تــــــقــــــريـــــر قـــــــــــــوة الأحـــــــــــــــــــــلام

[دحوم]

السلام عليكم كيف حال الشباب بصراحة رحت محل قوة الأحلام بالرياض وهو تقريباً قريب جدا من وكالة هوندا اللي على طريق خريص أنا توقعت المحل كبير وعلى شارعين وفخم أو دورين لكن لقيته صغير لكنه مرتب وكل إكسسواراته لهوندا أكورد بصراحة المحل أعجبني مرة لدرجة أني أفكر أي شيء راح أحطه في سيارتي الأكورد راح اتجه له فوراً وبدون أي تردد بصراحة دار بيني وبين راعي المحل حوار حول المحل وعن الزينات اللي يقدمه للزبائن فقال لي أن بعض الزينات نجيبها من الخارج والبعض الآخر نشتريها من الوكالة أو بالتعبير الصحيح نتعامل مع الوكالة ويوفرنها لنا بصراحة عندهم أشياء أفضل من الوكالة أنواع التخشيب والزينات اللي ما تحصلها في الوكالة ولا في أمل يجيبها لنا عبدالله هاشم إليكم بعض الإكسسوارات اللي أعجبتني وممكن أحطها لا تستغربون لانها تستاهل وبصراحة الواحد معه أكورد كن معه ;) بنت وده يدلعها ولا ينقص عليها شيء ولا يستكثر عليها أي شيء صح ولا لا ياأصحاب الأكورد كل شيء لعيونك يالأكورد يرخص لك الإكسسوارات الي شفتها واعجبتني من الحلو إلى الأحلى تصاعدي :

1- الزينون يقول لي لا يهمونك اصحاب المحلات اللي يركبون الزينون يسون له ترهيم أي عفسه في السيارة ويقول ممكن تتأثر الشمعة لدرجة أنك ما تقدر تضع اللمبة اللي جايه وكالة في الشمعة لأنهم يكونون خربوها عليك فتضطر أنك تشتري شمعات جديدة وتركب الوكالة فيها من جديد عند إرادة بيعها وعلى فكرة الزينون عليه ضمان مدة سنة وسعره 1000ريال ألماني .
2- التنجيد بصراحة لفت نظري في المحل مرتبتين منفصلتين عن بعضهما البعض قلت لها وش قاعدين يسوون المرتبتين عندك لا وبعد وكالة قال لي لا هذا تنجيدنا نعرضه للزبون بس ماشاء أحرك المرتبة وأشوف يمين ويسار وتحت وعلى الجنبين ما شاء الله وكالة نصيحة للي يبي ينجد يروح عندهم لا وبعد ينجدون اللي على البيبان نفس الوكالة .
3- الدركسون بإمكانك تشتري دركسون للسيارة ويعدلون فيه التعديل اللي تبغاه يعني مثل اللون أو الشكل من 2005 إلى 2006 بس يقول يأخذ شغل معنا لمدة ثلاث أيام يقول الشغله مهي هينة أبدا لكن الشغل مضمون مية في المئة .
4- التخشيبات المنوعة والكثيرة حاطه كل نوع من أنواع التخشيبات على قطعة حلوة من الرخام صغيرة وشكلها يعطي منظر مغري التخشيبات بنفسها تهول بإمكانك تشيل التخشيبات اللي عندك في السيارة وتحط تخشيبة غير وتتميز أو اللي معهم أكورد سياحي حط 2006 أو غير راح تلاقي أفضل وعلى رغبتك تخشيب للسيارة بالكامل .
5- مسجل السيارة اللي عندهم مثل اللي عند عبدالله هاشم لكن فيه حركة حلوة وهو التخشيب على حواف المسجل وفي الوسط ليعطيك منظر لافت وحلو في نفس الوقت وسعرهاأتوقع مثل عبدالله هاشم لكن بزيادة التخشيبة .
6- عندهم مراية المانعة للتوهج أو اللي تخفف من نور السيارات اللي وراك وأيضا فيها الإتجاهات اللي تسير فيها نصيحة للي معهم سياحي يحطونها أما أنا مستحيل أنا جاية وكالة .
7- جهاز قياس الحرارة الخارجية وبصراحة هو أكثر شيء ابهرني لأنه من الأشياء اللي أدور عليها لكن مالقيتها لكن هذي المرة لقيتها ونفس اللي في الـــ6 سلندر تجي في مكان شاشة الكيلو متر يعني نفس الوكالة بالضبط وسعرها 1400ريال وهذا الشيء ألاحظه إبداع بصراحة لأن الغالبية اللي يملكون هوندا أكورد يتمنون هذا الشيء التافه اللي بصراحة منعها عنا عبدالله هاشم .

