الموضوع: بين الـ مكسيسس ، والـ دانلوب ، والـ ميشلان ، هل من نصيحه من مجرب ..؟!

السلام عليكم ورحمة الله وبركاته ..


من المعروف والسائد بين العرب بل بين العالم بأسره ..!
أن السياره صغيرة كانت او كبيره ، شاحنة أم لموزين ، سيكل ولا عربيه ..!

فإنها تمشي على كفرات ، لكن تختلف من سياره إلى سياره بحسب طبيعتها ..!
والمعروف أيضا ان السياره يكون لها دركسون بحيث إذا وصلت للبقاله تبي تشتري زبادي تلف به ..

واحد من الشباب عنده دركسون مخشب للمبادله ، راس براس
للتفاصيل والباميا ، راجع هذا الرابط ..
http://www.hondaarabia.com/club/showthread.php?t=5666

>> معليش إعلان غير مدفوع الثمن :s


المهم يابعد قلبيني ، شكلكم كلكم بالتجمع اليوم
ليتي بالرياض حتى أكون معكم .. :(

طيب ، هذا الموضوع إذا رجعتوا لازم تشوفونه ، والي مايشوفه ماعلي منه >> دج الولد :d
الموتر بتاعي العزيز علي وعلى أمي الحبيبه أيضا ، بدا يتدلع علي ويقول غير لي كفراتي لا أفقعهن وأخليك تموت ، فأنا ومن باب خوفي على نفسي قلت خلاص يابن الحلال ابغيرك بس خل نشوف الحبايب في النادي ونشوف الي جرب والي عنده خلفيه او شاشة توقف ..

رحت اليوم لورشتين وسألت عن الكفرات ، وطلبت منه الكفرات الي ماتصدر إزعاج وصوت الزفلت
وصوت عيون القطط إذا وطيتهن طبعاً ، ولينات على الطريق ..!

عطان ثلاث أنواع
المكسيس بـ 170 ريال
الدانلوب بـ 200 ريال
الميشلان الي هو بتاع الوكاله بـ 400 ريال وحوله ، مانب متأكد ..

فـ الله لايهينكم تشوفون لي الأفضل عمرا وراحة ..!
والله يعطيكم ألف ألف عافيه ومازولا بعد ..

الموضوع بدون مراجعه ، لأني حاط اميمتي عند ابو ريالين وهذا تدق علي ، فـ غضوا الطرف عن الأخطاء

محدثكم شركة أبو سلمان وأولاده
سلام عليكم ..