الموضوع: تعالو نتناقش بكل صراحه وموضوعيه

كلها فترة بسيطه وينزل سعرها

اسعارنا زايده عن اسعار الكويت بـ 4 ألاف

الفل الآن بـ 91 بعد شهر اتوقع تصير بـ 89 وتاخذها من معرض ارخص من كذا مو لازم الوكاله

معاك حق يخويه والله أنا قبل كنت مستمسك بهذي السيارة وقلت ما راح آخذ غير الأكورد 2008 بس بعد اللي شفته غيرت رايي تماماً والله الأسعار جداً مبالغ فيها وليش ياريت مواصفاتها تسوى هالسعر أدري الإخوان بيقولون لي لا الأكورد كفاية إنها جودة وتصميم وشكل وقوة أنا معاكم في كل هذا لكن بالله عليكم شو الفايدة الجودة والتصميم والشكل والقوة ومن غير مواصفات والله أنا صرفت وجهي عنها تماماً وراح ألغي حجزي للسيارة وآخذ لي ألتيما ولا كامري أحسن وأوفر وأبرك لي من الأكورد مع إن الأكورد أحلاهم في الشكل لكن مع الأسف شو نقول غير لا حول ولا قوة إلا بالله العلي العظيم

اخوي ابو سليمان اتمنى ذلك لمن يرغب اما انا نويت بكره على حبيبة القلب تايوتا اشوف وش عندهم .....

اخوي ابو حسن قولتك احسنهم شكل احترم رايك وذوقك ولكني اخالفك بالراي

تحياتي لكم جميعاً

الله يالدنيا اول مانزلت عام 2003 وكان محد يلتفتها قبل كذا كان السعر 57 الف 2003 اوتو

والحين وصل السياحي 75 هذا دليل على جشع الوكيل

والمشكلة فيه ناس تشتري

الله المستعان

يا ليت ترجع اسعار السيارات مثل قبل 10 سنين كانت رخيصه السيارات اول



قوه أكورد

المشاركة الأصلية كتبت بواسطة ابو مبارك

اخوي راجع نفسك سياره تقولي عرض الكفر من المواصفات التي تفزك للشراء والله شي عجيب لاكن اقولك الاكورد سياره ميه ميه لاكن لكل شي حدود يعني اشتري سياره ب 90000 ليه لكزس والمواصفات الي فيها اعتبرها عاديه والسبب انك طايح مدمح في الاكورد لانك ماشفت غيرها لكي تحكم عليه يعني المهم روح شوف الاوريون وشوف الناس وين وصلت لاكن الاكور سياره محترمه من جميع النواحي لاكن السعر له دور كبير يعني اشتري اكورد ب 115000 ليه افالون ولمتد بعد يعني اخوي انا بصراحه رامح اقر اقرار تام ان الاكور 2008 راح تفشل فشل ذريع لا من ناحية الشكل ولامن ناحية السعر لان له دور في الشراء وترا الناس مو اغبياء عشان تدفع 81000 عشان اكورد سبشل يعني راح تدور بديل وبكذا انا اتوقع ان الشكل الجديد مو قد كذا يمكن المقدمه حلوه لاكن غيرها صراحه غبيه وغير كذا ان الموديل القديم انتشر لانه عملي وغير كذا سعره مناسب لاكن لايجي احد يقول الاكورد ياباني وكلام فاضي المهم هو الصيانه والسعر والاداء لانه عندي اكورد 2006 وزي اللوز مع العلم اني سبق وطلع خرابات يعني الاستعمال له دور والمحافضه ايضا ومع العلم انه فيه عيوب محد ينكرها وهذا للمعلوميه

كفيت ووفيت اخوي وانا من شفت رد اخوي اكورد يتحدث عن السرعه 260 والmp3وانا ما تحمست ارد لاننا نبي نتناقش في امور اكبر .....

