لأصحاب أكورد 2008 فقط(نصائح +هدايا من الوكالة)

**Black Accord 2008** · 29-11-2007, 10:08 PM

لأصحاب أكورد 2008 فقط .. نصائح وهدايا

السلام عليكم ورحمة الله وبركاته

كيفكم انشالله بخير ..

ياشباب اليوم جايب لكم أخبار حلوة لأصحاب أكورد 2008 وطبعاً باقي الأعضاء عشان لا يزعلوا في لهم نصيبهم انشالله وحياكم جميعاً بدون اي استثناء وعنوان الموضوع كان فقط لشد الانتباه المهم

نبدأ ..

أولاً

يوم الاثنين الماضي رحت للوكالة عشان دلوعتي وحبيبتي وقلبي وروحي وو

لحد يلومني ياجماعة والله اني احبها ..

المهم .. خلصت الـ 1000 كيلو ولله الحمد

والي صار ..

طبعا مثل ماتعرفوا وأطمن الاخوان الي باقيلهم على الالف صيانتها سريعه جدا حطيتها لهم الصباح الساعه 9

وقالي تعال خذها قبل صلاة الظهر

بس انا مكرمة من عندي قلتله لا خذوا راحتكم انا اخلص دوامي من الجامعه 3 العصر واجي اخذها ..

رحت استلمتها هنا المفاجأة ..

والمفاجأة هذي من ايام 2006 تصير لاكن للأسف ماحد علق عليها بالمنتدى

سألني واحد بالوكالة اعرفه قالي اخذت اغراضك الفرشات والشنط و والطفايه وال...

قلتله لا حبيبي وين يلا على ايدك

ورحت طبعا بالنسبة لأهل الرياض معرض خريص بالقبو فيه مكتب ختملي على دفتر الضمان وعطاني الأغراض هذي ومصورها لكم وهذي الصور مع الشرح

(( صورة العدة كاملة ))

الشنطه الكبيره -- شنطة السلامه

الشنطه الصغيره -- الطفايه

الدعاسات الاضافيه غير دعاسات الوكالة

علبة سيديات القرآن كاملاً بصوت الشيخ محمد صدبق المنشاوي -- رحمه الله

الصورة الأولى

الصورة الثانيه والثالثة

صورة شنطة السلامه من الداخل وبها

علبة اسعافات أولية

ملف تحط فيه دفاترك وأوراقك عليه شعار هوندا

شماسه للسيارة

ميداليه عليها شعار هوندا من جهة وشعار مجموعة عبدالله هاشم من الجهة القانية

علبة حمرا وبها مثلث الطوارىء طبعا مفكك وانت تركبه

وأخيرا أداة لتنسيم الكفرات (( مدري وش لازمتها ))

والشنطة الصغيره الي فيها طفاية الحريق -- بس حطها على ارضية شنطة السيارة وتنشب فيها يعني (تلصق

واضحة بكلا الصورتين

الصورة الرابعه

الميدالية

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

ثانياً

نصائح لأصحاب الأكورد 2008

1

أول ما تاخذ السيارة من الوكالة تكون لمبات الشاشه على الدرجه الاخيره في وضع اللمبات مطفأة

لما تشغل اللمبات تقل قوة درجة الشاشه بمقدار درجه واحدة الي هي ماقبل الاخيره

يعني هالكلام راح يصير بالليل

عن طريق لف زر الريست بالطبلون وانت مشغل اللمبات ولفة لين تكتمل درجات الاضاءة

لاحظ الشاشه راح يتضاعف نورها وصدقوني ياجماعه والله تغطي على شاشة الافالون

2

البنزين تعبت وانا أسأل 91 ولا 95

وكل واحد يعطيني اجابه مره 91 ومره 95

وسألت مهندس بالصيانه قالي

(( الحد الأدنى المسموح نسبة أوكتين 91 يعني اذا تقدر تعبي 95 راح يكون أفضل ))

