الخبر الاكيد عن vsa في اكورد 2008

[ا ا ر]

السلام عليكم ورحمة الله وبركاتة

اخيراااا تأكدت من عدم وجود نظام مانع الانزلاق

في الاول كنت اقول ان فيه مانع انزلاق

لكن للاسف صار اللى كان مابيه يصير

المهم كنت ماشي تقريبا 140 وادخل مع كبري

والكبري تعرفون الكباري تطلع مايله

وانا مدرعم ماهديت واحاول اسايس الموتر مع اللفه

الا شوي واحس الموتر راحححح وياليته ماراح

واعدل يمين يسار يمين يسار

احس ان اللي شافني ذاك اليوم يقول هاذا طااااره

المهم والنطله الرابعه زي ماقلت الكبري مايل

يوم خلاص عدلت السياره الا في الصبات

قلت خلاص قلبنا والحمدالله ربك ستر

وصفط يمين اطالع في الموتر الحمدالله خدوش في الصدام

والكفر راح....

عين ماصلت على النبي

الأهم من هاذا كله ان الاكورد 2008 سبشل مافيها نظام مانع انزلاق

[B Useful]

قلناكم مافيها من اول .. ومنزلين مدري كم موضوع ...

والحمد لله على سلامتك في كل حال ..

على العموم اذا تبي تركب مانع انزلاق ..

ركب يايات رياضة من شركة www.eibach.com

ودمت بود ,, وصحة وسلامة ..

ونتمنى للجميع قيادة امنة

[برفسور الأكورد]

الحمد للة على السلامة
بس غريبة مافيها النظام

[momo]

بالحديد ولا بالعبيد

[لصمت ملاك]

الحمد للهـ ع الســلامـهـ ,,


وهذا الأهم ,

وبالنسبـهـ للمانع الإنزلاق مثل ما قال اخوي ركب يايات ,

[الـمـسـافـر]

الحمد لله على سلامتك

[Black Heart]

الحمد على سلامتك أخويي

[مجرد رأي]

لهذي الدرجة يفرق هالنظام ؟؟!!


جاوبوني يا المجربين

[تويتي]

اول شي
الحمدلله على سلامتك اخووي في الحديد ولا في العبيد

ثانياا

لهذي الدرجة يفرق هالنظام ؟؟!!


جاوبوني يا المجربين

أكيد اخوي يفرق النظام يساعدك في التحكم في السياره عند المنعطفاااات او عند فقدان السيطرة على السيارة

[accord05]

الحمد الله على سلامتك

لكن لو يكون فيها مانع الانقلاب ومن الصدمات ومانع اخ اف دي
وشو له السرعه السيارة جديده وخلها بعدين ووفر السرعه على الخط السمح الله يهديكم بس

[cent-50]

يعطيك الف عافية على هذه الخبريه

بس عندي سؤال بعد اذنك طبعاً

هل يوجد نظام vsa في الفل

[92.500]

انا منب احب هالنظام .. احس انه يدخل في شغلي بالقياده :d

عموما حمد الله على السلامه .. وارفق بالسواقه الله يصلحك الموتر ماله شهر جاي عندنا

[و د ا السعوديـة 1 5 5]

الحمدالله على السلامه اخوي
وثاني شي حتى 2007 وسبيقاتها السبشل مافيها مانع انزلاق مانع الانزلاق ما يجي إلا في الفل
وشكرا

[shabab4ever]

وانـا أخـوكـ أنـا معـي فل ولا فـيه شي ..؟

أتوقـع بس v6

[beam]

والله مشاكل ياابن الحلال عسا بس الموتر ماكلفك يابعدي
الحمد لله على السلامة

[الفريد 666]

الحمدلله على سلامتك

الرفق زين ما حد الله

[ا ا ر]

والله مشاكل ياابن الحلال عسا بس الموتر ماكلفك يابعدي


الحمد لله على السلامة

لا الحمدالله خدوش بالصدام وفيه قطعه صغيره تحت الصدام نص مكسوره

والكفر بدلته بالاستبنه

[ssstsss911]

الحمد لله على السلامة
بس الغريب إنو المفروض يكون الموديل الحديث متطور أكثر
على الأغلب الوكيل ما جاب المواصفات الزينة ((إسترخص بالسعر))

[mjenbaz]

الحمدلله على سلامتك أخوي
وربي يحفظك

[NightHawk]

السلام عليكم

ال2008 تحتوي على نظام الvgr و هذا النظام يتحكم في الغيااراات عند المنعطفاات
هذاا شبيه لحد ماا تقنيةا الاتركشن ...

فسااعاات ااذا دست البترول عند منعطف بتحس ان السياره تآخر التبديله لحد ما تستقيم السياره

[accord08 4 ever]

والله قهر سياره حلوه وأنيقه ومافيها مانع إنزلاق!!!!!!!

[momo]

88888888888

اصلا حلات الاكورد بدون مانع انزلاق >>>>>>يمدح 2008

[سـوآلـفـ]

الحمد للهـ ع الســلامـهـ ,,

بالحديد ولا بالاوادم يالغلااا

[hamoody.307]

الحمد الله على السلامة اخويي...

بس عندي سؤال..؟!
اذا مافيها هالنظام ولا حتى في الفل اجل ليه هالسعر كله فيها 92.500
( الفل اعني بحيث انه ما يوجد بها النظام على كلام الشباب )

بس كيف الشباب الي مجربينها هنا في المنتدى يقولوا انها راااسيه وثبات وحركات ...؟!!
( فئة الفل) الصراحة موضوعك هذا كرهني في الاربعه سلندر 2008 من بعد اعجابي بها

[سوبر اكورد]

الحمد لله على السلامه
يارجال بالحديد ولا فيك
وما دامها خدوش طفيفه
الحمد لله
لكن يااخوان ترفقوا من هالسرعه
كان عندكم تراكشن والا لا
:dوش عندي مسوي ما اسرع
سلملم