الموضوع: شوفوا الرد رقم 11 والله فضيحه

المشاركة الأصلية كتبت بواسطة الــمــســافــر

والمشكله بعد انه من اعضاء النخبه

من تقصد ؟؟؟

المشاركة الأصلية كتبت بواسطة أبو عــزوز ..

أنا يكفيني تجربه أعز اصدقائي ..
اشترى كامري 2007 .. بعد أسبوعين قابلته -بحي السليمانية للي يبغى يدري وين ادور فيه انا- وسألته عن الكامري والله ياشباب قالي غلطت عمري شريتها
الرجال .. راح يمدح الكامري عند أخوهـ لان أخوهـ ناوي على سيارة .. وبالأخير أخذ الكامري أخوهـ
وهو اشترى أكورد 2008 .. ويقول لاأبو الكامري وأهلها ..
قبل يومين كنا واقفين بالشارع ونسولف .. إلا يمر كامري 2007 .. الرجال أخذ يبصق -يتفل- على الكامري ويسب ويدعي عليه وأنا قلت له وليه ياأبوعبدالله قال الله يلعنهم ..

وأول ماشرى السيارة .. فتحت له الشنطة وأطلع له شنطة ادوات السلامة .. وأفتحها قدامه
قالي ياأبو عزوز تصدق أحسبها زي الكامري .. قلت كيف ؟؟ قال الكامري مايجي معاها شي إلا ماطور وصيني بعد ..

طولنا بالسوالف .. بس يكفيني تجربت خويي وأثق فيه اكثر من أي شخص آخر ..

الكامري ماتقارن بالاكورد




اشكرك اخوي ابو عزوز على مرورك



تحياتي

المشاركة الأصلية كتبت بواسطة BLACK_ACCORD

انا راح اسكتهم كلهم

تعال الكويت ..... الوكيل يعطيك كفالة طول العمر على القير و المكينه
و لا احسن وكيل تيوتا عملها و لا يقدر يعملها

احسن المكاين و احسن القيور

و يجي واحد بمنتدى تيوتا و يقول الازيرا احسن من الهوندا


انا اقول اذا تبي تشوف هالخمبقه روح اخذ لك شيري .. عليها مواصفات تقول لكزس ls و سعر تقول شاري دباب

اذا كان تاريخ هوندا غير معروف عندكم .... تعالو الكويت و تشوفون هوندا اكورد من الجيل الاول و الثاني تمشي بالشوارع كأنها وكاله
بينما لو تشوف لك سياره ثانيه بنفس العمر .. راح تشوف بلاوي و اقلها يمكن تكون انها تدخن

الهوندا و ما ادراك ما الهوندا .... رح يويتيوب و اكتب هوندا و شوف اللي يطلع من فيديوات
و لا لقيت فيديو واحد يذم
روح بيوتيوب و اكتب كامري و شوف الفيديوات اللي تبين لك الاخطاء اللي فيها و البلاوي

و الثاني اللي يقول الاكورد ما فيها بصمه ...... اقولك روح و شوف اللي واقفين طابور عند وكالة تيوتا
انا اليوم اللي هو اليوم واقف اعدهم ... 19 اوريون يشتكون من الزر .. ويقولون انه يعلق معاهم و لا ينضغط بعض الاحيان ....
و مستعد من بكرا اروح اصورهم و اسوي معاهم تقرير مصور بالفيديو و احطه بالنت و شوفو الفضايح

تبون نظام بصمه ....... روحو شوفو الاس 2000 موديل 2008
بصمه و تحكمها مثل البورش و نزلو سعرها من 13 الف دينار الى 9 الاف دينار
و التقرير بنزله لكم بعد العيد ان شاء الله
و شوفو كيف هوندا حرصت على ان نظام البصمه اللي فيها ما يصير فيه عيوب مثل ام الخمبقه

ارتفع ضغطي حبتين .... و سامحوني اذا كنت غلطت على احد ... و الحق يقال
في بعض الخرابات اللي تنتج من سوء الاستعمال ...
و اقول لكل شخص يبي دليل على كلامي اللي فوق
ما عليه الا الانتظار لبعد العيد لاني بسوي اشياء و فضايح و حقايق .. راح تسوي ضجه لفتره

