده ما يقلون عن 2000 ريال من غير كفرات
    عنده كل خير بس الناس تجي و تطلع خاليه
    ليش يا ترى ؟...... انا اقولك
    المحل مكانه مو بشارع الزينه -- هاذي نقطه 1
    المحل محطوط بداعوس و صغير -- نقطه 2
    المحل ماله لوحه كبيره و مليون لمبه عليه --- نقطه 3
    المحل ما يبيع الا لاصحاب الهوندات -- نقطه 4


    طيب انتو اكيد بتشوفون المحل و بتعرفون شنو يبيع و منو يشتري منه

    اليوم سألت صاحب المحل السؤال اللي فوق هذا ^^
    قالي تفضل كرسي و اقعد لك ساعه و شوف
    اخذت كرسي و قعدت و اناظر الباب :
    جا اول زبون : ( زبون رقم 1 ... لديه هوندا crx مضبط و منزل و عليه جنوط سبورت )
    دخل الزبون و سأل راعي المحل اذا عنده بلو اوف حق التيربو و راعي المحل عرض عليه مجموعه و اخذ الزبون و حاسب و مشى و الزبون ما نطق بحرف بخصوص السعر ( ما كاسر ) و دفع و مشى و هو فرحان

    (الزبون رقم 2 ... هوندا اكورد موديل 2004 لون فضي .. منزل خفيف و عليه جنوط سبورت )
    طلب سيستم شوته و قاله صاحب المحل ان عنده اخر حبه و طلعو و ركبوها على السياره و دفع الزبون و مشى و هو فرحان

    ( الزبون رقم 3 .. كورولا اسود .. جنوط سبورت و مغيم 100% و حاط كنداسه رياضيه صوتها طالع من اخر الشارع )
    دخل المحل و سأل عن الجنوط ... شاف واحد و عجبه ... سأل راعي المحل عن السعر و راعي المحل عطاه اياه ... قعد يتناجر الزبون على السعر و نزل له راعي المحل من السعر ... جا الزبون و قال ابي اخذهم ... هني سأله راعي المحل .. لاي سياره ؟ قاله الزبون .. للكورولا .. قاله راعي المحل .. ( ما نبيع لتيوتا ) انصدم الزبون و قال ان كل جنوط الهوندا تركب على التيوتا
    قاله راعي المحل ( الا الجنوط اللي بالمحل مخصصه لاصحاب هوندا... ) عفس وجهه الزبون و مشى

    رغم اني عتبت على راعي المحل انه ما باعه الجنوط .. بس راعي المحل كان مصر انه ما يبيع الا لسيارات هوندا

    و طبعا غيرهم عشرات الزباين دشو و شرو لهونداتهم
    و اول مره ادري ان في قروب اسمه ( هوندا الكويت و يتكون من 36 سياره هوندا ملغومه ) و يتجمعون عند مقهى ( هارد روك على البحر بجانب مجمع المرينا على البحر )

    عموما المحل يبيع كل شي للهوندا بس عيبه انه ما يبيع شي لجيبات الهوندا
    يعني تقدر تقول متخصص للصالونات
    يبيع المحل :
    جنوط - زوايد - اصطابات بكل انواعها لكل انواع الهوندات - شكمانات و كنداسات رياضيه - هدرزات - سيستم شوته - بار توازن - بكرات رياضيه و بكل انواعها - رمانات - اهواز ذات خصائص تحمل عاليه- عدادات و قيجات بكل انواعها - مرايا جانبيه خفيفه الوزن لكل انواع الهوندات - سبرنقات عيار (لترفيع و تنزيل السياره ) - بلو اوف - غطا ديلكو - منضمات كهربا - و اي حاجه سبورت و تستعمل لـ لغم السيارة

    صور من المحل :
    ( للاسف نسيت اصور القسم اللي يعرض فيه جنوط كثيره )










    زوايد اكورد ( من موديل 98 لين 2007 ) و المغلف يخص السيفيك



    مرجوجه شوي -- سامحونا





    هذا تقريري بالنسبه لمحل اليوم و انشالله بعد اسبوع راح يكون تقريري عن محل متخصص بلغم السيارات اليابانيه و خصوصا الهونداااااااااااااااات

    اللي يحب يسأل عن موقع المحل ما يرده الا الخاص

    المواضيع المتشابهه:
    التعديل الأخير تم بواسطة The Godfather ; 23-10-2007 الساعة 09:18 PM
    0 0 0
     
     
    معشي الجن

    http://www.flickr.com/photos/ashknaney/


    Raptor eco boost... anyone whana try his luck !!? XD





  2. #2
    مشرف قسم الأكورد الصورة الرمزية الـمـسـافـر
    تاريخ التسجيل
    09-2007
    الدولة
    Riyadh
    المشاركات
    4,109
    Post Thanks / Like

