الموضوع: اي واحد سمع عن التخفيض يدخل الله لا يهينه

وااله ماأدري الخبر من وين طالع بس الظاهر ان التخفيض على قطع غيار كل الموديلات
وتقبل وروري

التخفيض لموديل 2008 ومو كل القطع على كلام مندوب المبيعات تبع الصيانه

يقول بعض وبعض

تخفيض على ماسمعت حق جميع الموديلات

المشاركة الأصلية كتبت بواسطة هوندا قوه الاحلام

تخفيض على ماسمعت حق جميع الموديلات

تخفيض قطع الغيار على جميع الموديلات هذا اللي سمعته

بارك الله فيكم ومشكورين على الرد

أخوي سألت السؤاال هذا للوكـالهـ الموجوودهـ في الخرج ,


وقاال التخفيض 75% على جميـع الموديـلات

ياهووووووووووووه لصمت ملاك وش الاخبار الحلوه اللي نسمعها 75% نسبه كبيره

لكن برضوه يمكن الوكاله توهم يحسون بمعاناة العميل لان قطع الغيار اسعارها ناااار

واذكر واحد من الشباب كان بيطلع اكوورد وكاله قبل سنتين ولكنه هون وطلع كامري سالته ليه

طلعت كامري قال لان قطع غيار الاكوورد غاليه :(( هذا كلامه)

شكر لصمت ملاك على مرورك الكريم

انتون فرحانين كثير في السعودية على طول تخفيضات كانك داخل مجمع تتسوق مو مثلنه في البحرين الاسعار كلما لها ترتفع اسعاره

والله لو الخبر صحيح

رايح اشتري نص القطع الضرورية

وان شاء الله يصدق الخبر

اي تخفيض !!!!!!! اليوم مريت الوكاله لقيت الاسعار مرتفعة

فلتر الزيت "السيفون" من 15 ريال سابقاً الان بـ16 ريال!!!!
ربل مساحة الزجاج 65 ريال سابقاً الان بـ73ريال ؟؟؟؟؟!!!!!!!!

اقول اذا الاسعار غاليه هم الخسرانين شف عبداللطيف جميل كيف الاسعار رخيصه عندهم

اتمنى من الوكالة تفكر كيف ترضي عملائها حتى لا تخسرهم للابد

خفضوا الاسعار والضمان شالوه انا يوم كانت سيارتي ماشيه 5 الاف طلع عندي صوت بالبرك رحت الوكاله الي على خريص قالي ماقدر ادخلك الحين عندي زحمه بس ابشر اصلحها لك (( طبعاً شرحتله وضعي واني جاي من الجبيل والصيانه بالجبيل اكثر من زفت)) قالي تعالي فحص الـ 10 يوم جيته ونفس الصوت طالع ويجحد ابو الشباب قالي الوكاله الام سحبت الضمان على الفحمات والهوبات يعني اول لو كانت سيارتك ماشيه 80 الف وطلع عندك صووت تروح تسوي التشييك ويغيرون لك الفحمات والهوبات اذا كانت تحتاج تغيير هذا كله على حسابهم الحين لو سيارتك ماشيه 5000 وطلع هالصوت تغيره على حسابك وش هذا الكلام الفاضي !!!

من جد خدمه رديئه الى ابعد الحدود يوم انا كنت بالصيانه قبل يومين دخل رجال مع ولده معه اكورد 2008 طبعا دخل يتحلطم ويسال عن المدير وكانت قافله معه يقول ان سيارته دخلها الوكاله 5 مرات ولا ظبطوها له يقول فيها حذفه قويه سيارته ماشيه 2400 فقط

لا صيانه زي الناس ولا قطع رخيصه بصراحه انا متحسف اني شريت اكورد بسبت هالوكيل

اعذروني طولت عليكم بس ابغى اوضحلكم ايش الي صاير

فقير الحظ شكرا لمرورك ونقلك تجربتك المأساوية وبالفعل انا مصدوم من حاجتين في وكالة هاشم
الاولى : غلاء قطع الغيار
الثانية: اسلوب الموظف معاك وكانه يتهرب( ما يبون يخسرون ويرضون العميل)

يالله يافقير الحظ يمكن ربي يكبر حظك بسيارة غير الاكورد( احتمال اصير مثلك)

أنا عند الوكالة بتاريخ 19/12/1428هـ واخذت قطع لسيارتي وما فيه أي خصم على القطع

يرجال قبل لاأشتري السياره الموضفين زي الحلاوه على العسل ويوم شريتها مغير يتهربون بالله عليكم تغير الصدام الخلفي كم يكلف بالكامري؟ انا غيروه لي ب1650 ريال والله حرام عليهم

شباب في لعبة تسويقية الناس غالبا تجهلها
نسبة التخفيض لا تقاس من القيمة الإجمالية للقطعة ، وحتى لو حسبها لك الموظف بالشكل هذا لأن أسلوب الموظفين يقول لك سعر القطعة كذا وبعد الخصم كذا ، وهو فعليا سعرها الحقيقي سعر الخصم ، يعني مو معقول تكون قيمة القطعة 100 ريال ويعطيك هي بـ 25 ريال والله لو إنه اهتدى وحب يتصدق ما يسويها تاجر عندنا بالسعودية :d
التخفيض يكون من هامش الربح وليس من قيمة السلعة ، يعني القطعة اللي قيمتها 100 ريال وتكلفتها على الوكالة 90 ريال ، هامش الربح فيها 10 ريال ، التخفيض يكون في هامش الربح يعني 75 بالمية تصير 7 ريال ونص ما هي 75 ريال ، أما إنه يبيع بأقل من سعر التكلفة ، يمكن لو إنها مواد غذائية تخرب اصدق ، لكن قطع غيار صعبة كثير ;)
------------------
لفت نظري شيء ، في ناس بالموضوع تلمع برخص قطع غيار التويوتا ، ويوم قلتها قبل هلكتوني هجوم ;)

يااااااااشباب مافي اي تخفيض ابدا ابدا وانا سالت الوكالة