سحر الأكورد وجاذبيتها

**znzn12** · 10-11-2007, 05:24 PM

يسعد مساكم جميعا انا عضو جديد بالمنتدى وهذه اول مشاركه لي بمنتداكم الرائع والمميز
احبابي يادوب الان جيت من وكالة عبدالله هاشم طريق خريص تعال شووووووووف الزحمه العالم مو مصدقه ان هوندا2008نزلت السوق تصوير هنا واتصالات ونداء للاخوه والاقارب لزيارة الوكاله ومشاهدة الاكورد حميع من رايتهم في الوكاله احتاروا ماذا يشترون وانا اولهم الالوان جميعها جذابه وبالذات الذهبي واللؤلؤي والمميزات في غاية الروعه وجمال الشكل من الخارج اشياء كثيره لا استطيع حصرها الان المهم اندهاش الجميع من هوندا لدرجة انني سمعت احد الشباب يقول لزميله الله يلعن ابو الكامري بروح ارجعها للوكاله واجي اشتري هوندا ولا الومه لما للهوندا الجديده من جاذبيه وسحر لايقاوم وكأنها بي ام دبليو وعند سؤالي للموظف عن الاسعار اخبرني الفل كامل 4سلندر ب92500ريال
والاسبشل ب 81000ريال اما السته سلندروالليجند فهي لم تنزل الى الالوان وسوف يتم وصولها للوكاله بداية العام الميلادي يعني بعد خمسين يوم تقريبا هذا حسب كلام موظف الوكاله بعد هذا الكلام انا ابي راااااايكم في الهوندا لأني ناووووووي اشتريها اتمنى تعطوني ارائكم من واقع تجربه وخبره لأني اول مره اجرب الهوندا تحياتي لكم
أخوووووكم/مـــاجد

**prince-honda** · 10-11-2007, 05:47 PM

شكرا على الكلام الجميل عشان تعرف قيمة هوندا و استخدامها روح أطلب من الوكالة تجربة الأكورد
لأن الأكورد و السيفيك و اللجند سحر و روعة من عام 1990 أنا شوفت ليجند موديل 95 طرحت
الكامري 2006 و طرحت لومينا اس اس موديل 2007 و ما أكذب عليك ما شاء الله الهوند روعة بس قطعها غالي شوية و الله ما أكذب عليك

**momo** · 10-11-2007, 06:19 PM

رح ولا يفوتك اللون الاسود

**المـــــلكـ اكـــــورد** · 10-11-2007, 07:19 PM

يامرحبا فيك اخوي ماجد بالمنتدى

بالنسبه لسؤالك عن الهوندا باختصار

لو الهوندا سيارة فاشله كان مالها منتدى ناجح بحجم منتدانا

**سرريع** · 10-11-2007, 07:25 PM

والله هوندا شركه ماعليها كلام والدليل انتشارها الواسع بس عندي سؤاال؟؟؟؟
الليجند قال لك نها بتنزل؟؟؟
ياليت تفيدني وشكرااا:d

**znzn12** · 10-11-2007, 07:41 PM

prince-honda شكرا ع ردك انا من زمان اعرف ان الهوندا رائعه وجذابه لكن بعد ماشفت الكورد 2008 بصمت بالعشره ولا اطلق كامري تجي شيء جنب الهوندا الجديده وبخصوص قطع الغيار عن نفسي ماتفرق معي اذا بتدفع اسعار قطع غيار عاليه في سياره تستاهل مثل الهوندا اعتبر نفسك مادفعت شيء مره ثانيه شكرا لك

momo بيني وبينك اللون الأسوووووود مغري بقوووووه بس خوفي من الغسيل كل يوم

**المـــــلكـ اكـــــورد** · 10-11-2007, 08:02 PM

المشاركة الأصلية كتبت بواسطة سرريع

والله هوندا شركه ماعليها كلام والدليل انتشارها الواسع بس عندي سؤاال؟؟؟؟
الليجند قال لك نها بتنزل؟؟؟
ياليت تفيدني وشكرااا:d

اليجند والاكورد 6 سلندر على بداية السنة الجديده

**أبو سليمان** · 10-11-2007, 08:24 PM

راينا في الهوندا

شركه جبااااااااااااااااااااره بمعنى الكلمه

عندنا 2 اكورد وأنا ابشتري الثالثه بعد شهر

شوف اخوي اذا كنت مو مستعجل

اصبر فترة إلين تنزل السياره في محلات التأجير

واستأجر السياره وجربها بنفسك

عشان ما تتندم بعدين وتقول يا ليتني ما شريتها

والف ألف ألف مبروووك مقدما

**accord05** · 10-11-2007, 08:42 PM

اشتر الاكووووووورد وتوكل على الله
وانشا الله تستمتع بقيادتها قريبا وبالتوفيق

**السبندي** · 10-11-2007, 11:03 PM

اصبر الدفعه الثانية
يمكن فيها خربات

**تويتي** · 11-11-2007, 05:51 AM

اخوووي اصبر للدفعه الثانيه اذا مو مستعجل حتى يتفادو العيوب المصنعيه
واذا مستعجل الله يوفقك ويعطيك خيرها ويكفيك شرها
وترى اللون الفيراني حلووو بس بيتعبك بالغسيل
واذا تبي لون ما يتعبك خذلك لؤلؤي تجلس شهر ماتغسل ولا احد يدري انها مو مغسله انا ما قلت الكلام هذا الا من واقع تجربه

**و د ا السعوديـة 1 5 5** · 11-11-2007, 11:17 AM

اذا مستعجل توكل على الله

وزي ماقالو الاخوان اصبر لدفعه الثانيه حتى لايوكن فيها عيوب مصنعيه
وحتى تنزل الاسعار شوي :d
وشكراااا

**migo** · 11-11-2007, 01:16 PM

المشاركة الأصلية كتبت بواسطة تويتي

اخوووي اصبر للدفعه الثانيه اذا مو مستعجل حتى يتفادو العيوب المصنعيه
واذا مستعجل الله يوفقك ويعطيك خيرها ويكفيك شرها
وترى اللون الفيراني حلووو بس بيتعبك بالغسيل
واذا تبي لون ما يتعبك خذلك لؤلؤي تجلس شهر ماتغسل ولا احد يدري انها مو مغسله انا ما قلت الكلام هذا الا من واقع تجربه

اللون الفيراني ما عمره تعبني بالغسيل كان عندي سيارتين لونهم فيراني ولا تعبوني

وشكلي اذا بشتري اكورد راح يكون لونها فيراني بعد