تجربتي وتجاربكم مع هوندا بايلوت

[Honda Pilot 2016]

السلام عليكم

بدون مقدمات و بشكل مختصر ... هذا الموضوع سأخصصه وسأحدثه بتجاربي مع هوندا بايلوت 2016
أتمنى من الجميع من لديه هوندا بايلوت التكرم والتفضل علينا بكتابة تجربته هنا وشكرا .

تجربتي مع هوندا بايلوت 2016 : الجزء الأول
طبعاً أن طلعت السيارة من شهر وأخذت موديل السنة الماضية 2016 فل كامل

صارت لي مشاكل معاهم أسردها مع تجارب المبدئية :

- تأخرو علي بتسليم السيارة
- السيارة طبعا مخزنة من سنة تقريبا ففيها ملاحظات كثير في البدي ولمعانه والاسيات (بالعربي طاقتها الشمس عدل) والنياكل وصواميل
الكفرات محليها ... بهدلوني صح أخروني على ما عدلوها
- وبعد ما ستلمتها كانت في مشاكل في الطابلون وتفتف السيارة أو تنتع وعلامات كثيره بالطبلون مولعه وبعد مراجعة الوكالة تبين مشكله بالبطاريه
- صيانة 1000 كيلو عاديه جداً أو أقل باعتبار إنها بلاش فأحس ما غيرو شي غير الزيت وتشييك سريع مش دقيق ، وغير كذا مش مثل الوكالات الثانية يغسلون السيارة
ويسلمونها لك
- من خلال تجربتي لاحظت أن ملفات كثيره ام بي ثري ما تشتغل في السيارة ؟؟؟!!! بينما تجرب الفلاش في سيارة ثانيه أموره أوكي
- تجربتي مع زر اقتصاد الوقود تصير الدعسه شوي ثقيله و البريك برضو يبي له وقت يمسك ... بخلاف الوضع العادي اموره تمام
- التطعيس والدبل ما بعد جربته .

هذا كل ما لدي هذا اليوم

[Honda Pilot 2016]

السيارة بشكل عام حلوة

- شكلها الخارجي حلو ، الدخليه حلو
- فل الفل فيها فتحته تنده وفيه فتحة بانورما
- شاشة ديفيدي
- الاسيات جلد فيها تدفئة وتبريد 4 اسيات فقط
- مثبت سرعة
- جنوط كبيرة وحلوة
- صرفية الوقود متوسط ، نوع البنزين 91

[Honda Pilot 2016]

- عندي مشكلة بالفلاش أو ام بي ثري : بعض المقاطع تشتغل وبعضها لا ، بالرغم انها تشتغل كاملة في سيارة أخرى مثل تويوتا
- المثبت عندي لما أثبت على سرعة ما يثبت بالضبط على رقم واحد لازم يكون بين رقمين ويتغير على طول ( مثلا لو ثبت على 120 يكون المثبت مره 119 و شوي 120 وهكذا ما يثبت )