و انا اهدي الاغنيه اللي تقول : ( خلهم ينفعونك داهم يعجبونك ) لكل شخص ذم بالهوندا دون وجه حق

اعصابك اعصابك لاتاكلنا :d


يارجال الدعوه كلها حديد بحديد <<< يبي يهديه ولا يدري وشلون :d



على العموم اشكرك على صراحتك وننتظر التقارير بعد العيد بإذن الله









تحياتي

المشاركة الأصلية كتبت بواسطة الــمــســافــر

العضو انـسـان من اعضاء النخبه

كل شي جايز

المشاركة الأصلية كتبت بواسطة accord2002

888888888
ممكن مايكون هوووو
لاتتهم شخص انت ماتعرفه

ممكن تشابه بالاسمااااااء وممكن يكون هو فعلا ً

نتحقق بعدين نتفاهم خخي خيييييي

انا ماعنيت شخص بذاته انا قلت شاك انه من اعضاء المنتدى





اشكرك على مرورك





تحياتي

وانا من أول شاك .. لكن ..

اذا كان هو .. حياه الله معنا بالمنتدى .. عزيز وغالي ..

والمنتدى لملاك هوندا وهو من ملاك الهوندا ..

وكلن ورأيه ..

صح كلامي ولا ؟؟؟

ياعقيل ننتضر تقريرك الخطير :d
ياناس هاذي مو فضيحه خلو كل واحد يقول رايه بصراحه

الرجال شايف كلام ثاني نقوله لا خلوووه يعبر عن رأيه
بس وربي ما عرف قدرها زين ;)

والله انا عن نفسي
اقارن الكامري بالسيفيك قومة ولا خط السيفيك تطلع سلام سلام

واقارن الأكورد في الأفالون و الأوريون
من ناحية فخامة وقوة وشكل

والله يسامح اللي كاتب عن الهوندا كذا

يا شباااااااااااااااااااااااب


انا سئلت وحده لقيها تمشي في الشراع قلت لها ان فيه واحد يسبك في احد المنتديات

قالت وبكل ثقه:
وأذا أتتك مسبتي من ناقصٍ **** فهي شهادهٌ لي بأني كاملُ



والكامل وجه الله
لا على كلام الشاعر

انا اقارنها في البي ام 530 والمرسيدس 350 مش في زباله الاسترالي والامريكي !

والله الصراحة ما احد جاب هالكلام الا اعضاء المنتدى هنا

يعني يجيني واحد اول مرة يركب سيارة وأول مرة يمسك خط ويمشي 180 ويقول السيارة اسمع فيها ضجيج هوا.......تراك يبو تمشي 180 مو 120 !!!!!
ولا تشوف لي الف موضوع يتكلم عن الرجة اول ما تعشق القير...ياخي سو بحث في المنتدى قبل لا تنزل موضوع لو أعد المواضيع اللي تتكلم عن كراسي المكينة تلاقيها نص قسم الصيانة والنص الثاني صوت البريك الخلفي

واللي يقارنها لي بالبي ام ولا المرسيدس.....يمكن تقارنها بس بالسعر اما مواصفات وأداء انسى

واللي يقول الكامري تطوف الاكورد >>> ما ادري عن هالشي ولكن....

كتبو له رد اني ابي اتقاوم معه بالسيفيك حقي ومن حق اذا ما عطيته فرق أكثر من عمود بالمساندة

و نزلو سعرها من 13 الف دينار الى 9 الاف دينار

تكفى عقيل لا تخليني اتهور واخذ لي وحدة :d

والله بصراحه هذا العضو إنسان رفع ضغطي من جد ... بس على العمـوم أنـا بقووول شي بكل صرااااحـه ... الأكـورد ما تتقارن بالسياااراااات الأخرى حتى ولو كان فيها فخامه ولا ما فيها .. وانـا سمعت من واااحد من الشباااااب قال إن الألمان محتارين بالأكورد ... وش يدل بالله هذا الكلام ؟

وبعدين ترى الأكـورد على مستوى العالم تجي بعد الألماني بالصنع وبكل شي ...

