مانع الانزلاق موجود في في اكورد 2008 حسب الموقع الرسمي.

**zingoor12** · 09-01-2008, 07:40 AM

اخواني مانع الانزلاق موجود في في اكورد 2008 حسب الموقع الرسمي.

وهذا الرابط:

2008 Honda Accord Sedan - Specifications - the Official Honda Web Site

**محمد بن عبد العزيز** · 09-01-2008, 09:32 AM

طيب شوف هالموقع ,..,,

www.accord08.com

بتعرف وين مانع الانزلاق...

**aydw5** · 09-01-2008, 03:04 PM

مانع الإنزلاق في المنحنيات Vsa متوفر فقط في 6 سلندر ولكن في 4 سلندر لا يوجد ... تحياتي

**B Useful** · 09-01-2008, 05:11 PM

المشاركة الأصلية كتبت بواسطة aydw5

مانع الإنزلاق في المنحنيات Vsa متوفر فقط في 6 سلندر ولكن في 4 سلندر لا يوجد ... تحياتي

قسم بالله اني قاعد اقول لهم هالكلام في اكثر من 4 مواضيع انحطت في المنتدى ومحد مصدق !!

هاااة شباب صدقتو الحين ؟؟؟

متوفر فقط في 6 سلندر

4 سلندر مافيها .. مافيها .. مافيها .

**accord05** · 09-01-2008, 05:54 PM

وش سالفة ماانع الانزلاق اتوقع حليتو واكتشفتوو انه في 6سلندر

اتوقع ياخوي انه في المواصفات الاوربيه لكن عندنا مافيييش

**B Useful** · 09-01-2008, 06:01 PM

المشاركة الأصلية كتبت بواسطة accord05

وش سالفة ماانع الانزلاق اتوقع حليتو واكتشفتوو انه في 6سلندر

اتوقع ياخوي انه في المواصفات الاوربيه لكن عندنا مافيييش

تستهبل انت ولا من جدك ؟؟

aydw5 موظف بالوكالة يقول موجود فقط في 6 سلندر
الموقع الرسمي يقول موجود في 6 سلندر فقط..

وانت اخترعت من جيبك لكن عندنا ما فيش ؟؟

**راعي الاكورد** · 09-01-2008, 08:28 PM

كل شي وارد هالايام لا تستغرب

او موغريب لو بيكون متوفر في الاربعه سلندر

**عاشق الأكورد2008** · 10-01-2008, 02:57 AM

في المواصفات الامريكية يتوفر نظام VSA في ال 4 سلندر والي يبي الدليل يشوف المقطع هذا

http://www.youtube.com/watch?v=d00llv2TToM

تقبلوا تحياتي

**خبرة سيارات** · 14-01-2008, 08:50 PM

شكرا على الموضوع .

تحياتي ,,,

**عمور** · 16-01-2008, 08:42 AM

انا اقول في الاربعه سلندر السبيشل

والفل والسته سلندر مافيهم مانع انزلاق :p

**beam** · 18-01-2008, 08:31 PM

ياناس نتكلم حنا هنا على الخليجي
من ناحية افضل المواصفات الخليجية تعتبر
ايش نبغى بالامريكي لو نقعد نناظر الامريكي كان الموديل الـــ2008 اللي احنا فارحين فيه هالحين نازل قبل سنتين بامريكا

؟؟؟؟؟؟

**AYOUB** · 19-01-2008, 01:42 AM

المشاركة الأصلية كتبت بواسطة beam

ياناس نتكلم حنا هنا على الخليجي
من ناحية افضل المواصفات الخليجية تعتبر
ايش نبغى بالامريكي لو نقعد نناظر الامريكي كان الموديل الـــ2008 اللي احنا فارحين فيه هالحين نازل قبل سنتين بامريكا

؟؟؟؟؟؟

لا يا حبيبي .. اسمح لي

الآن الموديلات تتغير عالميا والخليجي أصبح من ضمنهم
يعني إذا تغير باليابان بأمريكا بالشمال الأطلنطي يتغير الخليجي

هذاك أول كنا نتأخر سنة .. سنتين

تقبل تحتي لكم
Ayoub

**عاشق الريشة** · 20-01-2008, 11:24 AM

مازلت تتأخر يالسعودي في كل شي...

ويتأخر عليك كل شي...