تحياتي لكل من شارك اضم صوتي الى صوت اخوي ابو مبارك واقول وربي ما فيها شي يميزها ويخيليك تقول تستاهل مبلغ زي كذا

اخوكم طلال

اقل نوع
يجي فتحه جنوط وتحكم سرعة ومسجل من الطاره وتخشيب

بالاضافة الى تغير الشكل الخارجي ( تغير جذري )
والداخلي للافضل طبعا

هذي السيارة قيمتها تقريبا ( 81.000 ) ريال

برأيي مناسبة نوعا ما

لان 2007 سبيشل ( بدون جنوط ومثبت وتحكم مسجل )
بحدود الـ 74.000 ريال أول ما نزلت والحين سعرها فوق السبعين بشوي !!

يعني مقارنه بالاسعار السابقة والمميزات الجديده تعتبر مناسبة

بالنسبة لسعر الفل الكامل
اعتبرهـ (( جنون )) !!!

هذا رأيي بصراحه

المشاركة الأصلية كتبت بواسطة B Unique

انتوا هنا تناقشون السعر مناسب ولا لا

ولا تناقشون المواصفات والشكل الجديد ؟!

اذا جينا نتكلم عن السعر فهو بصراحة غالي على الاربعة سلندر وهذي ما يبيلها كلام . اما اذا جينا نتكلم عن المواصفات فأنا شخصياً اشوف ان الاكورد تغيرت بشكل كلي وعدّت على المنافسين واللي ما هو منتبه الا للديكور والشكل الخارجي يروح يقارن بين مواصفات الاكورد الجديدة والقديمة وبعدها يرجع يقول رايه بعقلية اكثر

بعدين انا ملاحظ انكم معلقين على كلمة اسبيشل اسبيشل اسبيشل . من وين جبتوا الاسم ذا ؟ اقل نوع اللحين ما عاد مثل الاسبيشل في القديم شوفوا المواصفات واحكموا !!

واذا على الشكل اشوف ان هذي مسألة اذواق وما تقدرون تفرضون رايكم على الجميع

اخوي B Unique حنا نناقش كل شي هنا باب النقاش مفتوح للكل وبالكل

ثاني شي اخوي من قالك ان حنا فرضنا راينا ياخوي ان بغيت اشتر عشر ما حد ردك حنا نتناقش ولولا اختلاف الأذواق لبارات السلع والنقاش للفايده العامه ....

اما اذا انت تنتظر رأيي بعقليه اكثر فانني لم افتح هذا النقاش الا بعد البحث والتمحيص التام واذا كنت انت ما شفت الأكورد على طبيعتها الا امس احب اقولك انا شايفها من اسبوعين وهذا ان دل على شي يدل على اهتمامي بالموضوع وسبق ان كتبت اني طلعت للبحرين مخصوص من شان القي نظره على السياره .......

ارجو ان نرتقي بأسلوبنا اكثر واكثر

تحياتي لكل

المشاركة الأصلية كتبت بواسطة ACCORD 764

السعر مرة غالي
و الوكيل قمة في الجشع والنصب إنشالله يغيرونه ويفكونا منه حتى صيانة ماحولك أحد
أنا والله أفكر أبيع الأكورد وآخذلي أوريون ولا الألتيما الجديدة
أجل الألتيما الجديدة ( السياحي ) نظام دخولها زي اللكزس كرت و زر لمس ودلع أما الأكورد مافي .
أنا أتفق معكم أنها الأحلى شكلا لكن تاخذ الأكورد بـ 92000 ريال 4 سلندر ولا إنك تاخذ أوريون أو الألتيما الجديدة 6 سلندر الأكورد حتى حساسات مافيها .
معاكم في جودة الصناعة لكن لا أعتقد الأكورد ممكن تتفوق على الأوريون خصوصا بالقير التيبترونيك . وإيش يعني حركة المرايات ؟ ترى هذا الشي موجود في الكورولا السياحي .

وأعتقد أن المنافسة بدأت تقوى في قطاع سيارات السيدان متوسطة الحجم وأكبر دليل الميركوري الجديدة إللي إسمها ميلان والله إن السياحية منها أعلى من مواصفات الأكورد فل كامل 2007 وسعرها 66000 ريال بس و الله مواصفات تخليك تخق قدامها بالنسبة لسعرها روحوا معرض ميركوري و شوفوا بس خذوا فكرة وقارنوها بالأكورد الجديدة من ناحية المواصفات .

