الموضوع: الأكورد عند سن الأربعين ... مالها وماعليها ..

السلام عليكم ورحمة الله وبركاته ,,


موضوعي هذا موضوع جديد من نوعه في هذا المنتدى .. وياليت نشوف منه كثير .. خاصة انه يهمنا كثير ويهم غيرنا من الزوار .. الي يبحثون ويسألون .. كيف الأكورد ؟


راح أكتب في هذا الموضوع عن سيارتي الحبيبه الأكورد بعد مامشيت فيها 40000 كيلو ..

في خلال سنه وشهر ويومين بالضبط ...

طبعا السياره 2005 لون لؤلؤي كامل المواصفات ,, قولوا ماشاء الله

راح أكتب عن المميزات الي فيها وعن العيوب بكل صراحه ووضوح .. لأن الهدف ليس التعصب للهوندا ... لا بالعكس .. احنا نبي نكون صريحين في كلام نكتبه .. ونستشعر ان كل كلمه نكتبها راح نحاسب عنها يوم القيامه أمام الله عز وجل ..


كلامي هذا يخص الي يفكر في شراء الأكورد خاصة ,, وأنا مهمتي كصاحب خبره اني أساعدك بعد الله .. واقرأ تجربتي ثم بعدها أستخير ولك القرار الأول والأخير ..


المواصفات المذكوره خاصه بالفل كامل ..

المميزات :

1- شكل جذاب وانسيابيه حلوه ..

2- قوة ماكينه 173 حصان بنظام ال VTEC الي يوفر من استهلاك الوقود مع زياده في العزم .. باختصار (( يؤدي هذا النظام عمل محركين في سياره واحده فعند السرعات المنخفضه يكون المحرك اقتصادي وعند السرعات العاليه يتحول الى محرك رياضي ))..

3- قير اتوماتيكي بخمس سرعات وهذا يساعد في خفض الضغط على الماكينه ..

4- هيكل صلب صمم على شكل قفص حمايه لحماية الركاب عند الحوادث لاسمح الله مع وجود أماكن ضعيفه لتسهل عملية انقسام السياره <-- حمايه

5- قوة تحمل عجيبه ولله الحمد ما أشتكيت من أي عطل في السياره ..

6- أنظمة الحمايه مثل الايرباقات و ABC و ESP ..

7- جسم السياره ممتص للصدمات ..

8- عداد اليكتروني مميز ..

9- لمبة قراءه صغير في السقف مثل ال BMW

10- صناعتها ياباني 100%

11- وجود اشارات انعطاف على المرآة الجانبيه <-- فخامه

12- الجنوط مميزه لأبعد درجه..

13- المكيف اليكتروني ويمكن التحكم بمكيف الراكب بصفه مستقله عن السائق .. (( متعوب عليها صفه مستقله ))

14- نظام صوتي رائع ب 6 سيديات و 6 سماعات ..

15- تحكم بكرسي السائق عن طريق الكهرباء ..

16- امكانية فتح النوافذ عن طري الريموت كنترول ..

17- رساوه عاليه نوعا ما ..

18- رياضيه شبابيه وتناسب كبار السن لأن فيها نوع من الفخامه ..

19- سعه داخليه حلوه ..

20- مرآة السائق مانعه لأثارة النور وتعمل على الطاقه الشمسيه ..

21- امكانية التحكم بمستوى ارتفاع الأنوار الأماميه ..

22- وجود عدة أماكن لوضع الأغراض الشخصيه مع وجود أماكن للبطاقات..

23- مافي منها ليموزينات <---نقطه مهمه جدا بالنسبه لي ..

24- المكان المخصص للتحكم بفتحة السقف بعيد عن متناول الأطفال ..

25- وجود 8 أماكن مخصصه لوضع العلب <---استفدت منها كثير

26- زجاج السياره قوي جدا ..

27- وجود مثبت للسرعه يمكن التحكم من خلاله بسرعه السياره بعد التثبيت..

28- الفل بالنسبه للبنزين 35 ريال ..

29- الحفاظ على السعر عند البيع ..

الميزه الأخيره وليست الأخير لأني مهما أحصيت أبقى ناسي .. وهي انك ماتلقى أحد يلومك عند شرائك أكورد الا الجهله بالسيارات ..


العيوب :

1- تنسيم الهواء عند السرعات العاليه ..

2- ارتفاع أسعار قطع الغيار ..

3- المراتب ماتناسب بعض الأجسام (( أقصد السمان )) لأنها رياضيه وفيها نوع من القساوه ..

4- عدم توفر الكاسيت..

5- عدم توفر الزينون ..

6- عدم توفر الحساسات ..

7- قربها من الأرض جعل الأصوات الأرضيه مسموعه والمفترض ان يكون هناك عوازل أرضيه ..

8- عدم توفر فرشات أرضيه ..

9- عدم توفر مكيف خلفي ..

10- كهرباء السياره عندما تفصل تضعف قليلا بس الوكاله يقولون طبييييييييعي ..

وللأمانه السياره دخلت الوكاله مرتين ..

الأولى : أول ماشريت السياره عب الوالد السياره فل من محطه معفنه وكان البنزين عندهم على نهايته فكان مختلط بتراب فدخل التراب في التانكي وطفت السياره بسبب انسداد واحد من البخاخات واضطريت لتنظيف التانكي والبخاخ .. ولاحظوا ان الكلام في ثاني يوم للسياره ..


الثاني : تغيير القماشات الخلفيه وأيضا بسبب أخوي الله يوفقه مشى بالسياره والجلنط مرفوع .. فكانت النهايه وكالة عبدالله هاشم ..


وللمعلوميه انا أخذت السياره وهي ماشيه 14000 كيلو لأني مالقيت بالوكاله الا لون فضي وماراح تجي دفعه جديده الا 2006 وكانت ماهي داخله مزاجي فقلت آخذ مستعمل لؤلؤي 2005 أحسن لي مع العلم ان الفرق 500 ريال .. لأن اللون الفضي كان آخر شي عندهم ومسوين عرض ب 78000 ريال وأنا أخذتها ب 77500 ريال ..


آآآآآآآآآآآآآآآآآآآآآآآآآآسف جدا على الأطاله ..