تحيـاتـي لكـم يا شباااااب ... وما عليكم من أي كلااااام يا شباااااب ...

لكل اللي سبوني او غلطوا علي
لهم مني السلام ومسامحين وعساكم على القوة ( المراجل باللسان سهلة )
وإذا على العقل تشوفونه ناقص عندي
فترى شيابنا قالوها زماااااااااااااان
كلن بعقله عايش
وإذا أنت وهو أعقل مني فما يحق لك تمنعني اكتب اللي أبيه بشرط ما اسبك او اشتم فيك ولو لقيتني سبيت بأحد غير وكالة الهوندا ( اللي كلكم كارهينها ) فلك مني بوسة على خشمك يمكن ترضيك
-----------------------
تعالوا سوا نشوف مواضيعكم ونشوف كلامي وردودي
وش غلطت عليكم فيه
إن معي هوندا وأذمها !!!
ولا لأني مصور ردود الشباب هنا !!!
ولا لأن اللي قلته صحيح مية بالمية !!!
المشكلة انكم طرتم بالعجة اكثر مني ، ولكل واحد منفعل اقول له ابلع ريقك واقرأ اللي بكتبه زين ترى ما يضرك مثل ما كتبت شتايم او انتقاصات تقرأ وش برد عليك فيه .
شغل المقارنات وأبان صاحب الموقع أولكم يعرف اني ما ادانيه ولا اطيقه ، لكن عمري ما دخلت عليكم هنا بالمنتدى وغلطت على واحد هنا يقارن لاني حكمت على نفسي بمذهب الشياب وكلن بعقله عايش .
إذا معي هوندا فتراني يالحبيب ذميت غباوة خراباتها ، سوء وكالتها ، رفع اصحابها لها فوق كل السيارات ، يعني تعيبون على اصحاب الكوامري انهم بازين بروحهم وسياراتهم يشوفونها فوق سيارات الناس وأنتم مثلهم ، لا بالعكس ، بعضكم اسوء منهم ، اقلها هم احترموا سياراتهم وقارنوها بفئتها مثل الاكورد والالتيما ، اما انتم رفعتوها لفئة أعلى منها ، لا وتجريتم وسبق قريت هنا ردود ان شركة هوندا تقنيتها ألمانية !!! تعال يالحبيب وقلي وش الالماني فيها ؟ فشخة الكفرات ؟ تراها بالالماني بعد الـ 120 مو على طول السيارة فاشخة .
بالجودة ؟ بلا دجل ، المكاين حتى بالكوري تعيش ، بشرط إنك تعطيها ، سيارة ما كملت ثلاث سنين وطرمبة الدريكسيون عندي تهرب زيت واصوات ورجة وهبالة ما بعدها ، لا تجيني انت وهو وتقول موسوس ، اغلبكم اشترى السيارة من فلوس بابا بعد النجاح يعني ما همه لو احترقت بعد اسبوع ، لانه ما تعب بقيمة السيارة مثلي لجل يحس إنه صدق وماهو دعاية إن الهوندا تعمر وتعيش ، وإن الوكيل يحترمه ويقدره لا ويدور رضاه بعد ، لان شغله انه يراعي اي عيب بسيارته ما دامت شركة هوندا تتحمل العيوب المصنعية .
كل ذمي عن الاكورد كانت حكاية لتجربتي انا ، ولسيارتي انا فلا تجيني وتقول ليش شريتها ، ظني ماهو شغلك لاني ما اعترضت هنا بمنتدى هوندا يوم على سالفة إن الهوندا أطلق سيارة ، فامسك ركنك وأمسك ركني ، وإن جيت بركني فلا تلومني ، المنتدى للكل ، ما هو بس للمطبلين وشلة اللي يبي الشكل الزين بالسيارة او الجنط العريض او السيستم والخراط هذا اللي ليته يركبه من سعة ، لا من فلوس المكافأة او مصروفه ، بس ارجع واقول ماهو شغلي ، وشوفوا وش ازور من اقسام بالمنتدى .