وفيه أشياء سألته عنها مثل جهاز الطي للمرايات قال المشكلة لايوجد الفني اللي يشتغل هذي الشغلة :( ويقوم بفك المرايات ومن ثم إضافة الجهاز أما الجهاز فلا مشكلة نستطيع أننا نجيبه من برا لكن المهم الفني لأنه مشكلة لو خرب عليك تقعد بها .

الشيء الثاني سألته عن التحكم بالمسجل عن طريق الدركسون قال هذا كثير شباب يسألون عنه لكن المشكلة لو ركبناه راح الضمان ثاني شيء أصلاً هو ليس موجود عندنا لكن ذكر لي قصة واحد يريد أن يركبه راح للوكالة وقال لهم أبي أركبه بالي هيبه قالوا له ترا راح يروح الضمان قال بسلامته المهم يركب قالوا له ترا مالنا شغل لو صار أي شيء من عدم ضبطه قال توكلنا على الله لأن المسألة ياشباب هو تفكيك الدركسون ومن ثم المسجل ومن ثم توصيل الجهاز إلى السماعات بصراحة شغله متعبة وممكن يترتب عليها أضرار علىالسيارة مستقبلا سواء من السماعات أو المسجل أو الجهاز نفسه فالحذر الحذر .

وطبعاً بإمكانك انك تقلب سيارتك لرياضية عندهم بصراحة أشياء خاصة للذين يبغون يقلبون السيارة إلى سبوت مثل هواية الكبوت و الزينة على الرفاف والجناح والنسافات وقلب لون السيارة إلى الأحمر يعني راح تكون السيارة رياضية من جوا ومن برا بمعنى الكلمة .

أيضا عندهم زينات حلوة واللي أعجبني يقول درجة الباب نحط لك درجة ثم تضاء مع فتحت الباب بصراحة فله وحلوة ولا يحتاج لها تخريم ومن ثم المحافظة على درجة السيارة الأصلية حيث تركب عليها لزق .

ومن ثم انتهت زيارتي للمحل وشكرته على معلوماته الحلوة لكن ماشريت منه شيء لأني رحت أشوف فقط لكن يوم جيت البيت حطيت في باله ألف شغله وشغله :o ابي اشتريهامنه واعجبتني .

تكملة لمشواري يوم السبت الموافق 22/4/1427هــ وقت المغرب من الساعة 6والنصف من ذو خروجي من البيت إلى 8 عند اذان العشاء .

قبل لا أروح للبيت رحت للوكالة وسألتهم عن أدوات السلامة تصدقون ثلاث شهور لي شاري السيارة ولا عطوني الأدوات إلا يوم رحت لهم هذا وانا حاط لهم رقم التليفون واسمي بالكامل واكتشفت انها عندهم لكن ما ودهم يتصلون المهم سلمت لهم الورقة اللي جايبها من المعرض عشان استلم الأدوات السلامة بموجبها ووقعت واخذت اغرضي لكن قبل لا أتوكل قلت لهم ممكن اشوف الكشافات اللي تجي من الوكالة قالوا ابشر راح جابه لي سعودي الله يعطيه العافية كان متعاون معي ووراني إياها وبصراحة تقول بنت مكحلة عينها شكلها حلو مرة واهي في راسي إن شاء الله شكلها دائري وحوافها لونها اسود تعطيك منظر خلاب وياتي معها فاصل جديد للأنوا العالية والواطي وللكبوس ( الكاشفات) وسعرها فوق الـــ1000ريال المهم انتهت رحلتي وآسف على الإطالة . يالله سلملم . ( إذا كان الموضوع يستاهل أرجو من الإدارة التثبيت وشكرا لتعاونكم ) .

