وصفتها بـ"انتكاسة " ! سعودية تقتل مصريا وأذربيجيا ! [صورة أداة القتل]

**S T ! N G** · 07-01-2008, 01:51 PM

سائقة سعودية تقتل مصرياً وأذرياً بسيارتها الهمر في القاهرة

القاهرة : صالح رجب
سجلت سيدة سعودية انتكاسة جديدة لمساعي السماح للمرأة بقيادة السيارة في المملكة إثر انطلاقها بسيارتها الهمر رقم "112551 ملاكي القاهرة" بسرعة 160 كيلو متراً في شارع طلعت حرب بالقاهرة لتصطدم بسيارة أخرى .
وأسفر الاصطدام عن مقتل سائق السيارة الأخرى محمد سيد أحمد ومعه طالب بالأزهر يحمل الجنسية الأذربيجانية ويدعى فرحات حسن، وإصابة اثنين آخرين في نفس السيارة هما حيدر جلال "23 عاما" وفيل بخشاجوف "27 عاما". وفيما أصيبت السائقة السعودية "س. ف. س. ت" بشرخ في قدمها أمرت النيابة بحسبها 4 أيام على ذمة التحقيق بتهمة القتل الخطأ وتجاوز السرعة المسموح بها داخل المدن

لا ، ويريدون المرأة تسوق عندنا !
لا تعليق !
http://www.emasters.co.uk/userfiles/2873/driver.jpg

**الـمـسـافـر** · 07-01-2008, 02:25 PM

يا شيخ لو تسوق عندنا تشوف حفلات كل يوم << حوادث شنيعه

**سرريع** · 07-01-2008, 02:28 PM

مشكوور على الخبر
والله يعطيك العافيه,,,

**و د ا السعوديـة 1 5 5** · 07-01-2008, 02:40 PM

بلا سواقه حريم بلا هم قالو ايش قالو يبون يسوقون
شووووكرا على الخبريه والله يرحهم

**A C C O R D** · 07-01-2008, 02:42 PM

في اليوم الوطني والاعياد والمناسبات

والله اني اشوف العجب في بعض الاماكن بالرياض اجل لو تسوق الحرمه وش راح يصير

خلها على الله

**HONDA V6** · 07-01-2008, 05:50 PM

160 في شارع خخخ
يروقونا عاد كفاية نص شبابنا رايحين بالحوادث وشوي ننقرض :(

**ابوهاني** · 07-01-2008, 06:25 PM

ان شاء الله مايسمحون لهم بالقيادة على الاقل لين اتهنى باكوردتي الجديدة شوي
:d

**B Useful** · 07-01-2008, 06:53 PM

مرطلعت برا المملكة بسيارتي ..

كيف اعرف ان السيارة اللي قدامي اللي تسوق حرمة ولا رجال ؟؟

اكون ماشي وفجأة القى السيارة الثانية فاهية ولافة علي !! وش دعوا ؟ وش سويت ؟؟ الاقيها بنت وصاحباتها .

اما عن قيادة المرأة داخل المملكة ..

ياخي شوفوا حال الشعب شوفوا حال ( طووووط ) في الشوارع عارفين الوضع ما يحتاج اتفلفس<<<
كيف لو صار بدال هذولي الشرذمة (الطوووط) بنات !! وش بيصير !!

اللهم لاتؤاخذنا بما فعل السفهاء منا .

شوفو كيف الزحمة حقت باصات الجامعات في الصباح .. كل باص فية 50 بنت ... تخيلو كل بنت معها سيارة وانواع الغشامة .. كيف بتصير الزحمة ...

الى كل من يطالب بقايدة المرأة للسيارة ..

ادرسها فقط من الجانب الاقتصادي وجانب الزحمة ... تجد الحل ..

**LikE.nO.oThER** · 07-01-2008, 07:07 PM

ادرسها فقط من الجانب الاقتصادي وجانب الزحمة
كوكو

لو من الجاانب الاقتصاادي بالعكس المملكه هيه المستفييده

رح يرتفع نسبة شرااء السيارات
وبعدها نسبة الي بيااخذون اليسن لازم يدفعون يعني برضو
بالاقتصاد !!!

حسبتها من ناحية التشليح :d
وجت انه اي قطعه تحتاجها رح تحصلها متوفره وبكثره !!!
بسبب الحرييم وكثرة الحواادث !!!

هذا مجرد رأي
لاني من خارج المملكه
ولا اعرف ماذا يحصل بداخلها !!!

تقبلو تحيااتي

**B Useful** · 07-01-2008, 07:34 PM

لانقبل أن يتم تشريح حالنا وتشخيص أحوالنا على يد من هم من خارج مــجــتــمـــعــنــا

**LikE.nO.oThER** · 07-01-2008, 07:44 PM

المشاركة الأصلية كتبت بواسطة كوكو كورد

لانقبل أن يتم تشريح حالنا وتشخيص أحوالنا على يد من هم من خارج مــجــتــمـــعــنــا

:(:(:(قويه:(:(:(

**ثــلــج مــشــوي** · 07-01-2008, 08:23 PM

المشاركة الأصلية كتبت بواسطة كوكو كورد

لانقبل أن يتم تشريح حالنا وتشخيص أحوالنا على يد من هم من خارج مــجــتــمـــعــنــا

كوكو كورد !! ماتحس انها قويه ...!!!

