بسم الله الرحمن الرحيم


أخواني الأعزاء ... فعلاً هالموضوع حصل فيه اختلاف آراء كبير.

رح أعطيكم رأيي وهو عن تجربة لأني أشتريت الأكورد 2007 واستخدمتها لمدة 6 شهور .. بس شاء الله ان يحصل فيها حادث وللأسف راحت للتشليح, والآن انا في طريقي للحصول على أكورد 2008.

بالنسبة للشكل الخارجي يا أخوان هو مسئلة تعود فقط لا غير .. أول ما صار معي الحادث ونويت أخذ سيارة جديدة طبعاً حاولت بكل قوتي أخذ اكورد نفس الموديل 2007 (مع العلم ان الحادث حصل بعد يومين تماماً من إطلاق أكورد 2008).

وعملت أنواع القلق لوكالة الهوندا في الأمارات .. لدرجه اني وصلت لمرحلة موافق أخد أكورد 2007 الأقل مواصفات (السياحي) كانت موجودة في وكالة الهوندا للتجربة وماشية 4000 كيلو متر.

بس في كل مرة كنت أروح للوكالة .. كنت أتفرج على الأكورد 2008 بما أني وصلت الوكالة ووصلتها.

مرة بعد مرة بدأت أقتنع بالشكل مع انه بالبداية كان غريب لأني متعود على الأكورد 2007.

صدقوني يا أخوان بعد أربع مشاوير للوكالة خلص أقتنعت بالأكورد 2008 من ناحية الشكل و لغيت طلبي للأكورد 2007.

طبعاً طلبت أخد Test Drive بالسيارة .... وما أقلكم .. جد خياااااااال .. وهالكلام بعد تجربة 2007 ... قيادة الأكورد 2008 فعلاً تطورت للأفضل .. وأهم شيء انا لاحظته فيها هو قوة البريكات ... لأنو الأكورد 2007 كانت تاخد وقت لحد ما يسمك البريك بس الحمد لله بالأكورد 2008 تجاوزوا هالنقطة الغاية بالأهمية.


بالنسبة للمواصفات .. في فرق ملحوظ بالمواصفات وخصوصاً بين السياحي والسبيشل .. بس بين السبيشل والفل الكامل ما في فرق غير الفتحة بالسقف وانوار الضباب و الجلد بالكراسي فقط لا غير.

خلاصة الكلام ... بعد 6 شهور ان شاء الله لما تصيروا تشوفوا السيارة بالشوارع اكيد رح تتغير نظرتكم للسيارة بس بالتدريج.


ولولا أختلاف الأذواق لكسدت البضائع.



تحياتي لكم جميعاً.