أعتقد وفي النهاية أن الأكورد الجديدة من ناحية الشكل ممتازة ولو إن الخلفية إذا حطيتها بجنب سوناتا حتلاقي الإصطبات الخلفية من الجوانب متشابهة .
السعر حتى لو نزل المنافسين ماراح يرحموها لازم ينزلون الأسعار وتبدأ عروض الصيانة مثل عبد الله هاشم لما نزل العروض والهدايا على 2007 إللي مفروض تكون موجودة
عبد اللطيف جميل نزل عرض ممتاز صيانة عليك و صيانة علينا أعتقد الكل سمع عنه وحتى نزول أسعار قطع غيار الأكورد 2008 هل يدل هذا على استمرار جودتها كما الموديلات السابقة ؟

أحب أتوجه في النهاية بالشكر للأعضاء كافة لأنه رغم إن عندهم أكورد ماتعصبوا لها وقالوا أحسن من هذي أو هذي .

بارك الله فيك وفي حسن ردك ونقاشك.......

اشكرك واشكر الكل على الحضور

اخوكم طلال

اول كانت غاليه وشترواها الناس ولان بيشترونها تعلاو نحسبها
ونسوي مقرنه بين 2007 و2008 شوف الموصفات وفرق 7000 الف ريال
2007 فل كامل اربعه سلندر 85الف بس شوف وش ينقصها من موصفات
عن 2008 اول شي التحكم بصوت جنوط 16 المرايا عاديه وكم ميزه لا تحضرني
و2008 شكل جديد كلي وجديده السياره والوكيل رافع سعرها عشان بيكون عليها اقبال
وبيستغل الفرصه وفتره بينزل السعر وانا اذكر يوم نزل 2006 بلاسطبات الجديده كان الفرق 6 الاف عن 2005 يعني اشوف السعر طبيع جداً من الان الى ست شهور شوف كم الفرق بي يكون.
في المعارض الخارجيه بتنقص عن الوكاله 3الف ريال

المشاركة الأصلية كتبت بواسطة accord 2007

والله السعر يستاهل بقوه

انا ابي اكون معك صريح الاكورد الجديده تستحق قيمتها
والله الاكورد الجديده مووووووووووت
اذا بغيت فخامه موجوده
6 سيديات ويليت نظام تراكات ====== Mp3 انت فاهم معنى ام بي ثري
مساحة المقصوره اكبر من اللي الموديل القديم
فيها نظام تقليل الازعاج داخل المقصوره
صفط مرايات كهربائي
طبلون ليد ولا احلى ولا والطبلون 260
جنط 17
تحكم صوت بالدركسون
درجة حرارة خارجيه
مدخل AUX تقدر تشبك عليه اي شي مثلا الاي بود
كشفات ضباب
تخشيب كامل على الكونسول
عرض كفر الوكاله 215 يعطي السياره اكثر رساوه
اكمل ولا اقلك اللي قلته كفايه
وين كل هاذي المواصفات في 2007
و2007 انا اخذتها 86 الف
وكل اللي ذكرته فوق مو موجود في الموديل الجديد
ولا تقول الاكورد متستاهل قيمتها


اول انا كنت اقول الكامري تتفوق على الاكورد في بعض المواصفات من ناحية الشكل الرياضي والفل تحكم صوت بالدركسون


لاكن الحين ماابي احد يجي ويقول كامري لانك رايح تظلم الاكورد
الاكورد الجديده سكتت كل السيارات
ولا في اي مقارنه بينها وبين اي سيارة يبانية
وكل كلامي ذا مو تعصب لاني احب الاكورد

ماقلته الا لاني وبكل صراحة قلت الواقع

على فكره هم اضافوا هذي المميزات

و الغوا اهم و اتوقع اغلى ميزه بالـ 2006 - 2007

اللي هي مانع الانزلاق VSA :(

يعني ما فيه فيه مبرر لهذي الزياده بالسعر

ردا على بعض الردود
*بالنسبه 2008 فيها ظفيرة الحساسات لكن تشتري الجهاز من الوكاله (على كلام الموظف)
*اما اقل فئة 2008 سعرها 76000ريال ولاهي موجوده حاليا لان ها محجوزة من شركات التأجير
والموظف قالي بعد شهر او اكثر يتوفر منها
*جودة قطع غيار عبد اللطيف جميل زباله واسأل مجرب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
وتعليقا عن الموضوع باختصار
2008 فقدت الطابع الرياضي في الاكورد واصبحت سيارة عائلية وهذا رأي) مسوي فاهم......