الرجال ماقال شي غلط ...!!! قال بتكثر الحوادث !!! ...وبزيد شراء السيارات ووووو...الخ....الخ

وثاني شي ترا كلنا مسلمين وعرب وحول بعظ ...ارجو انك تراجع نفسك .....ترانا اخواااان:(

**$$الدولار$$** · 07-01-2008, 08:59 PM

المشاركة الأصلية كتبت بواسطة كوكو كورد

لانقبل أن يتم تشريح حالنا وتشخيص أحوالنا على يد من هم من خارج مــجــتــمـــعــنــا

**The Godfather** · 07-01-2008, 09:01 PM

وش دعوه كوكو ....

كان لي رأي بالموضوع .. بس هونت مانيب قايله ...... اخاف كوكو يطلع الشوزن هالمره :(

**beam** · 07-01-2008, 09:16 PM

هههههههههههههههههههههههه الله لايبلانا همر مررررررررررة وحدة بس الشرهه على اللي معطيها السيارة

**أبو عــزوز ..** · 07-01-2008, 11:41 PM

وكما عودناكم في كل مواضيعنا .. إننا نقلب الموضوع سوالف وشيل وحط ..

عشان كذا لاتواخذونا .. والحمد لله الزوار مايشوفوننا ..

والموضوع الأصلي حادث بسبب مرأة في مصر ..

والموضوع اللي تكلموا عنه الشباب قيادة المرأة للسيارة بالسعودية ..

صح المرأة اللي صدامه بمصر .. بس لاتنسون القيادة للنساء بمصر مسموح به ..

**B Useful** · 08-01-2008, 12:18 AM

لحظة لحظة ياعيال .. والله ما قصدي شي ابد ,,, وشفيكم !!

المقولة الرائعة اعلاة .. نقلتها من منتدى اخرة لروعتها ... (( سالفة طويلة ولا فيني حيل اكتب ))

لكن شوفوا هالمثال :

انا واحد سعودي وانت واحد اماراتي وانت واحد كويتي ,,, غارقين في النعم الله يديمها دوووم وعيشين في بذخ وثراء ...

فجاة جات سالفة عن العراق ,,!!

وقمت انا وانت وهو .. كل واحد يفتي من راسة ...

لو جا واحد عراقي ... هل بيصير راضي عن الكلام اللي بنقولة ؟؟؟

ولا زم نروح نعيش زية .. ونشعر بشعورة في حياتة ... ثم نقرر ؟؟؟
(( هذي السالفة بأختصار ))

(( في المنتدى الي نقلت منة المقولة الحكيمة .... دايم تطلع سوالف مثلا عن الكويت ويجيك بريطاني يرد برأية السامج ولا هو معايش الحدث يمكن شي عنهم عادي وعندنا جريمة ,,,, يجيك واحد يتكلم عن الهيئة في السعودية وهو في بلد اسمة اسلامي ولا ينتمي للأسلام بصلة !! .... وزي كذا ... ))

امل ان يكون المعنى وصل للجميع ...

اختصار الموضوع :
لانقبل أن يتم تشريح حالنا وتشخيص أحوالنا على يد من هم من خارج مــجــتــمـــعــنــا

انتم في بلدانكم ومجتمعاتكم .. لا ترضون احد مهما يتدخل في شؤنكم وهو مالة دخل فيهاولا يدري عنها ..

كذلك نحن .. لانقبل ان احد يتدخل في شؤؤننا وهو مايدري عنها

**ثــلــج مــشــوي** · 08-01-2008, 12:22 AM

^^^^^^^^^^^^^^

**و د ا السعوديـة 1 5 5** · 08-01-2008, 01:04 AM

قصدك واضح يامصعب من البدايه

بس الشباب فهموها غلط

وان شاء الله تكون وصلت المعلومه
عقيل قول الى تبي ولاتخاف مهناش شوزن :d

**The Godfather** · 08-01-2008, 02:38 AM

بما ان الشوزن بعيد و راسي ما بينطق بشي .. بقول اللي ببالي

انا كنت بقول :
قيادة المرأه لها سلبيات كثيره كما لها ايجابيات:

من السلبيات :
1- كثرة الحوادث : البنات ما يعرفون يسوقون و الشاطر اللي يقول كم مره انا دعيت على بنت تسوق سياره بالمنتدى قدامكم .. و خصوصا البنات الصغار بالسن
تخيلو يا شباب .... بنت عندها التيما اربعه سلندر تتحداني بالشارع و انا رايح للجامعه و تمشي بجمبي 220

..... وين صارت هاذي ؟
و البنات الله خير ما يعرفون يسوقون السياره ابد ..( الا فئه قليله شفتهم يسوقون كماروات و مواستنق ;))