[أبان الطباع]

في الحقيقة الموضوع رائع ومفصل تماماً وهو كتجربة القيادة تماماً!

لي ملاحظة وحيدة، أرجو من جميع من يذهب إلى محل قوة الأحلام عن طريق نادي محبي هوندا أن يخبرهم أنه سمع عنه من نادي محبي هوندا.

[accord 06]

ما شاء الله عليك يا دحوم ابدعت في هالموضوع

الشيء الثاني سألته عن التحكم بالمسجل عن طريق الدركسون قال هذا كثير شباب يسألون عنه لكن المشكلة لو ركبناه راح الضمان ثاني شيء أصلاً هو ليس موجود عندنا لكن ذكر لي قصة واحد يريد أن يركبه راح للوكالة وقال لهم أبي أركبه بالي هيبه قالوا له ترا راح يروح الضمان قال بسلامته المهم يركب قالوا له ترا مالنا شغل لو صار أي شيء من عدم ضبطه قال توكلنا على الله لأن المسألة ياشباب هو تفكيك الدركسون ومن ثم المسجل ومن ثم توصيل الجهاز إلى السماعات بصراحة شغله متعبة وممكن يترتب عليها أضرار علىالسيارة مستقبلا سواء من السماعات أو المسجل أو الجهاز نفسه فالحذر الحذر .

ما قالك وش صار عليه ضبط و لا لا ؟؟

[أكورداوي]

يعطيك ألف عافيه على مجهودك ..


وبصرااحه أنت تغري الشباب وأنا أولهم صحيح اني من الدمام لكن مايمنع أزوره اذا رحت الرياض وبصراحه أنا الي أبيه شيئين فقط .. زينون و تخشيب للدركسون وممكن أضيف جناح ونسافات لأني شفتها عند جارنا طالع شكلها جنان ..


على العموم ماقصرت وياليت مثل ماقال أخوي honda الي يروح له يبلغه انه جاي من طرف النادي ..

لأننا نبي نكسب صاحب المحل...

[NEO FOX]

السلام عليكم

يعطيك العافية يا دحوم و هذا موقعهم للي يبي يزوره ...

http://www.honda-sa.com

تحياتي

[دحوم]

مشكور أخوي Accourd 06 مافهمت وش اللي تعنيه بهاالكلام ( ماقالك وش صار عليه بالضبط ولالا ؟؟ ) .

مشكور أخوي أكورداوي بس أنا بصراحة قلت له انا جايكم عن طريق موقعكم ليتني قلته عن طريق نادي محبي هوندا كان افضل لكن يالله نسيت ومشكور على ردك وأنا انصح الشباب سواء في الدمام أوفي جدة أو في أي منطقة انهم يجون للرياض ويشوفون هذا الحدث الرائع الصغير في حجمه والكبير في فعله رجائي الخاص الأكورد حلوة ويبغالها شيء حلو حرام نعبث فيها بأي شيء لازم نحط فيها شيء ونصير متأكيد وأفضل شيء يكون عليه ضمان لأن السيارة بصراحة تحفة فنية وروعة ودلع والغالي يرخص لها ياجماعة كلامي صح ولا لا .

ومشكورين ياإدارة هوندا وكلامكم صحيح حتى يشملنا تخفيض خاص .

Neo Fox الف شكر لك حبيبي على ردك وانت بصراحة اللي حمستني يوم دخلت على الرابط فقررت أروح لهم بفضل الله ثم بفضلك طال عمرك الله لا يحرمنا طلبتك .

