الهوندا في مصر

**7amed el gamed** · 11-12-2007, 05:13 AM

نفسي أعرف ليه الهوندا مش واخدة حقها في مصر زي الخليج .. مع إن في سيارات كتيرة في مصر أغلى من الهوندا ومع ذلك منتشرة أكتر.. يعني المرسيدس والبي إم مثلا منتشرين جدا عندنا .. أما الاكورد مش موجودة عندنا اساسا.. هي موجودة بس مش بتتباع.. لما سألت الوكيل عندنا ( الفطيم مصر ) عرفت ان الاكورد 2007 تمنها 350 الف جنيه.. طبعا الناس هنا عندها تجيب بي ام بالمبلغ دا او جيب شيروكي او اي اختيار آخر احسن من انها تجيب اكورد لأنهم مايعرفوش قيمة الهوندا .. عشان كدة احنا عندنا الهوندا يعني سيفيك او سيتي بس.. وطبعا السيفيك عندنا هي التوب
ومع ذلك مش منتشرة اوي
فيه سؤال بس يا ريت حد يجاوبني عليه.. السيفيك في الخليج 1800 سي سي و140 حصان وعندنا في مصر 1600 سي سي و140 حصان برده.. ازاي في الخليج وفي مصر 140 حصان مع اختلاف السعة بين 1800 و 1600؟
هل هي فعلا كدة ولا بيضحكوا علينا هنا ولا إيه ؟
أرجو الرد وشكرا

**A N M A R** · 12-12-2007, 01:13 AM

والله ياعزيزي ماقدر افتي من عندي

بس اكيد انتم 1800

روح تاكد من المحرك في الوكاله هادي افضل طريقه

**7amed el gamed** · 12-12-2007, 11:18 AM

انا متأكد انها 1600 سي سي ..وسألت في الوكالة وفي كل مكان قالولي 1600 سي سي
أساسا فئة ال 1800 سي سي غير متواجدة في مصر عشان الجمارك بتزيد كتير اذا زادت السعة عن 1600 سي سي
لكن السؤال الفني اللي عايز أسأله : هل قدرة المحرك ليس لها علاقة مباشرة بالسعة الليترية؟؟؟؟

**7amed el gamed** · 15-12-2007, 01:47 AM

واضح ان هنا منتدى محبين هوندا في الخليج فقط.. مش في الوطن العربي كله
عموما انا عايز أسأل سؤال واحد بس : السيفيك ال1800 سي سي اللي في الخليج 140 حصان ولا أكتر ؟
متهيألي دا سؤال سهل .. ياريت حد يجاوبني ويقولي السيفيك كام حصان؟ انا اعرف انها 140 بس عايز أتأكد
وشكرا

**م م و السعوديه 5 5 7** · 15-12-2007, 09:51 AM

^^^^^^^
حياك الله أخوي شرفتنا بمشاركتك معنا
والمنتدى عربي ومو مقتصر على أهل الخليج فقط
لكن الغالبية العضمى من الأعضاء خليجيين

!!
.................................................. ......
وبالنسبة لسعة المحرك اللترية أكيد لها علاقة بالقدرة الحصانية
لكن هذا مايمنع انك تحصل سيارة بسعة لترية أقل وعدد أحصنة أكثر مقارنة بغيرها ;);).
أما سؤالك عن عدد أحصنة السيفيك ان شاء الله شباب السيفيك ما يقصرون بس أصبر عليهم شوي

.
وينكم يالسيفيكاوية فشلتونا

.

**Kemo0o** · 15-12-2007, 09:57 AM

السيفيك الخليجي 1800 سي سي 154 حصان يا أخي
عاوز تتأكد ادخل هنا
http://civic.hondauae.com

اما اللي في مصر 1600 سي سي 140 حصان

اما بالنسبة للشكل الاوروبي SI اللي مش موجود عندنا لا بالخليج ولا بمصر وهذي صورتة

الفئة 1800 منه 140 حصان لانه ثقيل الوزن شوي عن الموجود عندنا

أتمنى أكون أفدتك

**o-k-r** · 15-12-2007, 08:35 PM

^^^^^^^
صحيح كلام بو الشباب

**7amed el gamed** · 15-12-2007, 10:55 PM

بجد بجد بجد انا متشكر جدا لكل الشباب اللي افادوني بالمعلومات دي
انا بقالي كتير بدور في النت على المعلومة دي وماكنتش لاقي اجابة.. بس انتم يا شباب ما قصرتم
اصل كانت طلعت اشاعة ان السيفيك اللي في مصر مش 140 حصان والتوكيل بيضحك علينا.. بس الحمد لله اطمنت .. أصلي حاجزها وحستلمها قريب ان شاء الله.. لذلك تقبلوني عضو دائم في منتداكم الرائع
شكرا جزيلا مرة اخرى

**أكورداوي** · 18-12-2007, 05:06 AM

المشاركة الأصلية كتبت بواسطة 7amed el gamed

بجد بجد بجد انا متشكر جدا لكل الشباب اللي افادوني بالمعلومات دي
انا بقالي كتير بدور في النت على المعلومة دي وماكنتش لاقي اجابة.. بس انتم يا شباب ما قصرتم
اصل كانت طلعت اشاعة ان السيفيك اللي في مصر مش 140 حصان والتوكيل بيضحك علينا.. بس الحمد لله اطمنت .. أصلي حاجزها وحستلمها قريب ان شاء الله.. لذلك تقبلوني عضو دائم في منتداكم الرائع
شكرا جزيلا مرة اخرى

نتشرف والله يالغالي

**محمد بن عبد العزيز** · 18-12-2007, 05:32 AM

ايضا نتشرف بوجودك معنا...

حياك الله معنا
ومنور الحته ياباااااااشاااااا

**ملك مملكة جدة** · 31-12-2007, 04:27 PM

يا صاحبي انا لما جيت على مصر انصدمت بالـ bmw ؟ ماشيه بطاسات ( غطاء عجلات ) ؟

و بعدين لو انا عندكم و ما راح اخذ اكورد لانه سعرها مره غالي و زي ما قلت اشتري بي ام و خلاص