أرضى بقسم الله لك تكن اعنى الناس ..
و يمكن السفيك خيره لك وانت ما تدري ..
و لو كل ما شفت سيارة من فئة السيفيك احسن من السيفك تبي تغير رأيك بالسيارة اعتقد راح تتعب كثير ..
ونقطة اخيرة ..
كل اللي فوووق مجرد رأي شخصي ..
وشكرا
السلام عليكم،،،
بصراحة...الانسر الجديدة حرقتلي دم بشكل مو طبيعي ... :(:(
قبل شهر بس شريت السيفك و انا ميت عليها و عاجبتني...و خلال الاسبوعين الماضيين شفت اللانسرالجديدة بالشارع..
و الله صرت احس نفسي كرهان السيفك...شوي اقول الهوندا غير ماركة و شوي اقول بس اللانسر حلو و قوية حتى شوف الEvo مو طبيعي و هي ميتسوبيشي نفس الشي....
شرايكم انتوا ؟؟؟
أرضى بقسم الله لك تكن اعنى الناس ..
و يمكن السفيك خيره لك وانت ما تدري ..
و لو كل ما شفت سيارة من فئة السيفيك احسن من السيفك تبي تغير رأيك بالسيارة اعتقد راح تتعب كثير ..
ونقطة اخيرة ..
كل اللي فوووق مجرد رأي شخصي ..
وشكرا
أخي الكريم الميتسوبيشي تطورت في الآونة الأخيرة بشكل مفاجيء بعد الخمول في الإنتاج لسنوات عدة ...و يحتاج هذا التطور إلى دافع قوي و إلى إستنتاج و تحصيل خبراتها السابقة التي إندثرت بعد الخسائر المتواصلة على مدى السنوات المنصرمة... فالعصر الذهبي لمتسوبيشي بدأ بالثمانين و إنتهى بأعوام التسعين حتى إختفت مع الألفية الجديدة ...و ميتسوبيشي لانسر و بخاصة طراز إيفو المميز يتمتع بتصميم ديناميكي مميز و بجنوط رياضية فخمة و صلابة إلتوائية جيدة لكن لم يصل لمستوى الجودة القياسي من الناحية الميكانيكية و جودة و مرونة المواد الداخلية التي تتمتع بها سيفيك بغض النظر عن تصميم إيفو الرائع من الخارج و الداخل ...فالميتسوبيشي بحاجة لسنوات قلائل لتصل لمستوى جودة هوندا و لزيادة الأبحاث المتعلقة بتحسين المنتج بالمقام الأول ...و شكرآ.
صدقني مثل السيفيك ما راح تحصل يقول لك
اسأل مجرب و لاتسأل طبيب
السيفيك وبس و الباقي يأكل خس ــــــــ واحد متحمس
اذا تبي رايي
السفيك افضل ..
شوف اخوي
اذا خربت عليك اللانسر شوف مين يصلها وخاصة عندنا في خضرية(صناعية الدمام)
محد يعطيك وجه
لأني انا كنت ابي اخذ سوبارو ليجاسي 6 سلندر
ولما عرفت المشاكل اللي بتحصل
قلت(من خاف سلم)
وجهة نظر
كل شي ولا الهنادي السيفك موتر يكفي انه هوندا
تبيعها وتشتري الشكل الجديد....لما يغيروا شكل السيفيك ايش اسوي ؟!
ابي اعرف في سيارة ما يتغير شكلها >>> طبعا ما أقصد الكراون فكتوريا اللي لها 10 سنين ما تغيرت
على كذا ما اشتري سيارة الا لما ينزل الشكل الجديد وبهالمنوال ماراح اشتري سيارة ابد
السيفك احلى
شباب راويه صور civic type R ترى السيفك ذو امكانية جبارة جدا ومهي بسهلة ابدا وصور civic type R تنافس اللفلويشن لانسر بقوة
سيفك بلا منازع
شكل وقوه واداء عالي وصيانه في كل مكان
..
....
وش فيك انت يا أخي تقارن هذي اللانسر بالسيفيك ؟؟
طبعا سيفيك بلا منازع
يكفيك انه من هوندا
اخوي انت لو خذيت لانسر وبعدين شفت قوة السيفك بتقول ياريت خذيت سيفك خلاص اقبل بنصيبك ولا تندم وبصراحة خويش اختيار
الفكتوريا راح يتغير شكلها بالفين و تسعه ( 2009 ) و الصور ماليه النت
بالنسبه للانسر ..... الشكل اللي يسبق شكل 2008 ,,,, اسوأ سياره بالتاريخ مرت علي
يا اخي عندي ناس مستخدمين السفك ( خمس اشخاص ) و كلهم باعوها و اثنين منهم سوو حوادث فيها
طبعا الكل راح لتيوتا و نيسان و هوندا
كل ما يركبون معاي و يشوفون لانسر ( مكرم القاريء ) يتفلون عليها
اما بالنسبه للشكل الجديد ... لا اعلم عنه الكثير سوا انه يحتوي على تبديل زعانف ( مثل الفورملا ون )
و الافولوشن الجديد شفته بمعرض السيارات اللي صار بالكويت ( راجع موضوع معرض الكويت الدولي للسيارات ) و تشوف صورها
بصراحه من الداخل مقارنة مع اللي شفته بالتايب ار .. التايب ار احسن
اقل شي ان التايب ار يشتغل بزر ..... للامانه مقاعد التايب ار رياضيه بحته .. بينما الافولوشن رياضيه قليلا بلمسه بسيطه من الفخامه
للملاحظه فقط الافولوشن مكينتها من الوكاله بتيربو .... بينما التايب ار بدون تيربو ( اتكلم عن شي شفته بعيني )
و مع هذا الفرق التايب ار تنافس الافولوشن .... ماذا سيحدث اذا وضعنا تيربو للتايب ار ؟
الافولوشن تصير خارج حلبة المنافسه ....
ربما تمتاز الافلوشن بدفع رباعي مستمر .. مما يعطيها ثبات على الطريق
بينما الايرو داينمك للتايب ار يغنيها عن الدفع الرباعي ..فهي ثابته على الرغم من انها دفع امامي فقط
ما رأيك الآن ؟
ملاحظه بسيطه ... التايب ار .. معروفه على مدى طويل بالتاريخ
و الافلوشن لم تعرف الا من فتره قريبه جدا .
معشي الجن
http://www.flickr.com/photos/ashknaney/
Raptor eco boost... anyone whana try his luck !!? XD
مواقع النشر (المفضلة)