22- كثره الحوادث التي يسببها الشباب للبنات .. كيف ؟
انا اقول لكم .... الحبيب مسوي روحه العاشق .. و كل شوي لاحق له بنت .... و بالاخير هي منحاشه منه و دايسه مليون بسيارتها ... مع الخوف اللي فيها ... و دوووووم كارثه
يا كثر الحوادث اللي تصير للبنات و السبب انها تبي تنحاش من واحد جليل حيا لاحقها

3- فواتير التلفون تصك مليون : السالفه التوضيحيه :
طالع من الجامعه وقت الذروه ( الساعه 1 الظهر ) و اول مره اسويها بحكم اني اداوم الساعه 2 الظهر
وراي وحده معاها يوكن جديد .. و تمسكنا الزحمه ..
و انا اشوف بالمنظره و اشوفها ماسكه التلفون و تخيلو عشرين كيلو بالزحمه وهي تتكلم و تسوق
وهالعشرين كيلو لزمنا 50 دقيقه علشان نقطعها وهي بس ماسكه التلفون

وطبعا من السلبيات و الايجابيات بعد : الكراجات و التشاليح بتنترس سيارات

و طبعا الايجابيات :
1- ما تحتاج سواق الا اذا عندك فريق كرة طائره بالبيت (ما شاء الله)
2- بتنام بدون ما احد يزن عليك "قوم وصلني" (للمتزوجين وحالات اخرى ينظر في امرها

)

و كيبوردي اخترب و انا بنص الرد و اضطريت اختصر لاني اكتب من الكيبورد تبع المعاقين اللي يطلع بالشاشه (الله لا يبلانا و يعافي المسلمين )

م ط ي * * * · 08-01-2008, 04:15 AM

والله سواقة الحريم مشكلة كم يبيلك تعلم في ذا الحرمة لان اسئلتهم واااااااااااااااااااااااااااجدة

**Black Accord 2008** · 08-01-2008, 08:34 AM

هو صدق اذا صار معاك همر ودك تدعس اي شي قدامك .. :d

بس أوااادم وعلى 160

وييييييييين لالالا اهدى من كذا ..

والله من دلاخة السواقه بعد ..

مشكور عالموضوع ياصديقي ..

تحياتي

**LikE.nO.oThER** · 08-01-2008, 12:47 PM

شكراً على توضييحك اخوي كوكو

والي فهمت من توضييحك
انه ما احشر عمري اذا كاان الموضووع عن مجتمعكم او عن بلدكم
واعوودك ان شااء اللله يصيير الي تبغييه
بس حبييت اوضحلك شي انه
كل شي قلته فقط وجهة نظري !!!!!!!!!!!!!!

وتقبل
تحيااتي

ورااعي الموضووع خلييه يساامحني

**أبو عــزوز ..** · 08-01-2008, 02:27 PM

المشاركة الأصلية كتبت بواسطة BLACK_ACCORD

و طبعا الايجابيات :

المشاركة الأصلية كتبت بواسطة BLACK_ACCORD

1- ما تحتاج سواق الا اذا عندك فريق كرة طائره بالبيت (ما شاء الله)

2- بتنام بدون ما احد يزن عليك "قوم وصلني" (للمتزوجين وحالات اخرى ينظر في امرها

بما إن الموضوع سلك مسلك آخر .. حبيت أرد على أخوي عقيلوهـ .. كيف عايشين الوضع

1) ماعندنا سواق .. ولا فريق .. بس أنا وأبوي اللي نسوق .. والحمد لله والشكر .. مكفين الوالدهـ وخواتي ..

واللي يقول ما يحب يودي أهله ويجيبهم .. طيب بسألك ليه مشترين لك سيارة !؟

عشان تروح تودي أخوياك وتطلع معهم وتروحون يمين ويسار ..
أهلك عطوك سيارة عشانك صحيح .. وعشان تساعد أبوك بالمشاوير ..

2) مين اللي يزن -يزعجك- عليك .. خلونا نشوف ..

إذا هي أمك .. لابد تقوم حق وواجب ..

إذا أختك .. أجل مافيك خير .. لان اللي مافيه خير لأهله مافيه خير للناس ..

إذا زوجتك .. يعني هي تلطبي طلاباتك ;) وأنت ماتلبي طلباتها >> لا أحد يروح تفكيرهـ بعيد :d
ودفعت له من عرق جبينك تكون عاجز عن مشوار ساعة ..

حبيبي عقليوهـ .. مو أنت المخاطب .. أنا أقصد كل مؤيد فكرة قيادة المرأة ..

**The Godfather** · 08-01-2008, 03:05 PM

بما ان الكيبورد كان خربان امس و ما قدرت اكتب الايجابيات و لا راح اكتب ... لاني قعدت افكر بكلام ابو عزوز و كلامه صحيح .. بس تظل قيادة المرأه راحه بالنسبه لك .. كيف لا تسألني