---------------------------
طيب ما اقنعك اللي فوق عن شرائي للهوندا وكرهي لخراباتها .
اجل بتصير زعلان لاني نشرت مشاركات وشكاوي الشباب هنا ؟
والله اللي ما يبي مشاركته تنشاف يخبيها بمخباته ، والمنتدى يتصفحه الضيف قبل العضو وكنت اقدر احط الرابط حق الهوندا بالمنتدى وتعال شوف الفضايح وقتها ، احنا هنا اسرة وحدة صح ، ابداعاتكم رازينها باليوتيوب ، وعيوب سياراتكم عيب وشرهة تنشاف من زباين التويوتا ؟؟!!
--------------------------
بكل المشاكل اللي عددتها ، تحاشيت اذكر اي مشكلة شخصية بسيارتي ، وصرفت الكلام عن المشاكل العامة الموجودة بكل الاكوردات ، وهنا الكل قدام خيارين : إما انه شايفني كاتب كلام صحيح وماكذبت على الهوندا بشيء ، لكن صراحتي جرحته ، او إنه مطبل كبير للهوندا ويدافع عنها كأنها أعطته السيارة ببلاش !!!
--------------------------
خاتمة أخيرة من نقاط :
1- موضوع النخبة تراني ما طلبته ، لاني عمري ما دورت على اشراف او تقدير بمنتدى ، لكن اسألوا أبان ليش أعطاني تشريف النخبة ، انا ما اجاوب ، لا وابشركم مالي حرف واحد بمنتدى النخبة ، وموضوع سحب الصفة أو بقاءها ما يهمني لاني لا سعيت وراها حتى تمنونها علي ، ولا ضايقت احد بشيء لو انرزت تحت اسمي ، تعودت اكون صادق واللي ما يعجبه صدقي مو شرط يسمعه !!
2- اليوم عرفة وبكره عيد ، ومن طبعي وسيع بال ، فكل من سبني مسموح بالذات اللي اعتبرني من فصيلة الكائنات اللي تنبح على قافلتكم ، ترانا صيام وعلى ابواب العيد .
3- رجاء خاص للإدارة بعدم حذف كلمة واحدة من ردود الشباب ، وإن عزمتم فردي أولى بالحذف من ردودهم بنظرهم ونظري .
4- ارحب بردودكم ولي عودة اكيدة لو لقيت ما أقدر أرد عليه ، واوصيكم كل واحد يبطل انفعالات وتطبيل ، ترى الشركة هوندا ولا تويوتا ماهي شركة ابوك ، ولا وهبوك السيارة بلاش ، تراك راكب حديد ، وإن سبه أحد تراك ناقص عقل لو زعلت .
5- للتنبيه ، ما مدحت التويوتا بشيء في موضوعي اللي زعلانين منه ، لان في عضو هنا ، يقول لو بكتب عيوب الكامري تمتلي صفحات .
6- إنسان حر بما يكتب وما ولد من يقرر وش أكتب ووش ما أكتب ، وتقدروا تشرفوني وتسوون لي دعاية بالبحث عن نكي بجوجل ومعرفة المنتديات اللي اشارك بها ووقتها انقلوا كلامي كله هنا .
كسر الله أنوف أعدائكم :d وجعل عيدكم مبارك