وقلت لنفسي التجربه خير برهان

كنت معبي فل 91

ونشفته على الأخير لين اشتغلت لمبة البنزين وعبيت فل 95

وبعدها لاحظت عزم السيارة زاد بطريقه ملحوظه جدا وصوت المكينة أهدى

والملحوظه الأهم ان الاستهلاك خف بشكل ملحوظ لدرجة انه اوفر من 91 نفسه

فاسمعوا نصيحتي وعبوا سياراتكم 95

3

أهم نصيحة ياشباب

في ناس معاهم أكورد 05 او 06 او 07

فصوت تنبيه حزام الامان طبيعي عنده

وفي ناس أول مره تاخذ أكورد كسيارة خاصة

فنصيحتي لا تغتر بالي يقولك خذ القطعه من محلات العليان او محلات الغرابي عشان تحطها مكان القفل حق الحزام ويروح الصوت

وأنا شخصيا يمكن 5 أشخاص الى الأن قالوا لي هالمعلومه وانت راح يجيك يوم وتسمعها ويمكن من اعز اخوياك

بل الي يقولك هالمعلومة قوله ياغبي اذا سويت كلامك راح افصل الاير باج واعرض نفسي لخطر أكبر

أنا أقولكم هالكلام لأني بالبداية كنت منزعج جداً من صوت التنبيه لكن عودت نفسي اربط الحزام في مشاويري الطويله اما وقت الدوران واللفلفه اشغل المسجل وارفع الصوت ويضيع صوت التنبيه

وهذي مجرد نصيحة أحب ان غيري يستفيد منها

وآسف على الاطاله

وتحياتي للجميع

**B Unique** · 29-11-2007, 11:56 PM

ما شاء الله عليك
دايماً متميز بمواضيعك

وان شاء الله يستفيدون منها اهل الاكورد 2008

المشاركة الأصلية كتبت بواسطة Black Accord 2008

3

أهم نصيحة ياشباب

في ناس معاهم أكورد 05 او 06 او 07

فصوت تنبيه حزام الامان طبيعي عنده

وفي ناس أول مره تاخذ أكورد كسيارة خاصة

فنصيحتي لا تغتر بالي يقولك خذ القطعه من محلات العليان او محلات الغرابي عشان تحطها مكان القفل حق الحزام ويروح الصوت

وأنا شخصيا يمكن 5 أشخاص الى الأن قالوا لي هالمعلومه وانت راح يجيك يوم وتسمعها ويمكن من اعز اخوياك

بل الي يقولك هالمعلومة قوله ياغبي اذا سويت كلامك راح افصل الاير باج واعرض نفسي لخطر أكبر

أنا أقولكم هالكلام لأني بالبداية كنت منزعج جداً من صوت التنبيه لكن عودت نفسي اربط الحزام في مشاويري الطويله اما وقت الدوران واللفلفه اشغل المسجل وارفع الصوت ويضيع صوت التنبيه

وهذي مجرد نصيحة أحب ان غيري يستفيد منها

صح لسانك
وبيض الله وجهك على النصيحة

لان فيه ناس هنا معاهم حاله نفسيه من الحزام مع انه ما صنع الا لسلامتهم
بس تفكير السعوديين مشكلة !!

:p

**I V** · 30-11-2007, 12:15 AM

يعطيك الف عافية على النصائح الثمينة

**أبووليد** · 30-11-2007, 12:16 AM

مشكووووور ويعطيك العافيه أخوي بلاك أكورد 2008 على موضوعك الرائع واخبارك الحلوه

ومبرووك الهدايا و تستاهلها
مب أنت الأكورد ... أمزح:d

وودي أسألك الله لايهينك انا موتري مطلعه من موزع معرض من 15 يوم تقريبا ومشى تقريبا ماوصل 5000 كيلو وانا لين يومك ماوديتها للصيانه لو اوديها الحين بيعطوني الهدايا اللي ذكرتها
وهل هي فتره محدده ولا مفتوح

وشاكرلك جزيل الشكر
المجانية

**Black Accord 2008** · 30-11-2007, 12:54 AM

B unique

ألف شكر لك يالغالي على مرورك وتشريفك للموضوع ..

لا تحرمنا طلتك ..

تحياتي ..

~~~~~~~~~~~~~~~~~~~~

I V

الله يعافيك يالغالي ومشكور على مرورك ..

~~~~~~~~~~~~~~~~~~~~

أبو وليد

الله يبارك فيك يالغالي ..