وبتتأخر اكثر واكثر مع ارتفاع الاسعار وانتشار الفقر

مثلاً... ال fj-crauser موجود في امريكا وشافه قبل ثلاث سنوات

ومطور اكثر من اللي عندك

ولو تركب السيارة تشوف وزن الباب تنخبل

تقول باب لكزس

واللي عندنا نفس باب الكامري الله يقلعها

**لصمت ملاك** · 21-01-2008, 02:07 PM

انا معي 2008 س سلندر

لا يووجد فيـهـا ماانع انزلاق

**ـبطرانـ2005ــ** · 21-01-2008, 02:30 PM

أحلم يا كوكو هدي هدي

**مجنون هوندا كورد‎ ‎** · 27-08-2008, 10:40 AM

السلام عليكم :
كل عام وانتم بخير

**king الأكورد** · 27-08-2008, 11:01 AM

أهلين

ماهي سالفتكم مع مانع الأنزلاق
يا خي والله مافكرت فيه
ماهي سالفته لأني مافهمت شي :(

**jet** · 27-08-2008, 03:05 PM

مانع الانزلاق هو نظام يحافظ على ثبات السيارة في المنعطفات والتغير المفاجيء في حركة السيارة حيث ان السياره ترجع الى مسارها من نفسها في حالة عدم السيطره عليها ,, خذ مثلا الكامري لو فريت الطاره فجأه وانت ماشي 160 اش رايح يصير ؟ اكيد بتعرفون
لكن نظام ثبات المركبه اللي يرمز له ( Vehicle Stabilty Assist (VSA في سيارات الهوندا ويسمى في بقية السيارات)VSC) Vehicle Stabilty Control ) الأسماء مختلفة ولكنها تؤدي الغرض .
طبعا النظام هذا ما يعرف قيمته الا من يجربه حيث انك لو تكون ماشي بسرعة 170 واخذت منعطف حاد تجد السياره كأنها متسمره على الارض تسمير يعني ثبات عجيب بفضل هذا النظام ولذك تجده لا يوجد الا في السيارات الفخمه امثال المرسيدس والسيارات الالمانيه واللكزس عموما . بالنسبة للأخ لصمت ملاك فيمكنه التأكد من وجود النظام وذلك عند تشغيل السياره يرة في لوحة القياده تحت عداد السرعة رمز VSC مثل رمز فرامل الأي بس اس مثلا ..
اما موضوع الزر اللي يجي في اليسار فهو موجود في موديلات 2007 السعوديه فقط ,, مدري ليش الاستخدام الامريكي ما زال محتفظ بالزر هذا .وعموما هذا النظام يساوي الكثير ولا خساره في زيادة سعر السيارة اللي فيها عذا النظام .

**CIVICORD** · 27-08-2008, 04:03 PM

مانع الانزلاق غير موجود .. في الـ4ـسلندر 2008 الفاشله دوليا .. << بس تطوف 2007 يكفي ..

أمس خششت مع إشاره .. مهوب فيه = مهوب فيه = غير موجود = مافي VSA ..

غصب هو

..

بعدين وشوله VSA .. تقول لي لفات .. طيب حاطين لك خرابيط غيره .. صدقني بدونه ثابت فاللفات .. -الله يذكر االسيفيك بالخير- .

**meshoo** · 27-08-2008, 04:21 PM

طيب ال Abs مايأدي نفس الدور تقريبا ؟

**B Unique** · 27-08-2008, 04:56 PM

المشاركة الأصلية كتبت بواسطة meshoo

طيب ال Abs مايأدي نفس الدور تقريبا ؟

الـ Abs اختصار لنظام مانع انغلاق الفرامل
وظيفته : يمنع الفرامل من الانغلاق بشكل مستمر عشان ما يسحب بك الكفر

الـ Vsa اختصار لنظام تعزيز الثبات او مانع الانزلاق
وظيفته : يساعد السيارة على الثبات في اللفات ووقت القيادة على ارض مبلولة بالتحكم في سرعة الكفرات وتعديل وضع القير عند الحاجة

الـ Ebd اختصار لنظام توزيع الفرملة الكترونياً
النظام هذا يعمل مع نظام الـ Abs وموجود في كل الاكوردات بشكل قياسي
وظيفته : توزيع نسبة الفرملة على الكفرات الأربعة مما يزيد قوة الفرملة ويعزز ثبات السيارة وقت الفرملة

**meshoo** · 27-08-2008, 06:28 PM

^^^^^

والله حسافه افكر ال Abs يثبت السياره وقت اللفات الحاده :(

**jjj** · 27-08-2008, 07:27 PM

كوكو كورد
ردودك عقيمه بصراحه:p

**B Useful** · 27-08-2008, 08:58 PM

المشاركة الأصلية كتبت بواسطة jjj

كوكو كورد

ردودك عقيمه بصراحه:p

لا بكثر هرجك .. مسجل قبل امس وتفلسف ..
كاتب الموضوع لو انة استخدم خاصية البحث ..
ما احتجنا اننا نوصل لهالدرجة العقيمة اللي تجيب العقم ..

الموقع الرسمي
كلام موظف الوكالة
كلام الاعضاء اللي مالكين السيارة

يقولون ويثبتون بالادلة مافية .. ومتاكدين من عدم وجودة ..

ويجون الاعضاء للحين كل واحد يتفلسف ويقول موجود ... !!! ( 4 سلندر ) ..

الله يخلي ردودي العقيمة دام فية دلوخ بالمنتدى .

اخر كن في بداية 2008 .. وللحين يرفع الموضوع !!