[دحوم]

Accourd O6 فهمت عليك لم تمعنت في كلامي وطبقته على اللي قلته ( نعم قال أنه ضبط لكن راح الضمان ) وشكراً .

[الاخطبوط]

والله يادحوم المحل هذا زرته ولا خمس مرات بحكم انه قريب من البيت

بس تصدق يمكن مااقدر اوصفه زي وصفك ماشاء الله عليك

انا اشتريت من عندهم برقع مفصل وجاهز لاكوردتي2006

فيه ايضا عندهم دعاسات اقدام ملكيه شي خيالي بـ 100 ريال شوفوها واحكموا بس مااشتريتها

كنت بركب عندهم الكشافات بس قاللي الفني مو موجود وبيجيبون واحد جديد

اللي ابي اركبه من جد ميزان الحراره
بالله دحوم اذا ركبته عندهم عطني خبر كيف شغلهم وضبط معك ولا كيف لاني 99.9% راح اركبه

لاني اخاف من شغلات الفك هذي

[أبان الطباع]

تم تثبيت الموضوع حالياً، لكن لو رأى مشرف القسم بالمستقبل عدم ضرورة تثبيته فله الحق في إلغاء التثبيت.

[BLK]

مشكووووور أخوي الغالي دحوم على الموضوع ... صراحة كنت أنتظر من فترة طويلة أحد من أهل الرياض يكتب لنا عن المحل الممتاز ... تحياتي لك ...

[أكورداوي]

والله من جد الموضوع يستحق التثبيت ..

وان شاء الله تسمعون أخبار حلوه في القريب عن المحل لأني ناوي أتفق مع صاحب المحل على خصومات خاصه بالأعضاء ...

[دحوم]

الأخطبوط : مشكور أخوي على الرد وأنا بصراحة مثلك شريت برقع للأكورد لازم نحافظ على السيارة هذي أكورد ياناس لازم ندلعها :d بس بصراحة شريتها من الغرابي بسعر 150 ريال بصراحة ألاحظ أنه غالي:( لأن المسألة كلها قطعة جلد وفلين مرتبة حتى طلعت تناسب الأكورد لكن ياحبايبي كل شيء للأكورد يرخص;) اللي معنا مهو سيارة إنما بنت;) متخبأة على شكل سيارة وكل شيء يرخص لعيونها فلازم نحافظ عليها من جميع النواحي وأنا أقول للي بيجلد الأكورد نصيحة يبتعد عنها لأنها بتجلده بأقسى شيء عندها ألا وهي قطع الغيار نار الله يكفينا الشر , وإن شاء الله إن ركبت مقايس دراجة الحرارة راح أعلمكم كيف طريقة تركيبة وش راح يحصل بإذن الله لأنه بصراحة ألاحظ أنه شيء مهم جداً لكن عندنا وكيل الله يعين بس همه تجميع الفلوس ما تشوفون سياراته قليلة مع أن إسم الوكالة كبير لكنه يتنقى وين ربح في أي سيارة راح يجيبها الله يهديه معذبنا معه حتى في الصيانة والإكسسوارات .

مشكورين يالإدارة على التثبيت وأقدر لكم ذلك وعساكم دوم على القوة وصدقوني تثبتكم للموضوع تشجيعاُ لي لأن أذهب مرة ثانية للمحل وأجيب لكم تقرير ثاني أكثر تفصيلاً عن السابق لكن لازم ننتظر عشان نشوف شيء جديد ونقول عليه ولا وش رايكم .

[دحوم]

BLK إذا كنت تشكرني على الموضوع فأنا اتشكر لتفاعلك وتحمسك معي في هذا الموضوع وشكراً لثقتك بأن المحتوى هذا لابد من تثبيته بصراحة شجعتني وعطيتني دافع اكبر عشان اجيب مثل هذي المواضيع وإن شاء زيارة ثانية قريبة :o لهم بتفاصيل جديدة وشكرا لك مرة ثانية .