حبيبي هذي الملكة أكورد 2008 مو لعب معرض ولا وكالة .. روح انت سو الصيانة حقت الالف وراح يسوها لك مجاناً ..

وانزل المكتب الي علمتك عنه وعطهم دفتر الضمان وقولهم ابي الفرشات والشنط ويعطونك مو لعيونك لعيون الأكورد الي معاك ;) ---------->>رديتها

وعشان اريحك انا كان خويي معاي وعطوه الاغراض وهو معاه سبشل لون لؤلؤي ماخذه من معرض ..

ومشكور على مرورك ..

تحياتي للجميع

انتظر ردورد البقية ..

**accord05** · 30-11-2007, 02:11 AM

الله يحفظك على النصائح
معاي اكورد 2005 ماشي 96.000 تتوقع يعطوني:o

**Accord08** · 30-11-2007, 02:32 AM

المشاركة الأصلية كتبت بواسطة Black Accord 2008

بل الي يقولك هالمعلومة قوله ياغبي اذا سويت كلامك راح افصل الاير باج واعرض نفسي لخطر أكبر

أنا أقولكم هالكلام لأني بالبداية كنت منزعج جداً من صوت التنبيه لكن عودت نفسي اربط الحزام في مشاويري الطويله اما وقت الدوران واللفلفه اشغل المسجل وارفع الصوت ويضيع صوت التنبيه

وهذي مجرد نصيحة أحب ان غيري يستفيد منها
وتحياتي للجميع

أول شي مشكووووووووووووووووووووور جداً جداً على الموضوع الأكثر من رائع

أبدعت صراحة و من جد أنا دائماً أنسى الأمور اللي لي والمفروض حقون السيارات

يعطوا الزبائن كل اللي لهم من هدايا من غير طلب لأنها شي محرج صراحة :d

تعقيباً على موضوع الحزام

نصيحتك في محلها لكن الصوت المزعج هذا شي حلو لأنه يذكرك بسلامتك و اتعود تلبس

الحزام حتى لو انك ماشي في الحارة و تلفلف وتمشي أقل من 10 كيلو واتعود وحط الحزام

لمن تشغل السيارة وترى حتى الحزام اللي حاطينه للركاب اللي في الخلف ترى مهم

وصدقني وجوده زي وجود الـ ABS زي وجود الـ Air bags مهم مهم مهم

لكن الناس تهاونوا وتكاسلوا في الشي اللي ممكن ينقذ حياتهم بعد ارادة المولى عز وجل

تحياتـــــــــــــــــــــي

**AL5FY** · 30-11-2007, 02:38 AM

انا رحت لهم ومعي 2007 قبل شهرين تقريبا ابي فرشات فقط

كرشني :o وقالي هي موجود بس للبيع فقط

اسغربت لان سمعت واحد من العيال يقول رحلهم وعطهم الاستماره وهم يعطونك الفرشات

**تويتي** · 30-11-2007, 04:44 AM

اول شي
يعطيك العافيه اخوي على الموضوع المتميز

ثانيا
انا الوكاله طلعوا الشيب في راسي حتى استلمت طقم السلامه تخيلوا معاي طلعت سيارتي في شهر 2 هجري وما استلمتها الا في 9 هجري رحت لهم في شهر تقريبا 3 وقالوا لي بنتصل عليك مو متوفرة عندنا حاليا قلت اوكيه ولا استلمتها الا في شهر 9 وعطوني الشنطه و الطفايه اما الفرشاة وشنطه السيديات ما عطوني
واسف على الاطاله وتقبلوا مروري

**العازف** · 30-11-2007, 10:20 AM

حتى انا عطوني وقت ما استلمت السياره من الوكاله طبعا يوم شريتها بس شنطه السيديهات سحبوا علي ما عطوني

**الـمـسـافـر** · 30-11-2007, 10:45 AM

يعطيك العافيه على النصايح

وأخيرا أداة لتنسيم الكفرات (( مدري وش لازمتها ))

^^^^^ شكلك تقصد عيار الهوا للكفرات

**B Useful** · 30-11-2007, 01:20 PM

طلعت اكوردتي الاولى 2006 سبشل لون اسود ...
وورقة عشان استلم فيها الهدايا ..
كل اسبوع اروح .. ماجت ويصرفوني ..
سويت حادث بالسيارة و راحت التشليح ..

