السلام عليكم ورحمه الله وبركاته

السبت القادم بتاريخ 3\11\2007 موعد نزول الاكورد
بتقولون من وين جبت هالخبر،،بقولكم الخبر بالتفصيل
انا بشهر رمضان شريت الاكورد وكان معها ورقه بالاكسسوارات كاست، جناح، كشافات
طبعا انا ركبت الكاست وحطيت الجناح بالشنطه ،، وقالو الكشافات غير موجوده حاليا راجعنا بعد العيد ،، راجعتهم بعد العيد ونشبت بحلقهم قالو بنعوضك 1000 ريال قيمه الكشافات
قلت عز الطلب ، المهم راجعتهم ، وقالو بعد يومين يجهز الشيك،، ورحت لهم بعد يومين ، اللي هو هذا اليوم ورحت عند المدير نفسه قلت ياخوي انا لي تعويض عن قيمه الكشافات ، قال اجلس لين مايجي مسؤؤل الصندوق ، بهالدقايق جلست اسولف معه قلت له متى بتنزل الاكورد الجديده ،، قال ان شاء الله السبت القادم ، وهي راح تكون اربع فئات تبداء من الستين وتنتهي بالـ 85 للاربع سلندر ،، انا انغبنت قلت لو ادري ان اسعارها كذا كان انتضرت وشريتها

والله الهادي الى سواء السبيل