أكورداوي مشكور على ردك وبصراحة فكرتك تجنن اللي هي فكرة الخصم بصراحة أنا اتفق معك في تثبيت الموضوع لأنه يهم هذا الموقع وخصوصاً هذا المنتدى منتدى الإكسسوارات وعشان اللي خارج الرياض يعرفون المحل ويكون له إنتشار في الرياض بصراحة محل قوي ولا يتفوت وشكراً مرة ثانية .

هديتي لجميع الأعضاء :
( أي واحد من خارج الرياض وحاب يروح المحل عشان يركب قطعة معينة أو إكسسوار ........إلخ ومشكلته ما يعرف المحل يبغى من يدله أو أنه جديد على الرياض كلياً ما يعرف أي شيء أنا مستعد برسم الخدمة أوصله:d المحل أو ادله عن طريق التليفون في أي وقت يعجبه ومتى ما جاء إلى الرياض أنا بخدمته حتى يروح سالم وغانم إلى ديرته سواء كان المحل أو الوكالة في خريص أو الغرابي أو أي محل زينة ما يعرفه ويكون معروف بالنسبة لي أنا في خدمتكم بالعكس إخواني ومشكلتكم هي مشكلتي لابد من التعاون في هذا المنتدى بدل الصداقة أخوه فما عليكم إلا إن ترسلوا لي رسالة خاصة موضحاً فيها المدينة اللتي أنت منها و الموعد اللي تريده والمكان اللي راح تقصده سواء قوة الأحلام أو غيره من أماكن الإكسسوارات والله لا يهينك حط رقم جوالك :d عشان اتصل عليك ويكون بيننا اتفاق ) ودمتم سالمين . سلملم .

[أكورداوي]

هديتي لجميع الأعضاء :
( أي واحد من خارج الرياض وحاب يروح المحل عشان يركب قطعة معينة أو إكسسوار ........إلخ ومشكلته ما يعرف المحل يبغى من يدله أو أنه جديد على الرياض كلياً ما يعرف أي شيء أنا مستعد برسم الخدمة أوصله:d المحل أو ادله عن طريق التليفون في أي وقت يعجبه ومتى ما جاء إلى الرياض أنا بخدمته حتى يروح سالم وغانم إلى ديرته سواء كان المحل أو الوكالة في خريص أو الغرابي أو أي محل زينة ما يعرفه ويكون معروف بالنسبة لي أنا في خدمتكم بالعكس إخواني ومشكلتكم هي مشكلتي لابد من التعاون في هذا المنتدى بدل الصداقة أخوه فما عليكم إلا إن ترسلوا لي رسالة خاصة موضحاً فيها المدينة اللتي أنت منها و الموعد اللي تريده والمكان اللي راح تقصده سواء قوة الأحلام أو غيره من أماكن الإكسسوارات والله لا يهينك حط رقم جوالك :d عشان اتصل عليك ويكون بيننا اتفاق ) ودمتم سالمين . سلملم .

يعطيك ألف عافيه أخوي دحوم وهذا والله من طيبك ..

[دحوم]

يالله ياشباب وين الردود وين اللي يحبون الأكورد خلوا الموضوع يثبت زيادة .

[Accord 4 EvEr]

دحووم يعطيك 25458796558 طعش عافيه ..

انا ناوي على الرياض ان شاءالله الاسبوع الجاي او اللي بعده بس عشان اركب الجسر حق الابواب والكشافات ...


وراح تجيك رساله مني قريب

فووتكووو بعافيه

[دحوم]

الله يحيك واي شيء تبغاه اخوي Accord 4 Ever انا بالخدمة وتقبل تحياتي .

[أكورداوي]

دحووم يعطيك 25458796558 طعش عافيه ..

