مفاجأه حصـــــــــ2008ـــــــــــ الشاشه ـــــــــــــــــــريا

**momo** · 31-12-2007, 11:53 PM

بسم الله الرحمن الرحيم

كيف الحال وش اخباركم

اولا رحت وتأكدت من الوكاله عن الشاشه بالسته سلندر وقالي بالحرف الواحد

السته سلندر ماتجي فيها شاشه وقلت طيب بتنزلونها كاكسسوار قالي والله ماادري

ورحت للغرابي علشان اشتري قفل الجنوط وانا ادور وادخل محل اسمه الاقصى وسألته

عن القفل قال مو عندي وقلت عندكم شاشات قال وشي السياره قلت اكورد 2008توقعوا

وش قال والله العظيم قال بالحرف الواحد اننا طالبينها من اسبوعين وما جت وان شاء الله

نهايه الاسبوع القادم تنزل قلت الحمد لله اخييرا تحقق الحلم وقلت كم سعرها قال تغريبا

<<<<<<سوداني هو من ال3800 الى ال4500 نيفيقيشن طبعا قلت كيف تركب مافيه مكان

قال والله لازم تفك المسجل وخرابيط خلاني اخاف بس خلها تنزل وندبر مكانها ولقيت عندهم قطعه

تشيل صوت الحزام سعرها 15 ريال بس ماشريتها لاني تعودت عليه اصلا واممممممم وش بعد ايه

الرقم تبع المحل علشان اللي مو مصدق يدق ويتأكد 014036211 اول ماتدقون قل وين السوداني

لان فيه واحد نفسه بخشمه مايعطي الواحد وجه وش بعد ايه اللي معاه اكورد اي موديل وجنوط

انصحه يشتري قفل للجنوط وسعرها 30 ريال والله روعه وغير كذا بس اتمنة اني وفقت في طرح

الموضوع وان شاء الله يطلع الكلام صحيح 100 مو زي الوكاله اللي تصرفنا وادعو لي باختبار

الرياضيات اني اجيب درجه حلوه

واللي يبي رقم جوال المحل لايرده الا الخاص منعا للاحراج

**الـمـسـافـر** · 01-01-2008, 12:02 AM

الله يعطيك العافيه على المعلومات

وبالنسبه لقفل الجنوط ضرووووووري يا شباب

وبالتوفيق بالاختبار

**هوندا قوه الاحلام** · 01-01-2008, 12:15 AM

مشكور اخوي وربي يوفقك في كل الاختبارات

**B Useful** · 01-01-2008, 12:21 AM

محل الاقصى معروف وكنت فية الاسبوع الماضي وهو يجيب شاشات نفيفيش للسيارات اللي مافيها بالمواصفات السعودية ..
الاسبوع الماضي كان جايب لسيارة بس نسيت التفاصيل لأنها كانت تويوتا..

**hamoody.307** · 01-01-2008, 12:37 AM

تسلم لي والله على الخبريه الحلوووووه على أول يوم من السنة

وبالتوفيق ان شاء الله لك وللجميع الي عليه اختبارات :d (( وين محجوب مختفي وينه ;)))

**momo** · 01-01-2008, 12:43 AM

تسلمون حبايبي على الردود والاقصى كان جايب للاوريون والكامري قبل كذا

وان شاء الله تنزل رسمي على الملكه 2008 ومشكورين مره ثانيه

**myj_77** · 01-01-2008, 01:33 AM

مشكور على المعلومة القيمة

بس سؤال ؟
وش هو قفل الجنط؟؟؟

**و د ا السعوديـة 1 5 5** · 01-01-2008, 03:47 AM

معلومه حلووه ويعطيك العافيه ونشاء الله يصدق كلامه
وبتوفق في الاختبار

**محجوب** · 01-01-2008, 05:56 AM

المشاركة الاصلية بواسطة:hamoody

(( وين محجوب مختفي وينه ;)))

موجوووووووووووود بس ((متخفي)) عن الانظار مؤقتا

عندي سؤال بالنسبة للموضوع ... حتى لو انحطت الشاشة في اختلاف كبير بالنسبة للكونسول اذا فيه شاشة او لأ ..طبعا اذا شد بلد ...... لأن اذا فيه شاشة يصير مدخل السيدي تحت ويصير فيه عصا تحكم كبيرة في النص حق الشاشة بها تتحكم في الشاشة ... بالعربي مستحيل تصير زي شد بلد الا اذا غيرت نص السيارة من داخل

**accord08 4 ever** · 01-01-2008, 07:00 AM

من جد ياشباب

وش قفل الجنوط ؟؟؟؟؟؟

**B Useful** · 01-01-2008, 07:24 AM

عشان تعرف سالفة قفل الجنوط شيك على هالموضوع :

http://www.hondaarabia.com/club/showthread.php?t=7123

عبارة عن حماية للجنط من السرقة .. مثل الصواميل ... بس لها مفك خاص ..

**crazy accord** · 01-01-2008, 08:05 AM

مشكور على الخبر
والله يوفقك في الاختبار
تحياتي

**كيف نعيش بلا سيفيك** · 01-01-2008, 09:34 AM

يشباب انا ركبت شاشه بسيارتي فيها كل شي ماشأالله روعه

**CR-V** · 01-01-2008, 12:43 PM

بما أن الشاشة توضع مكان المسجل وليس في المكان المفترض لها في السيارات الأمريكية فهذا معناه أن الشاشة ليست نفسها الشاشة الأصلية... أي أنه يمكنك شراء أي شاشة من أي محل لتؤدي نفس الغرض

**ACCORD 747** · 01-01-2008, 12:57 PM

يعطيك الف الف عااافية على المعلووووومات المفيـدة ..

تحيـاتـي لكـ . . .

**momo** · 01-01-2008, 01:27 PM

قفل الجنط هو اربع مسامير ومعها صاموله خاصه

يفكون من كل كفر مسمار وتركب المسمار اللي هو القفل ومتربطه بالصاموله

ومستحيل احد يقدر يفك الجنط الا بالصاموله اللي معك ابد