طلعت الاكورد الثانية لؤلؤية 2006 فل 4 سلندر ..
ورحت بالورقة الاولى ... ووصلت الهدايا اخيراً ...
الله يرحم السيارة الاولى ما تهنت بالهدايا ..
لكني شفتها شراها واحد وصلحها

الف الف مبروك لك اخوي ..

**عـبـادي عـاشـق هـنـادي** · 30-11-2007, 02:47 PM

يعطيك العافيه اخوي على النصائح الحلوه
ويعطيك خير الملكه ويكفيك شرها

**Black Accord 2008** · 30-11-2007, 04:55 PM

accord05

Accord08

AL5FY

تويتي

العازف

الــمــســافــر

كوكو كورد

عـبـادي عـاشـق هـنـادي

ــــــــــــــــــــــــــــــــــــــــــــــــــ

مشكورين ياشباب على مروركم ..

وبالنسبة للي معهم 2006 وو 2007

يروح يجرب حظه هم ما يقولوا لأ الا اذا صار الختم موجود انك استلمت الهدايا

اذا الختم مو موجد اصلا مايسألك وش السيارة ولا الموديل ..

فكل واحد يروح يجرب حظه ..

تحياتي للجميع

وانتظر ردود البقية

**momo** · 30-11-2007, 09:23 PM

الختم وين يكون لان انا اعطوني كل شي الا سيديات القران

وما ختموا يعني اقدر اخذ مره ثانيه

**The Stig** · 30-11-2007, 09:34 PM

ماشالله تبارك الله !

اتخيل يعطوني سيديات قراَن والله انهم

المفروض من زمان هكذا !

والله يخلي الحللو الك

**92.500** · 30-11-2007, 10:33 PM

أنت بطل يابلاك !

**و د ا السعوديـة 1 5 5** · 01-12-2007, 12:12 AM

تسلم على النصايح والموضوع الحلووو
والله انك صادق في موضوع الحزام والى يبغاء يفتك منه ومن صوته من خلال شراء القطعه صح يروح الصوت بس ما يدري وش الاضرار الى تصير لاسمح الله لو صار حادث انوه ما راح يطلع الايرباق
ونصح الكل يربط الحزام

وشكرا اخوي وتقبل مروري

**ملكـ بلا مملكة** · 01-12-2007, 01:03 AM

ما شاء الله عليك
دايماً متميز بمواضيعك يااخوي بلاك اكورد 2008 ومبروك عليك الملكة مره ثانية

وان شاء الله يستفيدون منها اهل الاكورد 2008

**seraj_9196** · 29-12-2007, 05:10 PM

تسلم حبيبي على المعلومات الحلوه ....

بس بقولك أنا الأغراض لانت عطوك ياهم في 1000 انا يوم أستلمها عطوني ياها لاكن بدون

القرآن وبنسبة للبنزين أنت متأكد 95 انا عبيتها الحين مرتين بس وكلها 91

**ssstsss911** · 30-12-2007, 12:10 AM

أنا أستلمت الهدايا مع إستلام السيارة من معرض هوندا اللي بطريق المدينة بجدة موديل 2006
أستلمتها بشهر 3/2006

**Black Accord 2008** · 30-12-2007, 02:11 AM

مشكورين حبايبي على مروركم الأروع

وبالنسبة لك أخوي سراج أنا عن تجربة للنوعين لقيت الـ 95 الأفضل

وانت جربها ماراح تخسر بس لازم تعبي التانكي كاااملا بأحد النوعين

مرة ثانية اشكركم جميعاً على مروركم ..

تحياتي

**DuGarrY** · 30-12-2007, 01:13 PM

عاد تدرون انا زود ما تعودت على صوت الحزام صرت ما اسمعه

الا اذا احد ركب معي يقول ليه مزعج وانا اقول وش الي مزعج ؟ انا ما اسمع شي

والا اذا دق علي واحد يقول مسرع انت ؟ وانا اصلا ما اسمعه صار وضع طبيعي