يعطيك العوافي اخوي عالوضوع المهم للمترددين ...


بس انا بآخذ من اسمي في المنتدى عنوان لكلامي ...




صراحة انا استخدمت الاكورد موديلـ 2004 وموديلـ 2007

بصراحة متعة في القيادة لا توصف

والديكور شغل عدل بعيد عن الشكل لأنه مسألة ذوق

بس تحس كل شي مركب بدقة وجودة


اما الشكل الجديد

ما شفته عالطبيعة بس من الصور قسم بالله إني انجن إذا شفتها من حلاتها ....

من ناحية السعر فطبعاً غالي واعزي الاسباب :

1_ الوكالة محتكره على عبدالله هاشم ( بعكس الشفر على حوالي 4 وكلاء )

2_ شكل مغير تغيير جذري

3_ اقبال من الناس على التحفه



عموماً اخواني لو جينا نقارنها بمنافساتها فيا زين الاكورد زيناه

.....

الكامري بما إنها من عبد اللطيف جميل فاكسسواراتها تلفيق في تلفيق

كذا صرت احس إنها مو يابانية ..



والالتيما مستخدمها اخوي موديلـ 2005

قسم بالله إنه كرهها وباعها بقيمة بخسه

حتى انا شفت الموديل الجديد قسم بالله إنه سقيم جداً حتى تنظيم الديكور الداخلي ما

يسوى يعني ما فيها إلا مكينتها



والباقي عليكم لأنو هذي السيارات الي مجربها ....


وبالأول والأخير كل واحد عقله في راسه ويعرف خلاصه ...






اعتذر على الإطاله واشكر الجميع ,,,

اخوكم / مجرد رأي

بارك الله في الكل على ردودهم الجميله والمتزنه ......

اخوي الغالي مجرد راي انا كنت مثلك انجن لما اشوفها بالصور ولكن وربي بالطبيعه ولا شي والصورلا تعكس الواقع تماماً ولكل رايه الخاص....

اخوي اكورداوي اسمح لي ان اختلف معك في بعض الأمور ولكنني لا اختلف مع شخصكم الموقر فهو اختلاف في الرأي فقط ....

بالنسبه للحجوزات اللي ذكرتها لايوجد حتى الأن اقبال بالشكل اللي انت تذكر نحن هنا في نادي هوندا من حجز منا او اشترا اكورد 2008 كلها شركات تأجير سحبت كميات زي كل سنه وهذا شي طبيعي في كل الشركات حتى الكامري اللحين رح اطلبها حجز .....اخوي ما تقاس الامور كذا ولكن تقاس بالسحب بشكل عام انا لي مصادر مقربه في الشركه يذكرون لي ان العموم من الناس متذمر من السعر وهات لي اي سياره يابنيه 4 سلندر كسرت ال90 الف ولعلمك هناك ناس قليله لايهمه يشتري ولكن هم قله لم تتعب في الحصول على المال ولكن نتكلم هنا عن العمووووووووووووووووووم وبأختصار شديد اسألك بالله العضيم لو اخذتها ب93 الف وجيت تبيعها بعد سنه كم بتجيب لك هذي نقطه مهمه وهي نقطة فرق سعر البيع لما بعد البيع في الجديد وهذا علم محاسبي .....

اما مقارنتك لسياره عريقه وضخمه ورائده في شركتها وهي لنكن تاون كار بهوندا اكورد فأكتب لك اخي (خفف من حماسك قليلاً) فهذا لا يقبله لا عقل ولا منطق وانت صادق فيما ذكرت ولكن هذي حاله لا يمكن ان نقيس عليها بأي شكل من الأشكال ...

تقبل تعليقي اخوي اكورداوي

اخوك
طلال