أقسمها على جتا هـ يطلع الناتج 6589764976947680976487648067 طعش عافيه

[الغروب]

يا شباب مداخلة سريعة ما هي مميزات وعيوب أوديسي عااااااااااجل

[دحوم]

إن شاء الله الشباب يفيدونك وحياك الله من مشاركتك واضح انك جديد ومشكور على زياتك لموضوعي .

[lord033]

مشكوووووووووووور اخوي ع التقرير الحلو

لكن مع ان المحل مو بعيد من بيتنا الا اني ما فكرت ادخله :(

احس ان اسعارهم اغلى من الوكاله

وانت اكدت لي الكلام هذا

لكــــــــــــــــــن

دامكـ رحت لهم

ماسألت عن الكشافات الارضيه

وهل هي مثل حقات الوكاله

وبكم اسعارهم ......

وهل فيها فاااااصل ..

لأني احتمال اركبها يا عندهم او عند العليان الي على خريص

في العطله ان شاء الله

وكيف الكبوس الي اخذتها من الوكاله

ووين مكان الفاصل بالظبط ؟؟

ومشكوووووووووور يالغلا ...

وآسف ع كثرة الاسئلة

[دحوم]

ماسألت عن الكشافات الارضيه

وهل هي مثل حقات الوكاله

وبكم اسعارهم ......

وهل فيها فاااااصل ..

لأني احتمال اركبها يا عندهم او عند العليان الي على خريص

في العطله ان شاء الله

وكيف الكبوس الي اخذتها من الوكاله

ووين مكان الفاصل بالظبط ؟؟

ومشكوووووووووور يالغلا ...

وآسف ع كثرة الاسئلة

[/quote]

اخوي LORD ياهلا والله وسهلا بالنسبة للكشافات سألتها عنها في قوة الأحلام وقالوا مانركب إلا اللي 450ريال القديمة وبفاصل ويقول ممكن تجينا حقت الوكالة لكن نصيحة رح للوكالة وركبها وعليهم فاصل يدوخ راح يشيلون لك فاصل الشمعات والإشارة اللي في السيارة ويركبون لك فاصل جديد جاي معه فاصل الكشافات يعني وكالة , ولا تركبها إلى في الوكالة والعليان مثل قوة الأحلام ماعندهم إلى القديمة انا بنفسي زرتهم وأنا ماأخذت كبوس لكن افكر في الموضوع ولا راح اخذ إلا وكالة وشفتها بصراحة واعجبتني وعندي طلب منك رح للوكالة مدامها قريبة عندك وشف الكبوس وربي تجنن ممكن تحطها على طول إذا كانت الميزانية OK , وعادي اخوي كثر من الأسئلة وانا راح اكثر من الأجوبة هههههههههههههههههههههه وياهلا وسهلا مرة ثانية

[الهدوء طبعي]

مشكور اخوي على الموضوع الروووعه

صراحه كفيت ووفيت

بس حبيت استفسر عن الزنون تقول 1000 ريال وألماني

يعني هل الزنون ذا مضبوط ومن النوع الممتاز وتنصحنى نشتريه ؟؟

ثاني شي شغلهم بالتركيب نظيف والا يعني اسلاك وكهرب ؟؟

والف شكر اخوي ,,

[ن ك د السـعــــوديه 3 5 7]

يعطيك اللللللللللللللللللللللللللللللللللللللللللللللللل للللللللللللللللللللللللللللللللللللف عافيه اخوي دحوم انت والشباب

واليوم انا انشاء الله رايح المحل وباشوفه ;)

وماعليكم اباقول لهم اني جاي من طرف نادي محبي هوندا

[دحوم]

اقولك اخوي الهدوء الطبيعي انا اقول رح للعليان وركب زينون الفيليبس ماشاء الله عليه زينون بي ام ومرسيدس يكفيك بس سعره غالي يعني الدبل يعني 2200 ريال بس يستاهل وانا راح احطه في القريب العاجل وترقب تقرير عنه وشكرا , اخوي نكد ان شاء الله ان المحل نال على اعجابك بصراحة ماشاء الله مميز مرة .