    افتراضي

    وعليكم السلام ورحمه الله وبركاته


    يسلمووووووو اخوي
    BLACK_ACCORD
    على التقرير الاكثر من رااااااااااائع

    فعلا المحل شكله يستاهل

    ننتظر جديدك القادم

    0 0 0
     
     

  3. #3
    الأعضاء الأوائل الصورة الرمزية Acc
    تاريخ التسجيل
    12-2005
    الدولة
    Jahrah, Al Jahr
    المشاركات
    560
    Post Thanks / Like

    افتراضي

    افا ... وين راحت صناعية الجهرا :d

    0 0 0
     
     

    Difficult is Worth Doing



  4. #4
    عضو فخري الصورة الرمزية The Godfather
    تاريخ التسجيل
    09-2006
    الدولة
    STATE OF KUWAIT
    المشاركات
    2,393
    Post Thanks / Like

    افتراضي

    @@ ميخالف اسمح لي
    انا الفحاحيل ما وصلت
    و انت تقولي الجهرا ؟؟
    بعيييييييده و بصراحه ما عمري سمعت عن واحد قال بروح ذاك الصوب الا حق امغره ( السكراب )

    0 0 0
     
     
    معشي الجن

    http://www.flickr.com/photos/ashknaney/


    Raptor eco boost... anyone whana try his luck !!? XD





  5. #5
    الأعضاء الأوائل الصورة الرمزية Acc
    تاريخ التسجيل
    12-2005
    الدولة
    Jahrah, Al Jahr
    المشاركات
    560
    Post Thanks / Like

    افتراضي

    عاد تصدق انا صناعيه الجهرا ما اروح لها ... اذا ابي اسوي بسيارتي كله بالشوبخ :d

    0 0 0
     
     

    Difficult is Worth Doing



  6. #6
    عضو في مجموعة الأوائل الصورة الرمزية الاخطبوط
    تاريخ التسجيل
    05-2006
    الدولة
    -
    المشاركات
    3,483
    Post Thanks / Like

    افتراضي

    ماشاء الله تبارك الله

    تقرير متكامل يعطيك الف الف عافيه يا BLACK_ACCOR حمستني أروح

    لاهنت عندي طلب صغيرون >>> نبي صورة بالقوقل ايرث للمكان >>> ناوي يتعبك ;)

    وبانتظار الجزء الثاني ياعسل :o

    0 0 0
     
     
    الاخطبوط كان هنا

  7. #7
    عضو في مجموعة الأوائل الصورة الرمزية أبو عــزوز ..
    تاريخ التسجيل
    03-2007
    الدولة
    عنـيـــــــزة .
    المشاركات
    1,840
    Post Thanks / Like

    افتراضي

    يسلمووووووووووووووووووووو

    نورت القسم بموضوعك الحلو .. وإلى الأمام ومزيداً من الابداع


    0 0 0
     
     
    .
    كذب ياعنيزهـ منتي باريس نجد .. باريس أصلاً هي عنيزهـ فرنسا
    .
    .

  8. #8
    عضو الصورة الرمزية هوندا تاكسي
    تاريخ التسجيل
    12-2007
    الدولة
    في بيتنا :)
    المشاركات
    82
    Post Thanks / Like

    افتراضي

    موضوعك مره ساخن بسخانت الارض بظهر بصيف

    0 0 0
     
     
    منتدى نادي محبي هوندا وبس ؟؟

  9. #9
    عضو فعال الصورة الرمزية S c O r P i O n
    تاريخ التسجيل
    07-2006
    المشاركات
    606
    Post Thanks / Like

    افتراضي

    يعطيك ألف عافية هذا اللي كلمتني عنة والله طلع موهين وترى بالعكس مكانة مميز بس مشكلتة موحاط لوحات او اضاءة قوية راعي المحل شغلة مزااج

    0 0 0
     
     


  10. #10
    عضو
    تاريخ التسجيل
    01-2020
    الدولة
    السالمية
    المشاركات
    2
    Post Thanks / Like

    افتراضي السلام عليكم

    يعطيك ألف عافية علي التقرير الرائع
    بس ممكن عنوان المحل بالظبط لو تسمح


    0 0 0
     
     

  11. #11
    عضو
    تاريخ التسجيل
    01-2020
    الدولة
    السالمية
    المشاركات
    2
    Post Thanks / Like

    افتراضي

    اسم المحل وعنوانه لو حد يسمح او اللوكيشن يكون افضل

    0 0 0
     
     

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
[Output: 114.96 Kb. compressed to 103.24 Kb. by saving 11.72 Kb. (10.19%)]