اقول كل عام وانت بخير :d

أعيد وأكرر ردي

والله الصراحة ما احد جاب هالكلام الا اعضاء المنتدى هنا

صرااااحـه ... الأكـورد ما تتقارن بالسياااراااات الأخرى حتى ولو كان فيها فخامه ولا ما فيها .. وانـا سمعت من واااحد من الشباااااب قال إن الألمان محتارين بالأكورد ... وش يدل بالله هذا الكلام ؟

وبعدين ترى الأكـورد على مستوى العالم تجي بعد الألماني بالصنع وبكل شي ...

مع احتراماتي وتقديري..........استرييييييييييييييييييييييييييييي ييييييح وين ما تبي العالم تتكلم عن المنتدى وانت تقارن لي هوندا أكورد بـ بي ام دبليو

________________

بغض النظر اخي انسان السيارة يمكن فيها عيوب بس ما تستاهل لدرجة انك تنقل كل شي نص كامل

يعني انا ذكرت من قبل ان العالم هنا تشتكي من كراسي المكينة طيب لي ما حطيت الرد اللي فيه حل المشكلة ؟؟؟؟ ولا بس تنقل العيوب

ترى في ناس هنا ما ادري من وين تفكر يعني بالله عليكم النور حق درج الطبلون ما يطفي نوره ... سلاماااااااااااااااااااااااااااااااااااات ليكون يشفط لك بانزين ولا يرفع حرارة السيارة تراه نور ولا راح ولا جا ولا يأخر ولا يقدم بس في ناس وسواسية هنا وتلاقيها اول مرة تسوق سيارة

وأكرر ما كان لك حق انك تنقل هالردود ترى زي ما الهوندا فيها عيوب حتى التويوتا فيها عيوب ومافي سيارة كاملة كلها كومة حديد مصدي وكل السيارات فيها عيوب

انا اعرف واحد من الشباب شرى كابرس ستة سلندر والله ضاق الويل في السيارة اول ما شراها الباب مرشوش وانواع الخرابات.....عيب مصنعي اكيد بس هذا واحد من ألف مو كل العالم بينطبق عليهم هالشي

اتمنى وجهة نظري وصلت

شباب هدوء اللعب شويه وكل شخص اليه نظرة وراي في السيارة وما يصير نعترض على كلام الرجال مهما قال يمكن سيارته فيها مشاكل وانا اخوي انصحك اتجرب سيارة مثل موديلك مع شخص يمكن السيارة فيها مشكلة وانت ما تحس ولاخبر انا اعتقد يمكن هذا المشكلة على العموم انت قلت راي واحنى نحترم رايك بغض النظر عن الي قاله الاعضاء

مهما قلت .. يا انسان ..

مو الى هالدرجه .. تروح تنسخ المواضيع الي انت تبيها

بل بالتحديد الأسطر الي انت منتقيها بنفسك ..

وكتبت تحتها .. شوفوا وش كاتبين بمنتداهم (( وتقصد منتدى نادي محبي هوندا ))

وكأنه أساساً كل مواضيعنا الي نتكلم عنها في اطار المواضيع الي انت حددتها لهم ..

كل عام وانت بخير .. وينعاد عليك بالصحة والعافيه .. وعفا الله عما سلف

لكن ........... اعترف بغلطك ........... مو عيب

وأتمنى ماتزعل ولا تشيل بخاطرك على أحد من الأعضاء ..

ولو أنا مكانك .. كان أول شي كتبته بردي اعتذاااااااااااااااااار للجميع ..

وبعدين اوضح لهم الي أبي .

تحياتي ..

بغض النظر اخي انسان السيارة يمكن فيها عيوب بس ما تستاهل لدرجة انك تنقل كل شي نص كامل

الصدق ما يتغطى بغربال وأنا أخوك
----------------------

يعني انا ذكرت من قبل ان العالم هنا تشتكي من كراسي المكينة طيب لي ما حطيت الرد اللي فيه حل المشكلة ؟؟؟؟ ولا بس تنقل العيوب

ارجع للموضوع اللي بمنتدى تويوتا ، كل مشكلة ذكرتها ذكرت حلها اللي تفتق عنه ذهن الوكالة واغلب حلول الوكالة تغيير
----------------------

وأكرر ما كان لك حق انك تنقل هالردود ترى زي ما الهوندا فيها عيوب حتى التويوتا فيها عيوب ومافي سيارة كاملة كلها كومة حديد مصدي وكل السيارات فيها عيوب

أما ما لي حق هذي ما بلعتها ، والظاهر فاتك في ردي الأول جملة ( اللي ما يبي رده ينشاف يحطه بمخباته )
لو مريت على موضوعي كامل عرفت إني لا مدحت التويوتا ولا قارنتها بالهوندا ، قلت للكل خل ولاءك لجيبك ، ولا تدافع عن شركة كأنها شركة أبوك ، أبغى تحط جملتك الاخيرة ( ومافي سيارة كاملة كلها كومة حديد مصدي وكل السيارات فيها عيوب ) في عين كل من يقول الهوندا طيارة وصاروخ ، كل واحد حر برأيه ودامه حشرني برأيي ، بحشره برأيه .